Aesaea 21:15 - Pijin Bible

¹⁵ Olketa pipol ya i ranawe from olketa man hu i holem naef fo faet, wea i redi fo kilim olketa dae. An olketa ranawe olobaot, from olketa pipol hu i taetem finis olketa bou fo sutim olketa, an olketa ranawe from faet long taem wea olketa save dat olketa kolsap dae nao.

Pijin Deuterocanon

¹⁵ Olketa pipol ya i ranawe from olketa man hu i holem naef fo faet, wea i redi fo kilim olketa dae. An olketa ranawe olobaot, from olketa pipol hu i taetem finis olketa bou fo sutim olketa, an olketa ranawe from faet long taem wea olketa save dat olketa kolsap dae nao.

Aesaea 21:15 Iomraidhean Croise

Aesaea 13:14

“Long datfala taem tu, olketa pipol blong olketa narafala kantri hu i stap long taon long Babilon, bae i gobaek long ples blong olketa. Ya, bae olketa ran go, olsem olketa wael animol long bus taem olketa man fo handing i aftarem olketa. Bae olketa ran olobaot, olsem olketa sipsip wea no eniwan hemi lukaftarem olketa.

Aesaea 13:15

Sapos olketa enemi i kasholem eniwan long olketa, bae olketa spoelem olketa pikinini blong hem fo dae, an tekem evrisamting blong hem, an fosim waef blong hem fo slip wetem olketa. Long taem ya, bae hemi stanap nomoa fo lukluk long olketa. An bae olketa kilim man ya dae tu wetem naef fo faet.

Aesaea 17:13

Bat nomata olketa ya i ran kam kuiktaem long yumi olsem bikfala solwata wea hemi brek kam long sanbis, taem Yawe hemi tok long olketa, bae olketa evriwan i taneraon an ranawe. Hemi ronemaot olketa an olketa i olsem wea olketa flae nomoa olsem asis long saet long hil, o olsem drae lif wea bikfala win hemi karim go.

Aesaea 22:3

Olketa lida blong yufala i ranawe nomoa from faet. Nomata olketa ranawe, an no sut nomoa long bou, an no faet, bat olketa enemi i kasholem olketa nomoa.

Aesaea 31:8

Bae Yawe nao hemi kilim dae olketa pipol blong Asiria long faet, an i no long paoa blong man. Bae olketa trae fo ranawe, bat olketa enemi i kasholem olketa strongfala yang man blong Asiria fo kamap slev.

Aesaea 33:3

Voes blong yu hemi olsem tanda, an taem olketa blong evri narafala kantri i herem yu, bae olketa ranawe. Ya, taem yu somaot bikfala paoa blong yu, bae olketa fraet an ranawe.