Aesaea 14:16 - Pijin Bible

¹⁶ “!King! Olketa hu i lukim wei wea God hemi daonem yu, bae i sek tumas bikos olketa ting olsem, ‘?Waswe, hem nao man hu hemi mekem wol ya fo seksek, an hemi mekem tu olketa narafala king fo fraet?

Pijin Deuterocanon

¹⁶ “!King! Olketa hu i lukim wei wea God hemi daonem yu, bae i sek tumas bikos olketa ting olsem, ‘?Waswe, hem nao man hu hemi mekem wol ya fo seksek, an hemi mekem tu olketa narafala king fo fraet?

Aesaea 14:16 Iomraidhean Croise

Sams 52:7

“Yufala lukim man ya. Hemi no trastem nomoa God fo sevem hem. Hemi trastem olketa staka samting wea hemi garem, an hemi trastem tu olketa ravis wei blong hem fo gadem hem.”

Sams 64:9

Olketa evriwan ya bae i fraet, an bae olketa jes save nao wanem God hemi bin duim, an bae olketa tokabaotem olketa samting wea hemi bin duim.

Aesaea 14:15

Bat hemi no olsem. Distaem, yu godaon long Grev nao. Datfala ples hemi dip tumas winim evri narafala ples.

Aesaea 14:17

?Hem nao man hu hemi brekemdaon olketa bikfala taon long wol, an hemi mekem wol ya fo kamap olsem drae eria? ?Hem nao man hu hemi winim olketa bikfala taon long faet, an hemi nating letem olketa hu hemi winim fo go fri?’

Jeremaea 50:23

Bifoa, Babilonia hemi brekem olketa narafala kantri long wol olsem bikfala hama, bat distaem Babilonia i brek finis. An taem olketa kantri long wol i herem nius abaotem olketa samting wea hemi kasem Babilonia, bae i seke fogud.” Hem nao mesij blong Yawe.

Esikiel 32:27

Taem olketa man i berem olketa, olketa no berem olketa olsem wei fo tinghae long olketa strong man fo faet long bifoa. Olketa strong man ya i godaon long grev wetem olketa wepon blong olketa. Taem olketa man i berem olketa, olketa putum naef blong olketa fo faet andanit long hed blong olketa, an olketa putum sil fo faet blong olketa antap long bodi blong olketa. Bat olketa blong Mesek an Tubal nao, panis fo olketa sin blong olketa bin kasem olketa, bikos taem wea olketa ya i laef yet, olketa gohed fo mekem olketa pipol barava fraet tumas.

Neiham 3:6

Mi nao bae mi meksem long yufala, olsem wea mi torowem ravis antap long yufala. Bae mi lukdaonem yufala, mekem evri pipol i luksave wea yufala barava nogud tumas.

Habakuk 1:10

Olketa lukdaonem olketa king blong evri narafala kantri, an gohed fo laf long evri bikman blong olketa king ya. No eni strongfala sefples hemi fitim fo stopem olketa. Olketa save hipimap nomoa ston an graon long botom blong wolston long ples ya, mekem hem isi fo klae go insaet an tekova long hem.

Habakuk 1:17

?Waswe, bae enisamting save stopem olketa nomoa fo no yusim net ya fo spoelem pipol long olketa kantri? !Olketa ya i nating sore nomoa long eniwan!