Aesaea 25:11 - Pijin Bible

¹¹ Bae olketa gohed fo torowem go han blong olketa insaet long ravis ya, olsem man hemi suingim han blong hem taem hemi suim long dip si. An nomata olketa i praod an kleva, bat bae God hemi tekemaot nomoa disfala praod an kleva blong olketa, mekem no eniwan long olketa save duim enisamting.

Pijin Deuterocanon

¹¹ Bae olketa gohed fo torowem go han blong olketa insaet long ravis ya, olsem man hemi suingim han blong hem taem hemi suim long dip si. An nomata olketa i praod an kleva, bat bae God hemi tekemaot nomoa disfala praod an kleva blong olketa, mekem no eniwan long olketa save duim enisamting.

Aesaea 25:11 Iomraidhean Croise

Stori abaotem Job 40:11

Yu mas mekem olketa hu i praod fo save wea yu kros tumas long olketa, an bae yu meksem long olketa.

Sams 2:5

Hemi kros an hemi toktok strong long olketa olsem, “!Yufala lukaot ya!” An bikos hemi kros olsem, olketa fraet fogud an seksek nao.

Aesaea 10:33

Bat Lod Yawe hu hemi garem evri paoa hemi daonem olketa hu i garem bikfala nem an olketa hu i strong olsem tri wea man hemi katemdaon.

Aesaea 13:11

Yawe nao hemi tok olsem, “Bae mi panisim wol ya bikos hemi barava nogud tumas nao. An bae mi panisim olketa nogud pipol bikos olketa sin. Bae mi daonem olketa praod pipol, an bae mi spoelem finis evri praod wei blong olketa wea olketa save spoelem long olketa narafala pipol.

Aesaea 14:26

Hem nao plan blong mi fo olketa narafala kantri long wol ya. Mi liftimapem finis han blong mi fo panisim olketa.”

Aesaea 16:14

Bat distaem Yawe hemi tok olsem, “Moab hemi wanfala ris kantri wea hemi garem plande pipol an plande samting. Bat bifoa barava trifala yia hemi finis, bae olketa narafala pipol i talem dat olketa pipol blong Moab wetem evri risis blong olketa, hemi samting nating nomoa. An bae tu-trifala nomoa i stap, bat bae olketa wik fogud.”

Aesaea 16:6

Olketa pipol blong Jiuda i tok olsem, “Yumi bin herem plande taem wea olketa pipol ya blong Moab i praod tumas. Yumi save finis wea olketa save haemapem olketa seleva tumas, an no save sore o kea nomoa long olketa narafala pipol. Bat yumi save tu dat evri praod toktok blong olketa hemi samting nating nomoa.”

Aesaea 2:10

Bae olketa pipol trae fo ranawe go long kev o digim hol long graon fo haed insaet long hem, bikos olketa fraet fogud long Yawe hu hemi King an hemi garem evri paoa.

Aesaea 2:11

Long taem ya, bae Yawe hemi daonem olketa praod pipol, an bae evri pipol i mekhae nomoa long Yawe.

Aesaea 2:15

An bae hemi olsem wea Yawe hemi brekemdaon olketa strongfala wolston wetem evri gadhaos blong olketa.

Aesaea 25:5

o olsem barava hot insaet long drae eria. Bat yu satem finis maos blong olketa, olsem wea klaod hemi satem san fo hemi no hot kamdaon.

Aesaea 5:25

Yufala nao olketa pipol blong Yawe, bat bikos yufala mekem hem kros tumas, bae hemi kilim yufala dae. Bae hemi mekem olketa maonten fo seksek an plande pipol nao i dae wea bodi blong olketa i stap olobaot nomoa falom olketa rod olsem ravis. Bat nomata Yawe hemi panisim olketa olsem, hemi gohed fo kros nomoa long olketa. An bae hemi redi fo panisim olketa moa.

Aesaea 53:12

Dastawe nao bae mi mekhae long hem wetem olketa bikman hu i garem paoa. Hem seleva nao hemi wiling fo dae long sem wei wea olketa nogud man i dae. Hemi tekem ples blong staka pipol hu i sin, an hemi askem mi fo fogivim olketa.”

Aesaea 65:2

Bat oltaem nomoa yufala pipol blong mi i bikhed tumas an duim olketa nogud samting, an yufala falom tingting blong yufala seleva. Nomata olsem, mi bin redi olowe nomoa fo welkam long yufala.

Jeremaea 48:29

“Evriwan save dat Moab hemi praod tumas. Oltaem hemi gohed fo bikhed tumas, an hemi gohed fo tinghae long hem seleva.

Jeremaea 48:42

Bae olketa spoelem Moab finis, bikos olketa gohed fo agensim mi Yawe.

Jeremaea 48:47

Bat nomata olsem, long taem wea bae hemi kam, mi mekem laef blong olketa blong Moab fo gudbaek moa.” Hem nao mesij blong Yawe, an hem nao en long toktok abaotem wei wea bae Yawe hemi panisim Moab.

Jeremaea 51:44

Bae mi panisim Bel wea hemi god blong Babilon. Bae mi mekem hemi toraotem evrisamting hemi bin sualomdaon. Bae olketa pipol long wol ya i no kam moa long hem fo mekem wosip, an wolston long taon blong hem nao bae mi mekem hem fo foldaon.

Daniel 4:37

“An distaem, mi preisim God, hu hemi king long heven, an mi tinghae long hem. Evrisamting wea hemi duim, hemi gud an stret fogud. An hemi save mekem eniwan hu hemi praod fo kamdaon lou.”

Kolosi 2:15

Nao Kraes hemi tekemaot finis evri paoa blong olketa bikman an olketa lida long saet blong Seitan. An long kros ya, hemi winim olketa an hemi mekem olketa fo filsem tumas long ae blong olketa pipol.

Jemes 4:6

Bat nomata olsem, kaenfala lav blong God fo yumi, hemi bikfala moa winim diswan. Dastawe nao Buktambu hemi sei, “God hemi daonem eniwan hu hemi praod, bat hemi somaot kaenfala lav blong hem long olketa hu i hambol.”