Aesaea 2:21 - Pijin Bible

²¹ Long taem ya tu bae olketa fraet an ranawe go fo haed insaet long olketa kev long graon an long maonten bikos Yawe hu hemi King, hemi garem evri paoa, an bae hemi somaot paoa blong hem taem hemi kros.

Pijin Deuterocanon

²¹ Long taem ya tu bae olketa fraet an ranawe go fo haed insaet long olketa kev long graon an long maonten bikos Yawe hu hemi King, hemi garem evri paoa, an bae hemi somaot paoa blong hem taem hemi kros.

Aesaea 2:21 Iomraidhean Croise

2 Samuel 22:46

Olketa wikdaon an givap, mekem olketa lusim sefples blong olketa.

Stori abaotem Job 30:6

Olketa ya nating garem haos fo stap long hem, so olketa stap olobaot nomoa insaet long olketa kev long saet long olketa hil.

Stori abaotem Job 9:6

God hemi sendem etkuek fo sekem wol, an hemi muvum olketa faondesin long hem.

Eksodas 33:22

Taem saen long bikfala paoa blong mi hemi kam, an hemi gopas long yu, bae mi putum yu insaet long wanfala hol long ston ya, an bae mi satem yu long han blong mi, go-go mi gopas finis.

Nambawan Singsing 2:14

Yu gohed fo haed nomoa olsem wanfala kurukuru wea hemi fraet, an hemi gohed fo haed insaet long olketa hol long ston saet long maonten. Mi laekem tumas fo herem voes blong yu, bikos voes blong yu hemi here suit tumas an fes blong yu tu hemi barava luknaes.

Aesaea 2:10

Bae olketa pipol trae fo ranawe go long kev o digim hol long graon fo haed insaet long hem, bikos olketa fraet fogud long Yawe hu hemi King an hemi garem evri paoa.

Aesaea 2:19

Taem Yawe hu hemi King an hu hemi garem evri paoa hemi kros an hemi somaot paoa blong hem, olketa pipol i fraet fogud long hem an olketa ranawe go long kev o digim hol long graon fo haed insaet long hem.

Aesaea 24:18

Pipol wea i laek fo ranawe from olketa samting ya fo fraet long hem, bae i foldaon long hol. An pipol wea i laek fo ranawe from trap ya, bae i fas long hem. An bae bikfala ren hemi kamdaon, an botom blong disfala graon bae hemi seksek tumas.

Aesaea 33:10

Yawe nao hemi tok olsem long olketa pipol blong olketa narafala kantri, “!Olketa! Distaem bae mi somaot long yufala wea mi nao mi garem evri paoa an evriwan long wol bae i preisim mi.

Aesaea 7:19

Bae olketa enemi ya i stap evri ples long Israel. Nomata long midol long olketa hil, an long olketa kev, an insaet long olketa gras wea olketa animol i kaikaim, olketa stap long hem tu.

Jeremaea 16:16

Yawe hemi gohed fo tok olsem, “Mi seleva nao bae mi sendem toktok go long olketa enemi, mekem olketa kam pulum yufala, olsem man hemi pulum fis. An bihaen bae mi sendem samfala enemi moa, mekem olketa lukaotem yufala evriwea long lan, olsem man fo handing hemi lukaotem mit olobaot long olketa maonten an hil, an long olketa hol long ston.

Hosia 10:8

Olketa tambu ples long Bet-Aven, wea olketa wosipim olketa laea god ya, bae i kamap nogud tumas, bikos diswan nao hemi nambawan sin blong Israel. Olketa olta long ples ya, bae ropnila an nilagras nao hemi kavaremap finis. An bae olketa tok olsem long olketa maonten, “!Kavaremap mifala!” An bae olketa tok olsem long olketa hil, “!Foldaon kam antap long mifala!”