Aesaea 17:5 - Pijin Bible

⁵ Long taem ya, bae Yawe hemi aotem finis olketa pipol olsem wea man hemi go aotem evri kaikai long gaden blong hem. Bae hemi olsem olketa gaden blong yufala long gudfala graon long vali long Refaem, wea yufala go aotem kam nao evri kaikai wea hemi stap long hem.

Pijin Deuterocanon

⁵ Long taem ya, bae Yawe hemi aotem finis olketa pipol olsem wea man hemi go aotem evri kaikai long gaden blong hem. Bae hemi olsem olketa gaden blong yufala long gudfala graon long vali long Refaem, wea yufala go aotem kam nao evri kaikai wea hemi stap long hem.

Aesaea 17:5 Iomraidhean Croise

2 Samuel 5:18

Olketa soldia blong Filistia i kam long vali long Refaem, an olketa stap kam long dea.

2 Samuel 5:22

Bihaen, olketa soldia blong Filistia i kambaek long vali long Refaem moa an mekredi fo faet.

Provebs 27:25

Evri yia, yu mas katem gras wea hemi grou gud long fil fo mekem olketa animol i kaikaim long hadtaem.

Aesaea 17:11

An sapos olketa gaden ya i grou, an karim flaoa long sem de ya wea yufala plantem, bae hemi nating garem eni kaikai long hem. Bae wanfala barava ravis sik an strongfala pein nomoa hemi kasem yufala.

Jeremaea 51:33

Hem nao Yawe hu hemi garem evri paoa, an hu hemi God blong Israel, hemi tok olsem, “Olketa blong Babilonia i olsem floa long ples fo klinim wit. An olketa enemi i olsem olketa buluka wea i step long wit. An long taem wea bae hemi kam, bae olketa enemi i step long kantri ya, an bae hemi finis nao.”

Jeremaea 9:22

Yawe nao hemi tokstrong long mi fo talemaot mesij blong hem olsem, “Olketa bodi bae i stap olobaot long olketa open ples, olsem hip blong ravis nomoa. Bae olketa ya i stap olobaot, olsem pasel wit wea man hemi livim long gaden, an no eniwan hemi stap fo karim go.”

Hosia 6:11

“!Yufala pipol blong Jiuda! Mi makem finis tu taem wea bae mi panisim yufala fo olketa nogud samting wea yufala bin gohed fo duim kam.

Joel 3:13

Wei blong olketa pipol ya hemi barava nogud tumas. Yufala mas katemdaon olketa gudfala olsem wit wea olketa man i katemdaon long gaden. Yufala mas step gudfala long olketa, olsem wea man hemi step long olketa frut blong grep fo mekem waen. Hemi step long olketa frut ya go-go wata blong hem hemi ranaot, an ston besin ya hemi fulap fogud wea hemi gohed fo kapsaet.”

Matiu 13:30

Letem olketa grou tugeta nomoa, go-go kasem taem wit hemi redi. Long taem ya nao bae mi talem long olketa wakaman fo go pulumaot olketa ravis gras ya fastaem, an fo taemap olketa long olketa hip fo bonem long faea. Bat olketa wit ya, bae olketa tekem kam fo fulumap insaet long haos blong mi wea mi kipim olketa kaikai long hem.’”

Josua 15:8

Spialaen ya hemi goap stret falom vali long Hinom, wea hemi pas long saot saet, botom long hil ya long Jerusalem, disfala taon blong olketa laen blong Jebus. Spialaen ya hemi go antap long hil saet long vali long Hinom wea hemi stap long west saet, kolsap long vali long Refaem long saet long not.

Josua 18:16

An hemi godaon kasem botom long maonten long not long Refaem vali wea disfala Hinom vali hemi stat. Spialaen ya hemi falom Hinom vali an hemi go pas long narasaet long taon long Jebus an hemi go kasem springwata long En-Rogel.