Aesaea 13:6 - Pijin Bible

⁶ !Yufala krae! Bikos bikfala De blong Yawe fo jaj hemi kolsap kam nao. An Man ya hu hemi garem evri paoa, bae hemi spoelem evrisamting.

Pijin Deuterocanon

⁶ !Yufala krae! Bikos bikfala De blong Yawe fo jaj hemi kolsap kam nao. An Man ya hu hemi garem evri paoa, bae hemi spoelem evrisamting.

Aesaea 13:6 Iomraidhean Croise

Stori abaotem Job 31:23

Mi nating laek fo duim eni ravis samting long pua pipol, bikos mi fraetem paoa blong God, an mi wari olsem maet hemi spoelem mi.

Aesaea 10:25

No longtaem, disfala kros blong mi fo yufala bae hemi finis. Bat nomata olsem, bae mi panisim olketa pipol blong Asiria bikos mi kros tumas long olketa.”

Aesaea 10:3

?Wanem nao bae yufala duim taem Yawe hemi panisim yufala? ?Wea nao bae yufala go taem hemi sendem kam olketa enemi blong yufala from farawe kantri fo kam faetem yufala? ?Hu nao bae yufala lukaotem fo helpem yufala? ?An long wea nao bae yufala haedem olketa seleni blong yufala?

Aesaea 13:9

Disfala De blong Yawe hemi kam nao. Long disfala De, God hemi kros tumas an hemi letem hadtaem fo kam. An bae hemi spoelem finis lan blong olketa wetem evri pipol long hem hu i sin tumas.

Aesaea 14:23

Bae mi mekem taon ya fo kamap wanfala bikfala krik, an bae hemi kamap ples blong olketa aol tu. An bae mi tekem wanfala brum wea hemi naf fo brumum aot evrisamting, mekem ples ya hemi emti finis.” Hem nao mesij blong Yawe hu hemi garem evri paoa.

Aesaea 14:31

“!Yufala pipol blong olketa bikfala taon ya long Filistia! !Yufala kraeaot long fraet! Bikos yufala bae lukim bikfala smok long not taem olketa enemi i bonem datfala lan, an olketa evriwan i redi kuiktaem fo kam spoelem yufala tu.”

Aesaea 2:12

Long datfala taem tu, Yawe hu hemi garem evri paoa bae hemi daonem olketa pipol hu i praod.

Aesaea 23:1

(Profet) Hem ya profesi abaotem Taea. Hemi olsem: !Yufala hu i waka long olketa bikfala kago sip! !Yufala krae nao! Taem olketa sip blong yufala i kambaek from Saepras, yufala herem nogud nius abaotem Taea wea hemi hom taon blong yufala. Olketa enemi i spoelem finis evri haos wetem bikfala haba blong yufala.

Aesaea 34:2

Yawe hemi kros tumas long evri kantri long disfala wol wetem evri ami blong olketa. Hemi bin jajem olketa finis, an bae hemi kilim dae olketa evriwan.

Aesaea 34:8

Long taem ya nao, bae Yawe hemi sevem olketa pipol blong Saeon, an bae hemi sensimbaek olketa samting wea olketa enemi ya i duim long olketa pipol blong hem.

Aesaea 47:11

Bat bikfala trabol bae hemi kasem yu, an olketa majik blong yu ya no save stopem. Wantaem nomoa, bae wanfala barava nogud samting hemi kasem yu, an yu no save peim kaon blong yu. Disfala samting ya, bae hemi barava nogud tumas, winim evri nogud samting wea hemi kasem yu long laef blong yu.

Aesaea 52:5

?So wanem nao mi mas duim distaem? Olketa bin tekem yufala fo waka olsem slev fo olketa, an olketa nating peim yufala aot. Olketa hu i rul ovarem yufala, olketa i bikmaos tumas an tokpraod olowe, an oltaem olketa gohed fo tokspoelem mi.

Aesaea 61:2

Hemi sendem mi fo talemaot dat hemi kasem taem nao fo Yawe hemi blesim olketa pipol blong hem, an bae hemi winim olketa enemi blong olketa. Hemi sendem mi, fo mekem tingting blong olketa hu i sore an krae, fo kamap gud moa,

Aesaea 63:4

Mi lukim dat taem fo mi sevem olketa pipol blong mi, an fo mekem olketa fri, hemi kam nao. An bae mi panisim olketa enemi blong olketa.

Aesaea 65:14

Bae olketa wakaman blong mi i hapi an singsing, bat bae yufala barava sore an krae.

Jeremaea 25:34

!Olketa lida! !Yufala mas barava sore an krae! Yufala mas rol olobaot long asis faea fo somaot dat yufala filnogud. Olketa pipol i olsem sipsip, an yufala i olsem man fo lukaftarem olketa sipsip ya. Bat distaem, de fo kilim yufala hemi kam finis, an olketa enemi blong yufala bae i spoelem yufala finis. Bae yufala kam olsem nambawan pot olketa wakem long graon wea hemi foldaon an hemi brek, mekem hem kamap nogud tumas.

Jeremaea 49:3

“!Kraeaot bikfala, yufala pipol blong Hesbon! Olketa enemi i spoelem taon long Ai finis. !Singaot fo sore, yufala pipol blong Raba! !Werem ravis kaleko fo somaot dat yufala i sore an krae! Bae yufala resis olobaot insaet long taon, bikos olketa enemi bae i tekemaot disfala kaving god blong yufala Molek, wetem olketa prist an olketa bikman blong hem, an sendem olketa go long narafala ples.

Jeremaea 51:8

Bat distaem Babilon tu bae hemi foldaon, an olketa enemi blong hem bae i kam spoelem hem finis. !Sore an krae long hem! !Faendem meresin fo putum long soa blong hem! Maet yufala save hilim hem.

Esikiel 13:5

Hemi olsem wea olketa laea profet nating fiksimap moa olketa wolston blong taon ya wea hemi brek. Taem olketa enemi i kam fo faetem yufala long datfala De blong mi fo jaj, bae olketa wolston olsem kanduit gadem yufala pipol blong Israel from olketa.

Esikiel 21:12

Man blong graon, yu mas sore an krae bikfala. Disfala naef nao hemi agensim olketa pipol blong mi, an olketa bikman blong yufala. Ya, bae olketa evriwan i dae long faet. So yu mas somaot wea yu barava filsore fogud.

Daniel 5:26

An mining blong hem hemi olsem, NAMBA, hemi minim wea God hemi makem finis namba long olketa de blong yu fo king, an taem blong yu hemi finis nao.

Daniel 5:9

So king hemi barava fraet fogud, nao bodi blong hem hemi wik, an hemi barava seksek fogud, an olketa bikman blong hem i nating save nao wanem fo duim.

Joel 1:11

Yufala olketa wakaman long gaden, yufala mas sore. Yufala wea i gohed fo lukaftarem olketa plantesin blong grep, yufala mas krae. Bikos olketa wit an olketa bali, an evri kaikai long gaden blong yufala, olketa grashopa i spoelem finis nao.

Joel 1:13

(Profet) Yufala olketa prist hu i mekem olketa sakrifaes long olta, yufala mas tekemaot olketa spesol kaleko blong prist an werem olketa ravis kaleko fo somaot dat yufala sore tumas. Yufala go long Tambuhaos an krae go-go kasem delaet, bikos no eni kaikai o waen nao hemi stap fo tekem go olsem ofaring long God blong yumi.

Joel 1:15

!Ooo! !Datfala De blong Yawe fo jaj, bae hemi barava had tumas! De ya hemi kolsap kam nao, wea Yawe hu hemi garem evri paoa, bae hemi spoelem finis plande samting long disfala wol.

Joel 1:5

!Wekap an krae, yufala evri drang man! Olketa grep fo mekem niufala waen hemi finis nao.

Joel 2:1

(Profet) !Sekiuriti! !Bloum trampet antap long tambu maonten long Saeon fo wonem olketa pipol! Yufala evri pipol blong Jiuda mas fraet an seksek, bikos De ya blong Yawe fo jaj hemi kolsap kam nao.

Joel 2:11

Yawe hemi tokstrong long olketa grashopa ya wea i olsem olketa soldia blong hem, an voes blong hem hemi bikfala tumas olsem tanda. Nomata olketa plande fogud an garem paoa, bat olketa obeim hem nomoa. Disfala De blong Yawe bae hemi barava had tumas. ?Hu nao hemi fitim fo stanap strong taem disfala De hemi kam?

Joel 2:31

Bae san hemi kamap tudak, an bae mun hemi kamap red olsem blad. Nao bihaen, bae De ya blong mi Yawe, hemi jes kam. Hem nao wanfala de wea evri pipol i fraet tumas long hem.

Emos 5:18

(Profet) !Sore tumas long yufala hu i barava laek fo lukim disfala De blong Yawe! ?Watkaen gudfala samting nao bae yufala garem long disfala De? ?Yufala tingse disfala De ya bae hemi delaet? Nomoa ya, bae hemi tudak.

Sefenaea 1:14

Profet Sefenaea hemi tok olsem, ?Bikfala De blong Yawe fo jajem pipol hemi barava kolsap nao, an hemi kam kuiktaem. De ya bae hemi barava nogud tumas. Nomata olketa strongfala soldia, bae olketa singaot bikfala bikos olketa fraet.

Sefenaea 1:7

?Datfala de wea mi Lod Yawe bae mi jajem pipol, hemi kam kolsap nao, so olketa mas stap kuaet long frant long mi. Mi Yawe mi redi finis fo sakrifaesim olketa pipol blong mi. An mi mektambu long olketa wea mi kolem kam fo mekem sakrifaes ya.

Sekaraea 14:1

Wanfala de bae hemi kam wea Yawe hemi kam fo duim samting. Long datfala de, bae hemi tekem kam pipol blong evri narafala kantri fo hipap tugeta fo faet agensim Jerusalem. Bae olketa winim taon ya, an tekova long hem. Bae olketa go insaet long olketa haos, an tekemaot evrisamting blong pipol long taon, an divaedem olketa samting ya barava long ae blong olketa. An bae olketa reipem olketa woman, an bae olketa fosim haf long olketa man an woman fo lusim lan blong olketa fo go stap long kantri blong olketa. Bat narafala haf bae i save stap nomoa long taon ya.

Malakae 4:5

?Bae mi sendem kam Profet Elaeja fo kam long yufala bifoa disfala bikfala De blong mi fo jaj wea evri pipol i seksek long hem hemi kam.

Jemes 5:1

Yufala olketa ris man, yufala mas krae bikfala nao, bikos trabol wea bae hemi kasem yufala, hemi barava nogud tumas.

Revelesin 18:10

Bae olketa stanap farawe, bikos olketa fraetem tumas panis wea hemi kasem biktaon ya. An bae olketa sei olsem, “!Maewat, sore tumas long yu Babilon! Yu biktaon wea yu strong tumas, bat long wanfala aoa nomoa yu kasem panis blong yu nao.”