Aesaea 24:19 - Pijin Bible

¹⁹ Bae graon ya hemi seksek go-go hemi brek, an bae hemi garem bikfala hol long hem.

Pijin Deuterocanon

¹⁹ Bae graon ya hemi seksek go-go hemi brek, an bae hemi garem bikfala hol long hem.

Aesaea 24:19 Iomraidhean Croise

Sams 75:3

Nomata evrisamting wea i laef olketa seksek, an graon hemi seksek tu, bae mi mekem faondesin blong wol ya fo hemi stap strong.

Aesaea 13:13

Mi Yawe hu mi garem evri paoa nao mi kros tumas, an bae mi som paoa blong mi. Long datfala taem, bae mi mekem skae fo seksek, an graon fo muv from ples blong hem.

Aesaea 2:19

Taem Yawe hu hemi King an hu hemi garem evri paoa hemi kros an hemi somaot paoa blong hem, olketa pipol i fraet fogud long hem an olketa ranawe go long kev o digim hol long graon fo haed insaet long hem.

Neiham 1:5

Taem hemi kam, olketa bikfala maonten i seksek, an olketa smolfala hil i kamap sof olsem wata wea hemi randaon. Disfala wol wetem evriwan hu i stap long hem, i fraet an seksek.

Habakuk 3:6

Taem hemi stop, graon hemi seksek. Taem hemi luk go long olketa kantri, evri pipol i fraet an seksek fogud. Olketa bikfala maonten an hil i brek long pisis an singdaon nao. Long wei ya, God bin wakabaot long disfala wol longtaem bifoa.

Nambas 16:31

Taem Mosis hemi talem toktok ya finis, seknomoa, graon hemi brek, an open bikfala barava andanit long Datan an Abiram.

Nambas 16:32

An tufala wetem olketa famili blong tufala, an pipol blong Kora, evriwan i foldaon go insaet long hol wetem evrisamting blong olketa.

Matiu 24:3

Nao wanfala taem, Jisas hemi sidaon long hil blong Oliv tri an olketa disaepol blong hem olketa kam seleva long hem nao, an olketa sei, “?Wataem nao bae olketa samting ya i hapen? ?An watkaen saen nao bae hemi kamap fo somaot dat hemi kasem taem wea yu bae i kambaek long hem an disfala wol bae hemi finis?”

Diutronomi 11:6

Olketa pikinini blong yufala nao no lukim wanem Yawe hemi duim fo panisim Datan an Abiram, tufala san blong Eliab blong traeb blong Ruben, bat yufala ya lukim graon hemi open, an tufala ya wetem olketa famili blong tufala, an olketa haostent blong tufala, an olketa animol blong tufala i foldaon go insaet long graon.

2 Pita 3:10

Bat disfala De blong Masta, bae hemi kam olsem wanfala man fo stil, wea yumi no save long taem wea bae hemi kam. Long datfala De, bae bikfala noes hemi kamaot long skae an skae bae hemi lus. An bikfala faea tu bae hemi bonem evrisamting long skae go-go hemi nogud nao. An disfala wol tu wetem evrisamting long hem, bae i lus nao.

2 Pita 3:12

An taem yufala gohed olsem fo weitem disfala bikfala De blong God, yufala mas wakahad fo mekem disfala De hemi kam kuiktaem. Long De ya nao, bae faea hemi bonem finis skae, an evrisamting long skae ya tu bae faea hemi hotem go-go olketa kamap olsem waks long faea.

Revelesin 20:11

Den mi lukim wanfala bikfala tron wea hemi waet fogud, an mi lukim tu God hu hemi sidaon long hem. An wol wetem skae tufala ranawe from God, an no eniwan save faendem tufala long eni ples.