Aesaea 22:16 - Pijin Bible

¹⁶ !Sebna! ?Wanem nao yu duim ya? ?Waswe nao yu odarem olketa fo katem wanfala hol insaet long ston saet blong maonten ya, an redim ples fo berem yu long hem? ?Hu nao hemi alaom yu fo onarem yu seleva olsem?

Pijin Deuterocanon

¹⁶ !Sebna! ?Wanem nao yu duim ya? ?Waswe nao yu odarem olketa fo katem wanfala hol insaet long ston saet blong maonten ya, an redim ples fo berem yu long hem? ?Hu nao hemi alaom yu fo onarem yu seleva olsem?

Aesaea 22:16 Iomraidhean Croise

Jenesis 50:5

‘Taem dadi blong mi hemi kolsap dae, hemi mekem mi fo promis long nem blong God wea bae mi mas karim bodi blong hem, an go fo berem long Kenan, long wanfala kev long ston wea hemi mekredi finis long hem. Plis yu letem mi fo go an berem dadi blong mi, an bihaen bae mi kambaek moa.’”

2 Samuel 18:18

Bifoa, taem Absalom hemi laef yet, hemi putumap wanfala tolfala ston olsem memori long hem long Vali blong King. Hemi duim samting ya bikos no eni pikinini blong hem, hemi laef fo tekova long nem blong hem. Dastawe nao hemi givim nem blong hem long ston ya, nao stat long taem ya kam kasem tude olketa pipol i kolem ston ya, “Memori blong Absalom.”

2 Kronikols 16:14

Olketa man fo redim bodi blong hem i tekem oel wetem olketa lif wea i garem gudfala smel, an putum long bodi blong hem, den olketa go berem hem long grev wea hemi mekem finis long Biktaon blong King Deved. An taem olketa berem hem finis, olketa mekem wanfala bikfala faea fo tinghae long hem.

Stori abaotem Job 3:14

Sapos olsem, ating mi res gudfala nao wetem olketa king an olketa bikman hu dae nomata olketa garem biknem bikos olketa bin wakembaek olketa olfala haos blong king hu i dae finis.

Aesaea 14:18

“Olketa berem evri king blong disfala wol wetem evri barava spesol samting blong olketa insaet long grev.

Aesaea 14:19

Bat yu ya, bae olketa no berem yu, bat torowem nomoa bodi blong yu fo roten. Antap long bodi blong yu, bae olketa torowem bodi blong olketa soldia wea i dae wetem yu long faet, an step antap long yufala.

Aesaea 22:17

!Yu lukaot! Nomata yu wanfala bikman, bat yu mas kea-kea bikos mi Yawe bae mi holem yu an torowem yu aot.

Aesaea 52:5

?So wanem nao mi mas duim distaem? Olketa bin tekem yufala fo waka olsem slev fo olketa, an olketa nating peim yufala aot. Olketa hu i rul ovarem yufala, olketa i bikmaos tumas an tokpraod olowe, an oltaem olketa gohed fo tokspoelem mi.

Maeka 2:10

!So yufala mas go nao! Stat long distaem, disfala lan hemi no hom blong yufala moa. Yufala mekravis finis long lan ya. Ya, wei blong yufala fo sin olowe hemi spoelem disfala lan finis, an hemi nating save gudbaek moa.”

Matiu 27:60

An hemi putum insaet long niufala kev blong hem seleva wea olketa bin wakem insaet long bikfala ston. Bihaen moa, Josef hemi rolem wanfala bikfala ston fo satem frant long kev ya an hemi go nao.