Aesaea 21:4 - Pijin Bible

⁴ Ae blong mi hemi raon tumas, an bodi blong mi hemi seksek fogud, bikos mi barava fraet tumas. Oltaem mi laekem tumas fo ivining hemi kam kuiktaem, bat taem hemi ivining, hemi mekem mi jes fraet fogud moa.

Pijin Deuterocanon

⁴ Ae blong mi hemi raon tumas, an bodi blong mi hemi seksek fogud, bikos mi barava fraet tumas. Oltaem mi laekem tumas fo ivining hemi kam kuiktaem, bat taem hemi ivining, hemi mekem mi jes fraet fogud moa.

Aesaea 21:4 Iomraidhean Croise

1 Kings 1:49

Den olketa hu i kaikai wetem Adonaeja i barava seksek tumas, an olketa goaot from datfala ples.

Esta 5:12

An hemi tok olsem moa, “!Yufala lukim! Wanfala bikfala samting nao hemi hapen tude, wea Kuin Esta hemi mekem wanfala gudfala fist fo mitufala king seleva nomoa, an no eni narafala man moa. An tumoro, hemi laekem mitufala fo go kaikai moa long haos blong hem.

Sams 55:5

Mi fraet tumas go-go mi seksek fogud nao, an disfala fraet ya hemi barava bikfala ovarem mi nao.

Sams 55:6

Mi laekem tumas fo garem tufala wing olsem kurukuru, mekem mi flae go fo faendem ples fo res.

Jeremaea 4:19

(Profet) !Ei! !Mi barava sore tumas! Haat blong mi hemi pampam fogud an bele blong mi hemi filnogud tumas. Mi kanduit stap kuaet nao, bikos mi herem bikfala noes blong olketa trampet, an mi herem olketa enemi singaot taem olketa kam fo mekem faet.

Jeremaea 51:39

An long taem wea olketa laekem tumas fo kaikai an dring, bae mi mekem wanfala bikfala fist fo olketa. Bae mi mekem olketa fo kaikai an dring long bikfala kros blong mi go-go olketa fuldrang, nao bae olketa dip slip, wea bae olketa no save wekap moa.

Jeremaea 51:57

Bae mi panisim olketa bikman, an olketa waesman, an olketa gavna, an olketa komanda, an olketa soldia blong hem, mekem olketa evriwan i dring long bikfala kros blong mi go-go olketa fuldrang, nao bae olketa dip slip, wea bae olketa no save wekap moa.” Hem nao mesij blong King ya wea nem blong hem nao Yawe hu hemi garem evri paoa.

Daniel 5:1

Wanfala taem, long taem wea King Belsasa hemi rul, hemi mekem wanfala bikfala fist, an hemi kolem 1,000 long olketa bikman blong hem fo kam tugeta. An long naet, olketa dringim waen wetem hem.

Daniel 5:30

Bat long sem naet ya nomoa, olketa enemi blong Belsasa i kam an kilim hemi dae nao.

Daniel 5:5

Seknomoa wanfala han blong man hemi kamaot nao, an hemi gohed fo raet nao long wol blong haos ya blong king, long ples wea laet hemi saen gudfala long hem. King hemi lukim han ya taem hemi gohed fo raet long wol.

Neiham 1:10

Bae hemi olsem wea ropnila hemi taengem hem, o hemi barava drang fogud an no save stanap. Bae Yawe hemi spoelem hem fogud, olsem wea faea hemi bonem drae gras.

Diutronomi 28:67

Tingting blong yufala bae hemi trabol tumas, bikos yufala fraet tumas long olketa samting wea yufala lukim. Taem yufala wekap long moning, bae yufala laekem tumas fo hemi kamap tudak moa. An taem hemi tudak, bae yufala laekem tumas fo hemi delaet moa.

Diutronomi 32:11

Hemi mekem yufala sef olsem wanfala igol wea hemi tisim pikinini blong hem fo flae. Hemi no letem pikinini i foldaon, hemi flae andanit long hem, hemi liftimap moa.