Aesaea 17:11 - Pijin Bible

¹¹ An sapos olketa gaden ya i grou, an karim flaoa long sem de ya wea yufala plantem, bae hemi nating garem eni kaikai long hem. Bae wanfala barava ravis sik an strongfala pein nomoa hemi kasem yufala.

Pijin Deuterocanon

¹¹ An sapos olketa gaden ya i grou, an karim flaoa long sem de ya wea yufala plantem, bae hemi nating garem eni kaikai long hem. Bae wanfala barava ravis sik an strongfala pein nomoa hemi kasem yufala.

Aesaea 17:11 Iomraidhean Croise

Stori abaotem Job 4:8

Man hu hemi plantem kaikai long gaden, bae hemi tekem kaikai tu long gaden ya. Long semkaen wei, man hu hemi mekem trabol, trabol tu bae kasem hem.

Sams 90:6

Long moning, hemi garem flaoa, bat long ivining, flaoa ya hemi dae an hemi foldaon nao.

Aesaea 17:5

Long taem ya, bae Yawe hemi aotem finis olketa pipol olsem wea man hemi go aotem evri kaikai long gaden blong hem. Bae hemi olsem olketa gaden blong yufala long gudfala graon long vali long Refaem, wea yufala go aotem kam nao evri kaikai wea hemi stap long hem.

Jeremaea 5:31

Taem olketa profet i talemaot profesi blong olketa, olketa laea nomoa. Olketa prist gohed fo duim olketa samting wea olketa laekem nomoa. An yufala pipol blong mi i barava laekem tumas disfala wei blong olketa. ?Bat taem mi finisim olketa samting ya, wanem nao bae yufala duim?” Hem nao mesij blong Yawe.

Hosia 8:7

Olsem wea man hemi plantem sid, an plande sid moa hemi grouap kam long hem, disfala nogud wei blong olketa hemi olsem nomoa smolfala win. Bat nogud samting wea bae hemi kamaot long hem, hemi olsem bikfala saekloun wea hemi save spoelem evrisamting. Diskaen gaden wea olketa plantem, bae hemi no garem kaikai. Bat sapos hemi garem kaikai long hem, olketa blong narafala kantri nao bae i kam an kaikaim.

Hosia 9:16

Olketa pipol blong Israel nao i olsem wanfala smolfala tri wea rut blong hem hemi barava drae, an hemi no save garem frut. Hem nao bae olketa no save garem pikinini. An nomata sapos olketa bonem pikinini wea olketa lavem tumas, bat bae mi kilim evriwan dae.”

Joel 1:17

Olketa sid wea yufala plantem i dae evriwan, bikos graon hemi drae tumas. An no eni sid nao hemi stap mekem yufala save plantem moa. Olketa stoa haos fo putum olketa kaikai long hem i emti evriwan. Olketa evriwan i foldaon an kamap nogud tumas nao.

Levitikas 26:20

Olketa hadwaka blong yufala bae no save helpem yufala, bikos graon blong yufala bae hemi no save givim kaikai long yufala, an olketa tri blong yufala bae i no save garem frut.

Leta wea Pol hemi raetem go long sios long Rom 2:5

Bat yufala bikhed tumas an yufala no wande sensim nomoa tingting blong yufala. So yufala mekem panis blong yufala hemi kamap bikfala moa, an bae hemi kasem yufala long datfala de wea God bae hemi somaot kros blong hem an stretfala wei blong hem fo jajem evriwan.

Diutronomi 28:39

Bae yufala plantem an lukaotem olketa plantesin blong grep, bat bae hemi no garem plande frut an yufala no save dring waen blong olketa, bikos olketa wom bae i kaikaim.