Aesaea 2:13 - Pijin Bible

¹³ Bae hemi olsem wea Yawe hemi katemdaon olketa longfala sida tri long lan ya Lebanon an hemi spoelem olketa strongfala ok tri long lan ya Basan.

Pijin Deuterocanon

¹³ Bae hemi olsem wea Yawe hemi katemdaon olketa longfala sida tri long lan ya Lebanon an hemi spoelem olketa strongfala ok tri long lan ya Basan.

Aesaea 2:13 Iomraidhean Croise

Sams 29:5

Voes blong Yawe hemi strong fogud, an hemi save brekem daon nomoa olketa strongfala sida tri. Nomata olketa bikfala sida tri long Lebanon, Yawe hemi brekem daon olketa nomoa.

Aesaea 14:8

Ya, hemi olsem wea olketa paen tri an olketa sida tri blong Lebanon i hapi tumas tu fo herem nius ya an olketa tok olsem, ‘!Bikos yufala foldaon finis, no eniwan moa hemi stap fo katem mifala daon!’

Aesaea 33:9

Olketa gaden long lan ya hemi emti finis nao, an no eniwan hemi waka moa long hem. Olketa bikfala tri long bus blong kantri long Lebanon i drae tu. Olketa gudfala graon long Saron hemi kamap finis olsem drae eria raonem Ded Si, an evri lif blong olketa tri long Basan an Kaamel i gohed fo foldaon tu.

Aesaea 37:24

Mi nao Masta blong yu, bat yu bin sendem olketa pipol blong yu fo tekem mesij fo tok nogud agensim mi. Yu bin tokpraod olsem, ‘Long olketa kaat blong mi fo faet mi bin go antap long olketa maonten, olsem bikfala maonten ya long Lebanon. Mi bin katemdaon olketa nambawan sida tri an olketa nambawan paen tri tu. Mi bin kasem tu olketa maonten wea hemi hae fogud, an ples wea olketa tri i plande tumas long hem.

Esikiel 27:6

Olketa mekem olketa padol blong yu, long nambawan ok tri from Basan, an olketa mekem dek blong yu, long saepras tri from aelan long Saepras, an olketa dekoretem dek blong yu long tit blong elifan.

Emos 2:5

hem nao bae mi letem olketa enemi fo panisim olketa. Bae hemi olsem wea faea hemi save bonem evrisamting long Jiuda an olketa strongfala sefples long Jerusalem.? Hem nao toktok blong Yawe.