Aesaea 2:19 - Pijin Bible

¹⁹ Taem Yawe hu hemi King an hu hemi garem evri paoa hemi kros an hemi somaot paoa blong hem, olketa pipol i fraet fogud long hem an olketa ranawe go long kev o digim hol long graon fo haed insaet long hem.

Pijin Deuterocanon

¹⁹ Taem Yawe hu hemi King an hu hemi garem evri paoa hemi kros an hemi somaot paoa blong hem, olketa pipol i fraet fogud long hem an olketa ranawe go long kev o digim hol long graon fo haed insaet long hem.

Aesaea 2:19 Iomraidhean Croise

2 Samuel 22:46

Olketa wikdaon an givap, mekem olketa lusim sefples blong olketa.

Stori abaotem Job 9:6

God hemi sendem etkuek fo sekem wol, an hemi muvum olketa faondesin long hem.

Sams 7:6

Lod Yawe, kam an helpem mi. Olketa enemi blong mi i kros tumas long mi. Plis yu kam an stopem olketa. Yu mas kros long olketa an yu mas agensim olketa. Tokstrong long olketa, an talem olketa fo stap long wei wea hemi stret.

Aesaea 13:13

Mi Yawe hu mi garem evri paoa nao mi kros tumas, an bae mi som paoa blong mi. Long datfala taem, bae mi mekem skae fo seksek, an graon fo muv from ples blong hem.

Aesaea 2:10

Bae olketa pipol trae fo ranawe go long kev o digim hol long graon fo haed insaet long hem, bikos olketa fraet fogud long Yawe hu hemi King an hemi garem evri paoa.

Aesaea 2:21

Long taem ya tu bae olketa fraet an ranawe go fo haed insaet long olketa kev long graon an long maonten bikos Yawe hu hemi King, hemi garem evri paoa, an bae hemi somaot paoa blong hem taem hemi kros.

Aesaea 24:1

(Profet) !Olketa! Bae Yawe hemi spoelem disfala wol, an no enisamting nao bae hemi stap long hem. Bae hemi brekem graon ya olsem taem blong etkuek, an bae hemi mekem olketa pipol fo go olobaot nomoa long olketa deferen ples long wol.

Aesaea 24:18

Pipol wea i laek fo ranawe from olketa samting ya fo fraet long hem, bae i foldaon long hol. An pipol wea i laek fo ranawe from trap ya, bae i fas long hem. An bae bikfala ren hemi kamdaon, an botom blong disfala graon bae hemi seksek tumas.

Aesaea 24:19

Bae graon ya hemi seksek go-go hemi brek, an bae hemi garem bikfala hol long hem.

Aesaea 30:32

Ya, evri taem wea Yawe hemi hitim olketa pipol long faet fo panisim olketa, yumi hapi an singsing an ringim olketa gita an bitim olketa tamborin.

Aesaea 33:10

Yawe nao hemi tok olsem long olketa pipol blong olketa narafala kantri, “!Olketa! Distaem bae mi somaot long yufala wea mi nao mi garem evri paoa an evriwan long wol bae i preisim mi.

Aesaea 7:19

Bae olketa enemi ya i stap evri ples long Israel. Nomata long midol long olketa hil, an long olketa kev, an insaet long olketa gras wea olketa animol i kaikaim, olketa stap long hem tu.

Jeremaea 16:16

Yawe hemi gohed fo tok olsem, “Mi seleva nao bae mi sendem toktok go long olketa enemi, mekem olketa kam pulum yufala, olsem man hemi pulum fis. An bihaen bae mi sendem samfala enemi moa, mekem olketa lukaotem yufala evriwea long lan, olsem man fo handing hemi lukaotem mit olobaot long olketa maonten an hil, an long olketa hol long ston.

Jeremaea 4:29

(Profet) Taem olketa pipol i herem bikfala noes blong olketa soldia hu i raed long hos an olketa hu i karim bou, olketa long evri taon i ranawe. Samfala i resis go long bus, an samfala klaeap long olketa bikfala ston fo haed long hem. Nao evri taon ya i barava emti fogud an no eniwan hemi stap long olketa.

Jeremaea 48:28

“Yufala hu i stap yet long Moab, yufala mas lusim olketa taon blong yufala. Yufala mas go mekem ples fo stap long hem insaet long olketa bikfala ston long saet long olketa hil, olsem smol bed hemi gohed fo mekem nest blong hem insaet long kev.

Esikiel 33:27

“Yu talem olketa dat mi Lod Yawe nao mi tok olsem: Mi mekem disfala strongfala promis long nem blong mi hu mi laef olowe: Yufala evriwan hu i laef yet long olketa taon, bae dae long faet. An yufala hu i stap aotsaet long taon, bae mi givim yufala long olketa wael animol fo kaikaim yufala. An yufala hu i gohed fo haed long olketa hil, an long olketa kev, bae yufala evriwan i dae long wanfala ravis sik.

Hosia 10:8

Olketa tambu ples long Bet-Aven, wea olketa wosipim olketa laea god ya, bae i kamap nogud tumas, bikos diswan nao hemi nambawan sin blong Israel. Olketa olta long ples ya, bae ropnila an nilagras nao hemi kavaremap finis. An bae olketa tok olsem long olketa maonten, “!Kavaremap mifala!” An bae olketa tok olsem long olketa hil, “!Foldaon kam antap long mifala!”

Maeka 7:17

Bae olketa krol long graon olsem snek. An taem olketa kamaot from olketa strongfala sefples blong olketa fo haed, bae olketa fraet an seksek fogud. An bikos olketa fraet olsem, bae olketa sensim tingting blong olketa fo tinghae long yu Yawe God blong mifala.

Neiham 3:11

!Olketa blong Nineve! Bae olketa enemi i duim semsamting nao long yufala. Bae yufala tu i kamap olsem wanfala drang man, an bae yufala trae fo ranawe go long strongfala sefples.

Hagae 2:6

Hem nao Yawe hu hemi garem evri paoa hemi tok olsem, ?I no longtaem, bae mi mekem heven, an disfala wol, an solwata, olketa evriwan i seksek.

Hagae 2:7

Bae mi winim olketa narafala kantri, an tekemaot olketa gudfala samting blong olketa, an karim kam fo fulumap Tambuhaos ya long hem.

Gudnius abaotem Jisas Kraes wea Luk hemi raetem 23:30

Long taem ya tu, bae olketa pipol olketa singaot go long olketa maonten olsem, ‘!Plis yufala foldaon kam antap long mifala!’ an bae olketa singaot long olketa hil olsem, ‘!Plis yufala kavaremap mifala!’

2 Tesalonaeka 1:9

An panis wea God bae hemi givim olketa hemi barava nogud tumas an hemi no save finis. An Masta bae hemi torowem olketa from ples blong hem an from saen blong bikfala paoa blong hem long heven.

Hibrus 11:38

From diswan nao, olketa pipol hu i biliv ya olketa goraon an staphaed olobaot nomoa long olketa drae eria, an antap long olketa hil, an insaet long olketa kev, an enikaen hol moa long graon. Olketa i gudfala pipol tumas, wea hemi no fit fo olketa stap tugeta wetem olketa pipol blong disfala wol ya.

Hibrus 12:26

Long bifoa ya, voes blong hem hemi mekem graon ya fo seksek. Bat long disfala taem, hemi promisim yumi finis wea hemi sei, “Wanfala taem moa bae mi sekem disfala graon, an bae mi sekem skae ya tu long semtaem.”

Revelesin 11:13

An long semtaem nomoa, bikfala etkuek hemi sekem graon nao. An long bikfala taon ya, wanfala smolfala haf long hem hemi barava nogud, an 7,000 pipol nao olketa dae long etkuek ya. An olketa nara pipol olketa barava fraet fogud nao, an olketa gohed fo preisim nem blong God long heven.

Revelesin 11:19

Nao Tambuhaos blong God long heven hemi open, an olketa pipol lukim disfala boks blong spesol agrimen blong God. An taem ya tu, bikfala noes hemi kam an laetning hemi laet olobaot an tanda hemi bosta. An wanfala etkuek nao hemi sekem graon, an olketa bikfala pis aes i foldaon kam long hem.

Revelesin 16:18

An taem ya, bikfala noes hemi kam, an laetning hemi laet, an tanda hemi bosta, an bikfala etkuek hemi sekem wol ya. Disfala etkuek hemi barava bik tumas ya. Stat kam long taem God hemi mekem pipol fo stap long wol, no eni etkuek hemi bikfala olsem.

Revelesin 20:11

Den mi lukim wanfala bikfala tron wea hemi waet fogud, an mi lukim tu God hu hemi sidaon long hem. An wol wetem skae tufala ranawe from God, an no eniwan save faendem tufala long eni ples.

Revelesin 9:6

Nao insaet long faefala mans ya, olketa pipol ya trae fo faendem eni wei fo dae, bat olketa no save faendem. Bae olketa laekem tumas fo dae, bat bae olketa nating save dae nomoa.

1 Samuel 13:6

Den olketa faet long ami blong Israel. An taem ami blong Israel ya i filim olsem olketa barava trabol, olketa ranawe. Olketa go haed long olketa kev, an long olketa busis, an olobaot long olketa bikfala ston, an long olketa hol, an long olketa wel tu.

1 Samuel 14:11

So, tufala go. An taem olketa lukim tufala, olketa tok olsem, “!Ei, yufala luk go! Olketa Hibru i ka-kamaot long olketa hol wea i haed long hem.”