Aesaea 25:12 - Pijin Bible

¹² Nomata olketa taon ya long Moab i garem olketa bikfala hae wolston raonem, wea olketa save haed insaet long taem blong faet, bat bae God hemi brekemdaon go-go hemi olsem nomoa dast long graon.

Pijin Deuterocanon

¹² Nomata olketa taon ya long Moab i garem olketa bikfala hae wolston raonem, wea olketa save haed insaet long taem blong faet, bat bae God hemi brekemdaon go-go hemi olsem nomoa dast long graon.

Aesaea 25:12 Iomraidhean Croise

Aesaea 14:23

Bae mi mekem taon ya fo kamap wanfala bikfala krik, an bae hemi kamap ples blong olketa aol tu. An bae mi tekem wanfala brum wea hemi naf fo brumum aot evrisamting, mekem ples ya hemi emti finis.” Hem nao mesij blong Yawe hu hemi garem evri paoa.

Aesaea 15:1

Hem ya profesi abaotem Moab. Yawe nao hemi tok olsem, “Long wanfala naet nomoa, tufala bikfala taon ya blong Moab, Ara an Kia, bae olketa spoelem finis.

Aesaea 2:15

An bae hemi olsem wea Yawe hemi brekemdaon olketa strongfala wolston wetem evri gadhaos blong olketa.

Aesaea 25:2

Yu bin spoelem finis olketa bikfala taon an olketa i olsem nao hip ravis nomoa. Olketa strongfala sefples blong enemi yu bin brekemdaon evriwan, an olketa i olsem nao hip ston nomoa. An evri haos blong king blong olketa ya hemi nogud tumas nao, an bae olketa no save wakembaek moa.

Aesaea 26:5

Hemi save mekem eniwan hu hemi haemapem hem seleva fo kamdaon lou. Strongfala taon wea hemi stap hae fogud hemi save brekemdaon nomoa, mekem hemi olsem dast long graon.

Jeremaea 48:1

Yawe hu hemi garem evri paoa an hu hemi God blong Israel, hemi tok olsem abaotem olketa pipol blong Moab, “!Sore tumas long taon long Nebo! Bae hemi kamap nogud fogud. Taon long Kiriataem tu bae enemi hemi winim hem, an brekemdaon strongfala sefples blong hem fo haed, mekem olketa pipol blong hem i sem tumas.

Jeremaea 51:58

Yawe hu hemi garem evri paoa, hemi gohed fo tok olsem, “Bikfala wolston blong taon, wea hemi strongfala tumas, bae mi brekem hem finis, mekem hemi foldaon. An olketa tolfala geit blong hem, bae mi bonem long faea. Olketa pipol blong evri kantri wea yufala winim, i bin wakahad tumas go-go olketa wik fogud, bat olketa no winim nomoa enisamting fo olketa seleva. Bat evrisamting wea olketa bin bildim fo Babilonia, bae hemi barava bone long faea.”

Jeremaea 51:64

Den yu talemaot olsem, ‘Long wei ya nao, bae Babilonia wetem olketa pipol blong hem i singdaon olsem buk ya, an bae i no save kamap moa, bikos bae mi mekem bikfala trabol fo kam kasem olketa.’” Hem nao en long olketa mesij blong Profet Jeremaea.

Lamentesin 2:2

Evri haos long olketa vilij long Jiuda, Masta ya hemi no sore long olketa. Hemi kros tumas an brekemdaon evri strongfala sefples fo haed long lan ya. Hemi spoelem finis kantri ya wetem evri bikman, mekem olketa pipol i sem fogud.

Esikiel 28:17

Den yu kamap praod tumas bikos yu barava luknaes fogud, an disfala praod wei ya blong yu hemi spoelem waes blong yu. From disfala samting nao, mi torowem yu daon long graon, mekem olketa narafala bikfala sif an king save lukim yu, an hemi olsem woning fo olketa.

Hibrus 11:30

Olketa pipol blong Israel i biliv long God, an dastawe nao disfala bikfala wolston wea hemi stap raonem Jeriko ya hemi foldaon bihaen olketa goraonem fo sevenfala de.

Revelesin 18:21

Den wanfala maeti enjel hemi tekem wanfala bikfala ston an hemi torowem godaon long si, an hemi sei, “Babilon, yu biktaon, long diskaen wei tu, bae olketa torowem yu godaon, mekem yu lus olowe nao.