Aesaea 22:7 - Pijin Bible

⁷ Evriwea long olketa vali long kantri blong Jiuda, bae hemi fulap long olketa kaat fo faet blong olketa enemi blong yumi. Olketa soldia wea i sidaon long hos i hipap finis frant long geit blong taon ya.

Pijin Deuterocanon

⁷ Evriwea long olketa vali long kantri blong Jiuda, bae hemi fulap long olketa kaat fo faet blong olketa enemi blong yumi. Olketa soldia wea i sidaon long hos i hipap finis frant long geit blong taon ya.

Aesaea 22:7 Iomraidhean Croise

Aesaea 22:6

Olketa soldia blong Elam i sidaon long olketa hos an holem olketa bou blong olketa. Olketa soldia blong Kia i holem olketa sil blong olketa, an redi fo faet.

Aesaea 22:8

Long disfala kantri, Yawe hemi mekem yufala no fit fo gadem yufala seleva. Taem yufala lukim disfala samting, yufala ran go fo karim kam olketa wepon from haos wea yumi putum olketa samting ya long hem.

Aesaea 37:34

Bae king ya hemi no save kam insaet long taon ya. Bae hemi gobaek long ples blong hem long sem rod wea hemi kam long hem.

Jeremaea 1:15

Distaem mi gohed fo kolem evri pipol long olketa kantri long not fo kam. Bae olketa king blong olketa i kam, an putum bikfala sea blong olketa kolsap long evri geit blong bikfala wolston blong taon long Jerusalem. An bae olketa hipap raonem olketa taon blong Jiuda tu.

Esikiel 4:2

Wakem smolfala kopi long olketa kaen wepon wea olketa enemi save yusim agensim taon ya. Bildim samfala smolfala kopi long taoa olketa wakem long timba fo sut godaon insaet long wolston. Hipimap graon raonem wolston tu fo klae goap insaet long taon. Wakem smolfala kopi long olketa haostent blong olketa enemi ya, an wakem tu samfala stik olsem smolfala kopi long bikfala timba wea enemi save yusim fo brekemdaon wolston an olketa geit blong taon.

Esikiel 4:3

Oraet, tekem wanfala plet long aean an stanemap olsem wol midol long yu an piksa blong taon ya. Nao luk go long piksa long taon ya olsem man hu hemi kros tumas, an faet agensim long evri saet blong hem. Yu nao yu olsem olketa enemi wea bae i raonem taon ya, an stopem evri pipol mekem olketa no save kamaot. Diswan nao hemi saen fo olketa pipol blong Israel.