Aesaea 23:11 - Pijin Bible

¹¹ Yawe hemi liftimap han blong hem antap long solwata, an hemi spoelem samfala kingdom an hemi haemapem olketa narafala. Hemi tokstrong mekem olketa enemi i kam fo spoelem olketa taon an olketa strongfala sefples long Fonisia.

Pijin Deuterocanon

¹¹ Yawe hemi liftimap han blong hem antap long solwata, an hemi spoelem samfala kingdom an hemi haemapem olketa narafala. Hemi tokstrong mekem olketa enemi i kam fo spoelem olketa taon an olketa strongfala sefples long Fonisia.

Aesaea 23:11 Iomraidhean Croise

Jenesis 9:25

nao hemi tokstrong olsem long hem, “Kenan ya wetem olketa long laen blong hem, bae trabol hemi kasem olketa, an bae olketa kamap slev long olketa laen blong tufala brata blong hem.

Sams 46:6

Olketa narafala kantri i raoa, an rul blong olketa king i stat fo foldaon. Taem God hemi singaot kam, wol ya hemi kamap olsem wata nating.

Sams 71:3

Oltaem mi kam fo haed long yu, an mi luk nomoa long yu fo yu gadem mi. Yu nao yu strongfala sef ples blong mi fo haed. Plis yu gadem mi.

Eksodas 14:21

Long taem ya, Mosis hemi liftimap han blong hem antap long solwata, an long datfala naet Yawe hemi mekem ist win hemi blou strong, an hemi divaedem solwata ya long tufala haf. Win ya hemi gohed fo blou strong olsem, mekem ples long midol long tufala haf long solwata ya hemi kamap barava drae.

Aesaea 10:6

Bae mi sendem olketa kam fo faetem yufala, bikos yufala les long mi. Bae mi letem olketa panisim yufala, bikos yufala mekem mi kros tumas. An bae olketa kam fo spoelem ples blong yufala, an fo stilim evrisamting blong yufala. An bae olketa step long yufala, olsem wea man hemi step nomoa long mad falom rod.

Aesaea 13:13

Mi Yawe hu mi garem evri paoa nao mi kros tumas, an bae mi som paoa blong mi. Long datfala taem, bae mi mekem skae fo seksek, an graon fo muv from ples blong hem.

Aesaea 14:26

Hem nao plan blong mi fo olketa narafala kantri long wol ya. Mi liftimapem finis han blong mi fo panisim olketa.”

Aesaea 19:5

(Profet) Long taem ya, bae Nael Riva hemi ran smolfala go-go hemi barava drae.

Aesaea 2:19

Taem Yawe hu hemi King an hu hemi garem evri paoa hemi kros an hemi somaot paoa blong hem, olketa pipol i fraet fogud long hem an olketa ranawe go long kev o digim hol long graon fo haed insaet long hem.

Aesaea 23:10

!Olketa pipol blong Taea hu i stap long Spen! Yufala mas stat fo wakem olketa gaden mekem yufala save garem kaikai, bikos hom blong yufala ya long Taea hemi barava nogud tumas nao. So, yufala mas lukaftarem yufala seleva.

Aesaea 23:3

Oltaem, yufala sendem olketa pipol blong yufala fo go akros long solwata fo peim wit an olketa narafala kaikai wea olketa groum falom Nael Riva long Ijip, mekem yufala save salem long olketa pipol blong olketa narafala kantri.

Aesaea 25:2

Yu bin spoelem finis olketa bikfala taon an olketa i olsem nao hip ravis nomoa. Olketa strongfala sefples blong enemi yu bin brekemdaon evriwan, an olketa i olsem nao hip ston nomoa. An evri haos blong king blong olketa ya hemi nogud tumas nao, an bae olketa no save wakembaek moa.

Aesaea 5:25

Yufala nao olketa pipol blong Yawe, bat bikos yufala mekem hem kros tumas, bae hemi kilim yufala dae. Bae hemi mekem olketa maonten fo seksek an plande pipol nao i dae wea bodi blong olketa i stap olobaot nomoa falom olketa rod olsem ravis. Bat nomata Yawe hemi panisim olketa olsem, hemi gohed fo kros nomoa long olketa. An bae hemi redi fo panisim olketa moa.

Aesaea 50:2

?Waswe nao no eniwan hemi kam long mi, taem mi kam fo sevem yufala? ?Waswe nao no eniwan hemi ansarem mi, taem mi kolem yufala? ?Yufala tingse mi no garem naf paoa fo sevem yufala? Mi save tok nomoa, an dipsi save kamap barava drae. Olketa riva tu save kamap wanfala bikfala drae eria, an olketa fis bae i dae evriwan.

Jeremaea 47:7

?Bat hao nao naef ya hemi save res gud? !Yawe hemi givim waka fo hem wea hemi mas duim! Hemi talem hem finis fo kilim olketa blong Askelon, wetem olketa narafala pipol wea i stap kolsap long solwata.”

Esikiel 26:10

Olketa hos blong hem i staka fogud an olketa save kavarem yufala nomoa long dast long graon taem olketa kam. Olsem olketa man i go insaet long taon wea wolston blong hem hemi bin brekdaon finis, olketa hos wea i pulum olketa kaat fo faet wetem olketa hos wea i pulum olketa kaat wea i karim evrisamting blong olketa, bae i ran gotru long olketa geit long bikfala wolston blong yufala. An bae noes blong olketa hemi mekem wolston ya fo seksek.

Esikiel 26:4

Bae olketa spoelem finis bikfala wolston blong yufala, an brekemdaon olketa gadhaos blong yufala. Bae mi klinimaot evri ravis blong yufala, an bikfala drae ston nomoa hemi stap long emti ples ya.

Esikiel 31:16

Taem mi torowem tri ya godaon long Grev, noes blong hem taem hemi foldaon, hemi mekem evri kantri i seksek. Olketa tri long Iden, an olketa nambawan tri blong Lebanon wea bifoa i garem wata fo mekem olketa grou gudfala, olketa tu i dae an godaon insaet long grev. An olketa filgud moa bikos disfala bik tri ya hemi foldaon finis.

Neiham 1:14

Yawe nao hemi tok olsem agensim olketa pipol blong Nineve, “Bae yufala no garem pikinini fo kipim nem blong yufala. Olketa kaving wea i stap long olketa tambuhaos blong yufala ya, bae mi spoelem evriwan. Bae mi digim grev fo yufala, bikos hemi no fitim nao fo yufala laef.”

Hagae 2:7

Bae mi winim olketa narafala kantri, an tekemaot olketa gudfala samting blong olketa, an karim kam fo fulumap Tambuhaos ya long hem.

Sekaraea 14:21

An evri sospen blong pipol long Jerusalem an blong olketa narafala pipol long Jiuda, bae i kamap tambu fo Yawe. Bae olketa pipol save yusim olketa fo kukim olketa tambu mit blong sakrifaes. An long datfala de, olketa bisnisman bae i nating save mekem moa bisnis insaet long Tambuhaos blong Yawe hu hemi garem evri paoa.

Gudnius abaotem Jisas Kraes wea Mak hemi raetem 11:17

Bihaen, hemi tisim olketa pipol olsem, “Toktok blong God insaet long Buktambu hemi sei, ‘Haos blong mi ya bae olketa kolem hem haos blong evri kantri long wol fo prea long hem.’ !Bat yufala ya, yufala mekem haos ya fo kamap olsem ples wea olketa pipol hu i save stil olketa save haed long hem ya!”

Gudnius abaotem Jisas Kraes wea Jon hemi raetem 2:16

An hemi tokstrong long olketa hu i go-gohed fo salem olketa kurukuru tu an hemi sei, “!Tekem go evrisamting blong yufala ya from hia! ?Yufala tingse haos blong Dadi blong mi hemi haos blong yufala fo maket long hem ya?”