Aesaea 23:16 - Pijin Bible

¹⁶ “!O woman! !Olketa man i fogetem yu finis! Tekem gita blong yu, an wakabaot insaet long taon. Ringim gita blong yu moa, an singim olketa singsing, mekem olketa man save rimembarem yu, an hipap kam moa raonem yu.”

Pijin Deuterocanon

¹⁶ “!O woman! !Olketa man i fogetem yu finis! Tekem gita blong yu, an wakabaot insaet long taon. Ringim gita blong yu moa, an singim olketa singsing, mekem olketa man save rimembarem yu, an hipap kam moa raonem yu.”

Aesaea 23:16 Iomraidhean Croise

Aesaea 23:15

Long taem ya olketa pipol bae fogetem taon long Taea fo seventifala yia. An datfala taem nao hemi olsem laef blong wanfala king, stat long taem hemi bon, go-go kasem taem hemi dae. Ya, taem wea disfala seventifala yia hemi finis, taon ya bae hemi olsem juri woman insaet long disfala singsing,

Aesaea 23:17

Taem disfala seventifala yia hemi finis, bae Yawe hemi letem olketa pipol blong taon ya fo statem moa evri bisnis blong olketa. Bae olketa gohed fo mekem olketa raverave bisnis wetem evri kantri long wol fo tekem staka seleni, olsem wea juri woman hemi wiling fo salem bodi blong hem seleva long eni man.

Jeremaea 30:14

Olketa fren blong yufala i fogetem yufala finis. Olketa no tinghevi long yufala nao. Mi panisim yufala nomoa, olsem enemi hemi faetem yufala. Panis wea mi sendem hemi had, bikos sin blong yufala i plande tumas, an hemi fitim fo yufala i panis long hem.

Esikiel 26:13

An bae mi finisim evri singsing wea yufala gohed fo singim, an no eniwan save herem moa saon long olketa gita olketa pleim.

Neiham 3:4

Olketa samting ya hemi hapen bikos yufala olsem juri woman, wea hemi barava luknaes tumas, bat hemi save tumas long majik wei fo trikim pipol. Long wei ya nao yufala bin gohed fo mekem olketa pipol blong olketa narafala kantri fo falom ravis wei blong yufala, an yufala gohed fo mekem olketa kamap slev blong yufala. Dastawe nao Yawe hemi panisim yufala.