Aesaea 23:18 - Pijin Bible

¹⁸ Bat evri seleni wea olketa winim long olketa bisnis ya, bae olketa no save kipim. Olketa seleni ya bae hemi blong Yawe, an olketa pipol blong hem hu i gohed fo wosipim hem nomoa, bae i yusim seleni ya fo peim plande kaikai wetem olketa nambawan kaleko fo olketa.

Pijin Deuterocanon

¹⁸ Bat evri seleni wea olketa winim long olketa bisnis ya, bae olketa no save kipim. Olketa seleni ya bae hemi blong Yawe, an olketa pipol blong hem hu i gohed fo wosipim hem nomoa, bae i yusim seleni ya fo peim plande kaikai wetem olketa nambawan kaleko fo olketa.

Aesaea 23:18 Iomraidhean Croise

Sams 45:12

Olketa pipol blong taon long Taea bae i tekem kam olketa presen fo yu, an olketa risman bae i trae fo mekem yu fo saetem olketa.

Sams 72:10

Hemi gud tumas fo olketa king long Spen an long olketa aelan, bae i mas givim olketa presen long hem. Hemi gud tumas fo tufala king blong Arebia an Itiopia, tufala mas tekem kam olketa presen long hem.

Sams 72:11

Hemi gud tumas fo evri king mas baodaon long hem. An evriwan long evri kantri mas waka fo hem.

Eksodas 28:36

“An yu mas tekem wanfala smolfala pis long nambawan gol, an wakem wanfala medol long hem. Yu mas hamarem flat gudfala, an katem toktok olsem antap long hem, ‘Mektambu fo Yawe.’

Provebs 13:22

Gudfala man save givim plande gud samting fo olketa grani blong hem. Bat olketa samting blong nogud man i go long olketa stretfala pipol.

Provebs 28:8

Yu kamap ris from ravis wei wea yu mekem olketa peim bikfala intres long kaon, bae yu lusim seleni go long nara man hu save givim go long pua pipol

Eklesiastes 2:26

Oltaem God hemi givim waes an save long olketa hu i obeim hem, an hemi mekem olketa i hapi tu. Bat God hemi mekem olketa nogud pipol wakahad tumas fo kasem olketa gudfala samting, an hipimap fo givim go long olketa ya hu i mekem God hapi. Hem tu hemi no fitim tingting blong yumi. Hemi olsem wea olketa aftarem nomoa win.

Esikiel 26:12

Olketa enemi ya bae i tekem olketa gudfala samting blong yufala, an olketa samting blong yufala fo salem, an karim go fo olketa. Bae olketa brekemdaon bikfala wolston blong yufala, an brekemdaon olketa haos blong yufala wea i barava luk barava spesol fogud. An bae olketa karim evri ston ya wetem olketa timba an olketa graon blong yufala, an torowem go insaet long si.

Maeka 4:13

Yawe nao hemi tok olsem, “!Olketa pipol blong Jerusalem! !Yufala go an spoelem olketa! Bae mi mekem yufala strong olsem man buluka wea hon blong hem, hemi olsem aean, an lek blong hem long daon, hemi olsem bras. An bae yufala step long olketa pipol long plande kantri olsem buluka hemi step long wit fo aotem skin blong hem. An evrisamting wea olketa bin winim long faet, bae yufala save givim kam long mi Yawe, hu mi Masta blong evri pipol long wol.”

Sekaraea 14:14

Olketa pipol blong Jiuda tu bae i faet long Jerusalem. An olketa gudfala samting blong narafala kantri wea i stap raonem Jerusalem olsem olketa gol, an silva, an kaleko wea i plande tumas, bae olketa pipol blong Jerusalem i kolektem evrisamting ya from olketa.

Malakae 3:10

Tekem kam olketa wan-tent blong yufala long Tambuhaos blong mi, mekem plande kaikai hemi stap long hem. Traem mi, mekem yufala lukim dat bae mi barava blesim yufala winim wanem yufala save tingim. Bae hemi olsem wea mi openem skae an letem ren hemi kamdaon.

Matiu 25:16

Semtaem nomoa, disfala man hu hemi tekem faefala bikfala seleni ya, hemi go fo mekem bisnis long hem nao an hemi winim kam nara faefala moa.

Gudnius abaotem Jisas Kraes wea Mak hemi raetem 3:8

an Jerusalem, an olketa ples kolsap long Idumia, an olketa ples long narasaet long riva long Jodan, an olketa ples raonem tufala taon long Taea an Saedon. Evri pipol ya olketa kam long Jisas, bikos olketa herem finis nius abaotem olketa samting wea hemi duim kam.

Gudnius abaotem Jisas Kraes wea Luk hemi raetem 12:33

So yufala mas salem evrisamting wea yufala garem, an yufala mas givim evri seleni ya fo go long olketa pua pipol. Yufala mas yusim diskaen paos wea hemi no save olo an brek. Long disfala wei ya, yufala hipimap olketa risis blong yufala long heven wea bae olketa no save finis enitaem. An long heven ya, bae no eni man fo stil i save kam an no eni kokoros tu i save spoelem olketa samting.

Gudnius abaotem Jisas Kraes wea Luk hemi raetem 8:3

An narawan hemi Joana, hu hemi waef blong Kusa hu hemi save lukaftarem olketa bisnis blong King Herod Antipas. An wanfala moa, nem blong hem Susana, wetem plande woman moa. An olketa woman ya, olketa save helpem Jisas an olketa disaepol blong hem wetem olketa samting wea olketa garem.

Aposol 9:39

So Pita hemi go wetem tufala nao, an taem hemi kasem Jopa, olketa tekem hem go long disfala rum long antap. An evri wido woman olketa krae fogud an olketa kam an stanap raonem Pita nao. An olketa som hem olketa sote an olketa longfala kaleko wea Dokas hemi bin somapem taem hemi stap laef yet.

Galesia 6:6

Eniwan hu hemi lane abaotem toktok blong God, hemi mas searem olketa gud samting hemi garem wetem tisa blong hem.