Aesaea 16:7 - Pijin Bible

⁷ Dastawe nao olketa pipol blong Moab i krae bikfala from olketa trabol wea hemi kasem olketa. Taem olketa tingim evri gudfala kaikai wea olketa bin kaikaim bifoa long taon long Kia-Hareset, olketa evriwan i sore an krae fogud.

Pijin Deuterocanon

⁷ Dastawe nao olketa pipol blong Moab i krae bikfala from olketa trabol wea hemi kasem olketa. Taem olketa tingim evri gudfala kaikai wea olketa bin kaikaim bifoa long taon long Kia-Hareset, olketa evriwan i sore an krae fogud.

Aesaea 16:7 Iomraidhean Croise

2 Kings 3:25

An olketa gohed fo spoelem evri taon blong olketa. An taem olketa gopas long eni gudfala graon blong olketa, olketa tekem olketa ston an torowem go long hem, go-go evri gaden long Moab i fulap long ston. An olketa gohed fo berem olketa springwata an katemdaon evri tri blong kaikai blong olketa. Olketa gohed fo duim olsem go-go bikfala taon long Kia-Hareset nomoa hemi stap. An olketa soldia fo su-sut long sling nao i kam hipap raonem taon ya an faet long hem tu.

1 Kronikols 12:40

An olketa pipol blong Israel, nomata long trifala provins blong Isaka, an Sebulun, an Naftali long not, olketa evriwan i tekem kam kaikai fo olketa. Olketa bin putum olketa kaikai ya antap long olketa dongki an kamel, an olketa buluka blong olketa, nao olketa karim kam. Olketa bin tekem kam flaoa, an frut blong fig tri, an frut blong grep wea hemi drae, an waen, an oliv oel, an olketa tekem kam olketa buluka an olketa sipsip tu mekem olketa kaikaim. Olketa mekem evrisamting ya bikos evriwan long Israel i hapi tumas.

1 Kronikols 16:3

Den hemi givimaot olketa kaikai long evriwan blong Israel wea i hipap long dea. Hemi givim wanfala bred, an samfala frut blong det wea i drae finis, an samfala frut blong grep wea i drae finis.

Aesaea 16:11

Mi barava sore tumas long olketa pipol blong Kia-Hareset wetem olketa narafala pipol blong Moab.

Aesaea 8:19

Bae olketa pipol i talem yufala fo go an tok wetem olketa majik man, an olketa hu i garem grinlif o save tok wetem olketa pipol hu i dae finis. Olketa pipol ya i toksmol an tok long deferen kaen langguis, mekem no eniwan save heresave long olketa. Bat yufala mas no lisin long olketa. !God nomoa yufala mas askem! ?Waswe nao olketa pipol i askem nomoa olketa hu i dae finis fo helpem olketa hu i laef?

Jeremaea 48:20

Nao olketa tok olsem, ‘!O, Moab hemi foldaon finis! !Yumi sem fogud! !Yumi mas sore an krae bikfala! !Yumi mas go long Anon Riva fo talemaot dat olketa enemi i spoelem Moab finis!’”

Jeremaea 48:31

From samting ya, mi sore long Moab. Bae mi krae fo olketa blong taon long Kia-Heres.