Aesaea 23:3 - Pijin Bible

³ Oltaem, yufala sendem olketa pipol blong yufala fo go akros long solwata fo peim wit an olketa narafala kaikai wea olketa groum falom Nael Riva long Ijip, mekem yufala save salem long olketa pipol blong olketa narafala kantri.

Pijin Deuterocanon

³ Oltaem, yufala sendem olketa pipol blong yufala fo go akros long solwata fo peim wit an olketa narafala kaikai wea olketa groum falom Nael Riva long Ijip, mekem yufala save salem long olketa pipol blong olketa narafala kantri.

Aesaea 23:3 Iomraidhean Croise

1 Kronikols 13:5

So Deved hemi sendem toktok go long olketa pipol blong Israel, stat long saot long Sihoa riva long Ijip, go kasem ples long Lebo-Hamat long not. Hemi kolem kam evriwan, mekem olketa tekem kambaek Tambu Boks ya long Jerusalem.

Aesaea 19:7

An olketa gaden wea olketa pipol i plantem long ples ya bae hemi nogud tumas, an bae win hemi bloum olketa aot go-go hemi lus finis.

Aesaea 23:8

Long bifoa, olketa pipol blong Taea nao i putum olketa pipol fo rul ovarem olketa narafala ples, an olketa pipol i gohed fo tinghae long olketa bisnisman blong Taea, winim olketa narafala bisnisman. !Bat yufala nating save hao nao disfala nogud samting wea hemi kasem yufala!

Aesaea 32:20

bat olketa pipol blong mi bae i lake nomoa. Bikos Yawe hemi blesim olketa gaden wea olketa wakem long saet riva. Olketa buluka an olketa dongki blong olketa tu bae i garem plande gudfala kaikai, an bae olketa save wakabaot olobaot nomoa long ples ya.

Jeremaea 2:18

?Bae wanem nao yufala winim sapos yufala go long Ijip fo dringim wata long Nael Riva? ?An waswe nao bae yufala go long Asiria fo dringim wata long Yufretis Riva? !Olketa blong tufala kantri ya kanduit sevem yufala!

Esikiel 27:33

Taem yu sendem kago blong yu fo go ovasi, olketa blong olketa narafala kantri i gohed fo peim, mekem olketa garem evrisamting wea olketa laekem. Long olketa gudfala samting wea yu garem, yu mekem olketa king fo kamap ris.

Esikiel 28:4

From disfala waes an save blong yu, yu garem plande risis, an yu garem silva an gol wea yu hipimap insaet long haos blong yu.

Joel 3:5

Yufala bin tekem finis olketa silva an gol, an olketa narafala gudfala samting blong mi, an putum insaet long haos blong tufala king blong yufala.

Diutronomi 11:10

Disfala lan wea bae yufala go long hem fo tekova, hemi no olsem lan long Ijip wea yufala lusim. Long dea, oltaem yufala gohed fo hadwaka tumas fo karim wata fo putum long gaden blong yufala.