Aesaea 19:5 - Pijin Bible

⁵ (Profet) Long taem ya, bae Nael Riva hemi ran smolfala go-go hemi barava drae.

Pijin Deuterocanon

⁵ (Profet) Long taem ya, bae Nael Riva hemi ran smolfala go-go hemi barava drae.

Aesaea 19:5 Iomraidhean Croise

Stori abaotem Job 14:11

Olsem riva wea hemi drae finis o leik wea hemi drae nao,

Aesaea 15:6

Riva ya Nimrim hemi draeap nao, an olketa gras long saet long hem hemi barava drae tu. Evriwea long kantri ya, no enisamting save grou long hem, bikos evrisamting ya hemi barava drae nao.

Aesaea 23:11

Yawe hemi liftimap han blong hem antap long solwata, an hemi spoelem samfala kingdom an hemi haemapem olketa narafala. Hemi tokstrong mekem olketa enemi i kam fo spoelem olketa taon an olketa strongfala sefples long Fonisia.

Aesaea 37:25

Mi bin digim wel long olketa narafala kantri, an mi bin dringim wata long wel ya. Mi bin step long olketa riva long Ijip, go-go hemi drae evriwan.’

Aesaea 50:2

?Waswe nao no eniwan hemi kam long mi, taem mi kam fo sevem yufala? ?Waswe nao no eniwan hemi ansarem mi, taem mi kolem yufala? ?Yufala tingse mi no garem naf paoa fo sevem yufala? Mi save tok nomoa, an dipsi save kamap barava drae. Olketa riva tu save kamap wanfala bikfala drae eria, an olketa fis bae i dae evriwan.

Jeremaea 51:36

Dastawe nao Yawe hemi ansarem olketa olsem, “Olketa pipol blong mi. Bae mi saetem yufala ya, an panisim olketa enemi blong yufala, from olketa trabol wea olketa bin mekem fo kasem yufala. Olketa wata blong Babilonia wetem olketa bikfala riva blong hem, bae mi mekem olketa drae evriwan.

Esikiel 30:12

Bae mi mekem Nael Riva fo kamap drae, an letem olketa nogud man blong olketa narafala kantri fo tekova long lan ya. Ya, bae mi letem olketa strensa kam spoelem evri ples an evrisamting long kantri ya. Mi Yawe nao mi tok.

Sekaraea 10:11

Taem bikfala trabol hemi kasem olketa, bae mi stopem datfala trabol olsem mi save stopem biksi, an olsem mi save mekem Nael Riva fo kamap barava drae. Olketa pipol blong Asiria wea i haemapem olketa seleva, bae mi daonem olketa finis. An bae mi mekem Ijip fo lusim paoa blong hem.

Sekaraea 14:18

An sapos pipol blong Ijip i les fo kam mekem Bikde fo Stap long Smolfala Lif Haos, bae hemi no save sendem kam ren long olketa tu. An bae Yawe hemi sendem ravis sik fo kasem olketa, olsem hemi sendem long olketa narafala kantri wea i les fo kam long disfala fist.