Aesaea 22:21 - Pijin Bible

²¹ Bae mi tekemaot kaleko wetem strap wea hemi somaot hae nem blong yu taem yu werem, an givim go long hem, mekem hemi tekova moa long waka blong yu. An bae hemi kamap olsem dadi blong olketa pipol blong Jerusalem, an olketa narafala pipol long Jiuda tu.

Pijin Deuterocanon

²¹ Bae mi tekemaot kaleko wetem strap wea hemi somaot hae nem blong yu taem yu werem, an givim go long hem, mekem hemi tekova moa long waka blong yu. An bae hemi kamap olsem dadi blong olketa pipol blong Jerusalem, an olketa narafala pipol long Jiuda tu.

Aesaea 22:21 Iomraidhean Croise

Jenesis 45:8

Hemi no yufala ya wea i bin sendem mi kam long hia, God nao hemi sendem mi kam. Hemi mekem mi kamap nambawan bikman blong king, an mi bos long olketa samting long haos blong hem tu, an mi gohed fo lukaftarem evri ples long kantri ya.

Esta 8:15

Modekae hemi goaot from ples blong king, an hemi werem olketa spesol blu an waet kaleko blong king, an hemi werem tu wanfala longfala kaleko wea hemi papol, an hemi werem wanfala nambawan gol kraon. Nao evri pipol long evri ples insaet long Susa i gohed fo singaot bikfala, bikos olketa barava hapi tumas.

Esta 8:2

King hemi mekem Modekae fo kamap praeminista blong hem. An hemi tekemaot ring blong hem ya wea hemi garem spesol mak long hem, wea hemi bin tekem baek from Haman, an givim go long Modekae fo hemi yusim. An Esta hemi mekem Modekae fo lukaftarem olketa samting wea Haman hemi onam fastaem.

Stori abaotem Job 29:16

Long datfala taem, Mi lukaftarem olketa pua pipol olsem wea mi dadi blong olketa, an taem trabol hemi kasem olketa strensa, mi nao mi toktok long saet blong olketa long kot.

Esikiel 23:15

Olketa man long piksa ya i garem barava spesol strap raonem olketa an spesol kaleko wea olketa taengem raonem hed blong olketa, an olketa luk olsem olketa komanda blong olketa kaat fo faet blong ami blong Babilonia.

1 Samuel 18:4

An fo mekem saen long agrimen ya, hemi tekemaot longfala kaleko blong hem an givim long Deved. An hemi givim tu kaleko fo stopem aro, an naef fo faet, an bou, an strap blong hem.