Aesaea 15:6 - Pijin Bible

⁶ Riva ya Nimrim hemi draeap nao, an olketa gras long saet long hem hemi barava drae tu. Evriwea long kantri ya, no enisamting save grou long hem, bikos evrisamting ya hemi barava drae nao.

Pijin Deuterocanon

⁶ Riva ya Nimrim hemi draeap nao, an olketa gras long saet long hem hemi barava drae tu. Evriwea long kantri ya, no enisamting save grou long hem, bikos evrisamting ya hemi barava drae nao.

Aesaea 15:6 Iomraidhean Croise

Jeremaea 14:5

Nomata animol ya dia long bus hemi jes bonem pikinini blong hem, bat hemi lusim pikinini ya bikos no eni gras fo kaikaim nao.

Jeremaea 48:34

“Noes long bikfala krae blong olketa, pipol long Hesbon, an long Eleale, an long Jahas i save herem. An olketa pipol long Soa, an long Horonaem, an long Eglat-Selisia, olketa tu save herem. An smolfala riva long Nimrim tu, bae hemi kamap barava drae.

Joel 2:3

Olketa grashopa ya i kam an kaikaim evrisamting, olsem faea hemi barava bonem evri gras long lan ya. Bifoa olketa kam, lan ya hemi olsem Gaden long Iden. Bat bihaen olketa go, hemi olsem barava drae eria nao. No enisamting nao hemi stap bihaen long olketa.

Nambas 32:3

“Disfala lan wea Yawe hemi winim fo yumi blong Israel hemi fitim olketa animol. Ating olketa lan long Atarot, an Dibon, an Jasea, an Nimra, an Hesbon, an Eleale, an Sebam, an Nebo, an Beon, hemi gud tumas fo olketa animol, an yu save, mifala garem plande animol tumas.

Nambas 32:36

an Bet-Nimra, an Bet-Haran. An olketa wakem olketa fens fo olketa animol blong olketa tu.

Josua 13:27

Long Jodan Vali, lan ya hemi go-go kasem olketa taon long Bet-Haran, an long Bet-Nimra, an long Sukot, an long Safon, an evri eria wea Paramaon Sif Sihon blong Hesbon hemi rul ovarem. Spialaen blong olketa lan ya long saet long west nao hemi stat long Jodan Riva go-go kasem Leik Galili long not.

Revelesin 8:7

Den fas enjel hemi bloum trampet blong hem. An aes an faea wea tufala miks wetem blad hemi foldaon kam long wol olsem ren. An insaet long wol ya, bikfala haf blong graon nao faea hemi bonem wetem bikfala haf blong olketa tri an evri grin gras.