Aesaea 23:9 - Pijin Bible

⁹ Yawe hu hemi garem evri paoa nao hemi mekem plan fo finisim bikfala praod wei blong yufala, an fo daonem yufala from olketa wei wea yufala tinghae nomoa long yufala seleva. Hemi duim diswan fo mekem yufala sem.

Pijin Deuterocanon

⁹ Yawe hu hemi garem evri paoa nao hemi mekem plan fo finisim bikfala praod wei blong yufala, an fo daonem yufala from olketa wei wea yufala tinghae nomoa long yufala seleva. Hemi duim diswan fo mekem yufala sem.

Aesaea 23:9 Iomraidhean Croise

Stori abaotem Job 12:21

Hemi meksem long olketa hu i garem paoa, an hemi mekem olketa bikman fo wikdaon.

Sams 107:40

Bat taem olketa duim olsem, Yawe hemi somaot dat hemi nating laekem olketa fo spoelem yumi. So hemi mekem olketa fo wakabaot olobaot nomoa long drae eria wea no eni rod long hem.

Eksodas 8:4

Olketa frog ya bae i jam go antap long yu an long olketa bikman blong yu an long olketa narafala pipol blong yu.’ ”

Aesaea 10:33

Bat Lod Yawe hu hemi garem evri paoa hemi daonem olketa hu i garem bikfala nem an olketa hu i strong olsem tri wea man hemi katemdaon.

Aesaea 13:11

Yawe nao hemi tok olsem, “Bae mi panisim wol ya bikos hemi barava nogud tumas nao. An bae mi panisim olketa nogud pipol bikos olketa sin. Bae mi daonem olketa praod pipol, an bae mi spoelem finis evri praod wei blong olketa wea olketa save spoelem long olketa narafala pipol.

Aesaea 14:24

Yawe hu hemi garem evri paoa hemi mekem wanfala strongfala promis olsem, “!Plan blong mi bae hemi mas kam tru! !Evrisamting wea mi laek fo duim, bae hemi mas hapen nao!

Aesaea 14:26

Hem nao plan blong mi fo olketa narafala kantri long wol ya. Mi liftimapem finis han blong mi fo panisim olketa.”

Aesaea 14:27

Taem Yawe hu hemi garem evri paoa hemi mekem plan blong hem, no eniwan save stopem. An taem hemi liftimap han blong hem fo panisim olketa pipol ya, no eniwan save stopem hem tu.

Aesaea 2:11

Long taem ya, bae Yawe hemi daonem olketa praod pipol, an bae evri pipol i mekhae nomoa long Yawe.

Aesaea 2:12

Long datfala taem tu, Yawe hu hemi garem evri paoa bae hemi daonem olketa pipol hu i praod.

Aesaea 2:17

Long wei ya, bae Yawe hemi daonem olketa praod pipol. Olketa kaving god bae i lus finis, an bae evri pipol i mekhae nomoa long Yawe.

Aesaea 23:10

!Olketa pipol blong Taea hu i stap long Spen! Yufala mas stat fo wakem olketa gaden mekem yufala save garem kaikai, bikos hom blong yufala ya long Taea hemi barava nogud tumas nao. So, yufala mas lukaftarem yufala seleva.

Aesaea 32:13

An bae yufala gohed fo sore an krae bikos olketa nilagras an olketa ravis gras i kavaremap finis lan blong olketa pipol blong mi, an yufala krae fo evri haos wea bifoa olketa pipol bin hapi tumas insaet.

Aesaea 5:13

Dastawe nao Yawe bae hemi fosim yufala olketa pipol blong hem fo lusim hom blong yufala, mekem yufala kamap slev long narafala kantri wea yufala evriwan bae i dae long hanggre an dae fo wata.

Aesaea 9:15

Hed blong olketa nao olketa olo man, wetem olketa pipol hu i garem biknem. An tel blong olketa nao olketa narafala profet wea i save talem olketa laea toktok nomoa.

Jeremaea 13:9

Yawe nao hemi tok olsem: ‘Long barava sem wei wea disfala lavalava hemi kamap nogud tumas, bae mi spoelem olketa wei fo praod blong olketa pipol blong Jerusalem an olketa narafala pipol blong Jiuda.

Jeremaea 51:62

Den bae yu prea, wea yu tok olsem, ‘O Yawe. Yu bin talem dat bae yu spoelem disfala ples, mekem hemi kamap nogud wea no eni man an no eni animol save stap long hem. An ples ya nao bae hemi no save gudbaek moa enitaem.’

Daniel 4:37

“An distaem, mi preisim God, hu hemi king long heven, an mi tinghae long hem. Evrisamting wea hemi duim, hemi gud an stret fogud. An hemi save mekem eniwan hu hemi praod fo kamdaon lou.”

Obadaea 1:2

“!Olketa pipol blong Idom! Bae mi mekem yufala wik, nao evri narafala kantri bae i strong moa winim yufala. Bae evri pipol i heitem yufala.

Malakae 4:1

Yawe hemi tok olsem, ?De blong mi fo jaj bae hemi kam, an bae hemi olsem bikfala faea. Evri praod pipol an evri pipol hu i duim olketa ravis samting, bae i olsem drae gras, an long datfala de bae olketa barava bone. Bae no eniwan long olketa hemi stap bikos nomata olketa rut blong gras, faea hemi bonem tu.

Aposol 4:28

Long wei ya, olketa duim nomoa evrisamting wea yu laekem. Long paoa blong yu, yu bin talem longtaem i go finis wea bae olketa samting hemi hapen.

Efesas 1:11

Evrisamting ya, God hemi duim falom plan an tingting blong hem seleva. God hemi falom tingting blong hem, wea hemi siusim yumi bifoa kam yet. Hemi bin siusim yumi fo kamap pipol blong hem wea yumi joen wetem Kraes.

Efesas 3:11

God hemi duim wanem hemi bin stap long plan blong hem long taem bifoa kam. An hemi duim diswan long waka blong Jisas Kraes Masta blong yumi.

Jemes 4:6

Bat nomata olsem, kaenfala lav blong God fo yumi, hemi bikfala moa winim diswan. Dastawe nao Buktambu hemi sei, “God hemi daonem eniwan hu hemi praod, bat hemi somaot kaenfala lav blong hem long olketa hu i hambol.”