Aesaea 14:8 - Pijin Bible

⁸ Ya, hemi olsem wea olketa paen tri an olketa sida tri blong Lebanon i hapi tumas tu fo herem nius ya an olketa tok olsem, ‘!Bikos yufala foldaon finis, no eniwan moa hemi stap fo katem mifala daon!’

Pijin Deuterocanon

⁸ Ya, hemi olsem wea olketa paen tri an olketa sida tri blong Lebanon i hapi tumas tu fo herem nius ya an olketa tok olsem, ‘!Bikos yufala foldaon finis, no eniwan moa hemi stap fo katem mifala daon!’

Aesaea 14:8 Iomraidhean Croise

Sams 29:5

Voes blong Yawe hemi strong fogud, an hemi save brekem daon nomoa olketa strongfala sida tri. Nomata olketa bikfala sida tri long Lebanon, Yawe hemi brekem daon olketa nomoa.

Aesaea 37:24

Mi nao Masta blong yu, bat yu bin sendem olketa pipol blong yu fo tekem mesij fo tok nogud agensim mi. Yu bin tokpraod olsem, ‘Long olketa kaat blong mi fo faet mi bin go antap long olketa maonten, olsem bikfala maonten ya long Lebanon. Mi bin katemdaon olketa nambawan sida tri an olketa nambawan paen tri tu. Mi bin kasem tu olketa maonten wea hemi hae fogud, an ples wea olketa tri i plande tumas long hem.

Esikiel 31:16

Taem mi torowem tri ya godaon long Grev, noes blong hem taem hemi foldaon, hemi mekem evri kantri i seksek. Olketa tri long Iden, an olketa nambawan tri blong Lebanon wea bifoa i garem wata fo mekem olketa grou gudfala, olketa tu i dae an godaon insaet long grev. An olketa filgud moa bikos disfala bik tri ya hemi foldaon finis.

Sekaraea 11:2

!Olketa paen tri! Yufala mas krae bikfala from olketa sida wea i foldaon finis. Olketa gudfala tri ya, faea hemi bonem olketa evriwan finis. !Olketa ok tri blong Basan! Yufala tu mas krae bikfala, bikos olketa bikfala tri long bus, olketa pipol i katemdaon evriwan finis.