Aesaea 2:12 - Pijin Bible

¹² Long datfala taem tu, Yawe hu hemi garem evri paoa bae hemi daonem olketa pipol hu i praod.

Pijin Deuterocanon

¹² Long datfala taem tu, Yawe hu hemi garem evri paoa bae hemi daonem olketa pipol hu i praod.

Aesaea 2:12 Iomraidhean Croise

2 Samuel 22:28

Yu sevem olketa hu i hambol, bat yu daonem olketa hu i praod.

Stori abaotem Job 24:1

?Waswe nao God hemi no makem taem fo jajem olketa nogud pipol? ?An waswe nao olketa hu i falom hem, i no save lukim datfala taem ya?

Sams 131:1

Lod Yawe, mi lusim finis evri praod wei blong mi, an mi lusim tu olketa praod toktok blong mi. Mi no trae fo duim olketa samting wea hemi had tumas fo mi duim, an fo save long olketa samting wea hemi had tumas fo mi save long hem.

Sams 18:28

Lod Yawe, yu nao yu God blong mi, an laet blong mi. Yu nao yu laet fo mi insaet long tudak.

Sams 37:13

Bat Masta blong yumi hemi la-laf long olketa nogud pipol ya, bikos hemi save dat i no longtaem nomoa, bae hemi panisim olketa.

Sams 94:2

Yu nao yu jajem evri pipol. So plis yu panisim olketa praod pipol, falom wanem olketa duim rong.

Provebs 16:5

Yawe hemi les long olketa hu i praod tumas. Yu save, bae hemi panisim olketa.

Aesaea 10:12

(Profet) Taem Yawe hemi panisim finis olketa pipol long Tambu Maonten long Saeon an Jerusalem, bae hemi panisim king ya blong Asiria, bikos hemi haemapem hem seleva an hemi tok praod tumas.

Aesaea 10:33

Bat Lod Yawe hu hemi garem evri paoa hemi daonem olketa hu i garem bikfala nem an olketa hu i strong olsem tri wea man hemi katemdaon.

Aesaea 13:11

Yawe nao hemi tok olsem, “Bae mi panisim wol ya bikos hemi barava nogud tumas nao. An bae mi panisim olketa nogud pipol bikos olketa sin. Bae mi daonem olketa praod pipol, an bae mi spoelem finis evri praod wei blong olketa wea olketa save spoelem long olketa narafala pipol.

Aesaea 13:6

!Yufala krae! Bikos bikfala De blong Yawe fo jaj hemi kolsap kam nao. An Man ya hu hemi garem evri paoa, bae hemi spoelem evrisamting.

Aesaea 13:9

Disfala De blong Yawe hemi kam nao. Long disfala De, God hemi kros tumas an hemi letem hadtaem fo kam. An bae hemi spoelem finis lan blong olketa wetem evri pipol long hem hu i sin tumas.

Aesaea 14:15

Bat hemi no olsem. Distaem, yu godaon long Grev nao. Datfala ples hemi dip tumas winim evri narafala ples.

Aesaea 23:9

Yawe hu hemi garem evri paoa nao hemi mekem plan fo finisim bikfala praod wei blong yufala, an fo daonem yufala from olketa wei wea yufala tinghae nomoa long yufala seleva. Hemi duim diswan fo mekem yufala sem.

Aesaea 24:21

Long datfala taem, bae Yawe hemi panisim olketa hu i garem paoa long antap an olketa hu i rul ovarem disfala wol.

Aesaea 24:4

(Profet) Evriwea long wol bae graon hemi kamap barava drae, an evrisamting bae hemi grou wik an dae. Evri bikman long wol bae hemi kamap wik tumas.

Aesaea 40:23

Yawe hemi barava daonem paoa blong olketa man fo rul go-go hemi olsem samting nating nomoa.

Aesaea 42:15

Bae mi spoelem finis olketa maonten an olketa hil, an bae mi mekem olketa gras an olketa tri fo dae evriwan. Bae mi mekem olketa riva fo kamap drae graon. Ya, bae mi mekem olketa pul fo kamap barava drae.

Aesaea 5:15

An bae Yawe hemi daonem praod tingting blong evri pipol.

Aesaea 61:2

Hemi sendem mi fo talemaot dat hemi kasem taem nao fo Yawe hemi blesim olketa pipol blong hem, an bae hemi winim olketa enemi blong olketa. Hemi sendem mi, fo mekem tingting blong olketa hu i sore an krae, fo kamap gud moa,

Jeremaea 12:9

“Lan blong mi nao hemi kamap nomoa olsem ples blong wael dog, wea olketa bikfala bed i flae raonem an weit nomoa fo kaikaim olketa samting wea i dae. !Yufala go! !Kolem olketa wael animol mekem olketa kam fo joenem fist!

Jeremaea 13:9

Yawe nao hemi tok olsem: ‘Long barava sem wei wea disfala lavalava hemi kamap nogud tumas, bae mi spoelem olketa wei fo praod blong olketa pipol blong Jerusalem an olketa narafala pipol blong Jiuda.

Jeremaea 30:7

!Man! Datfala taem bae hemi barava had tumas. No eni narafala de moa hemi had olsem. Bae hemi barava taem blong trabol fo laen blong Israel, bat bae i no lus finis.

Jeremaea 46:10

“Bat nomata olketa redim olketa olsem, datfala de fo jaj hemi blong Lod Yawe hu hemi garem evri paoa. De ya nao hemi de wea bae hemi sensimbaek olketa nogud samting wea olketa enemi blong hem bin mekem. Bikfala naef fo faet blong hem bae hemi olsem wael animol wea hemi kaikaim olketa, go-go hemi fulap, an hemi dringim blad blong olketa, go-go hemi garem naf. Ya, kolsap long Yufretis Riva long not, Lod Yawe hu hemi garem evri paoa hemi kilim olketa dae, olsem wea hemi mekem bikfala sakrifaes wea evriwan save mekem fist blong hem.

Jeremaea 50:31

“!Yufala praod pipol blong Babilonia! !Mi Lod Yawe hu mi garem evri paoa, mi agensim yufala nao! Taem fo panisim yufala hemi kam finis.

Esikiel 13:5

Hemi olsem wea olketa laea profet nating fiksimap moa olketa wolston blong taon ya wea hemi brek. Taem olketa enemi i kam fo faetem yufala long datfala De blong mi fo jaj, bae olketa wolston olsem kanduit gadem yufala pipol blong Israel from olketa.

Daniel 4:37

“An distaem, mi preisim God, hu hemi king long heven, an mi tinghae long hem. Evrisamting wea hemi duim, hemi gud an stret fogud. An hemi save mekem eniwan hu hemi praod fo kamdaon lou.”

Emos 5:18

(Profet) !Sore tumas long yufala hu i barava laek fo lukim disfala De blong Yawe! ?Watkaen gudfala samting nao bae yufala garem long disfala De? ?Yufala tingse disfala De ya bae hemi delaet? Nomoa ya, bae hemi tudak.

Maeka 2:3

Hem nao Yawe hemi tok olsem, “Mi planem nao fo mekem bikfala trabol fo kasem yufala, an bae yufala no garem eni wei fo ranawe. Bae disfala trabol hemi mekem yufala fo no save haemapem yufala seleva olsem yufala duim distaem.”

Maeka 5:11

Bae mi spoelem olketa bikfala taon long kantri blong yufala, an bae mi brekemdaon olketa strongfala sefples blong yufala.

Sefenaea 1:16

De ya bae hemi taem fo pipol i herem noes long trampet blong faet. An bae olketa herem noes blong olketa soldia wea i faet agensim olketa taon wea i garem wolston, an agensim olketa soldia antap long olketa gadhaos.?

Sefenaea 3:11

An yufala olketa pipol blong mi, long datfala taem, bae yufala no save sem long wei yufala bin agensim mi bifoa. Bikos bae mi tekemaot olketa hu i praod an bikhed, an bae yufala no agensim mi moa long holi maonten blong mi.

Malakae 4:1

Yawe hemi tok olsem, ?De blong mi fo jaj bae hemi kam, an bae hemi olsem bikfala faea. Evri praod pipol an evri pipol hu i duim olketa ravis samting, bae i olsem drae gras, an long datfala de bae olketa barava bone. Bae no eniwan long olketa hemi stap bikos nomata olketa rut blong gras, faea hemi bonem tu.

Malakae 4:5

?Bae mi sendem kam Profet Elaeja fo kam long yufala bifoa disfala bikfala De blong mi fo jaj wea evri pipol i seksek long hem hemi kam.

Matiu 23:12

Eniwan hu hemi mekem hem seleva fo hae, bae God nao hemi mekem hem lou. Bat eniwan hu hemi mekem hem seleva fo lou, bae God hemi mekem hem hae.

Gudnius abaotem Jisas Kraes wea Luk hemi raetem 14:11

So hemi olsem tu, sapos eniwan hemi mekem hem seleva fo hae, bae God hemi mekem hem fo lou, bat eniwan hu hemi mekem hem seleva fo lou, bae God hemi mekem hem fo hae moa.”

1 Korin 5:5

An bae yumi mas givim go disfala man long han blong Seitan fo hemi spoelem bodi blong hem. Long wei ya, bae God nao hemi save sevem spirit blong hem long disfala De blong Masta.

1 Tesalonaeka 5:2

Bikos yufala seleva yufala savegud finis wea Masta blong yumi bae hemi kambaek long eni de nomoa, olsem man fo stil save kam enitaem nomoa long naet.

Jemes 4:6

Bat nomata olsem, kaenfala lav blong God fo yumi, hemi bikfala moa winim diswan. Dastawe nao Buktambu hemi sei, “God hemi daonem eniwan hu hemi praod, bat hemi somaot kaenfala lav blong hem long olketa hu i hambol.”