Aesaea 13:10 - Pijin Bible

¹⁰ Olketa sta wetem mun, bae i no saen long naet. An nomata san hemi kamap long moning, bat bae hemi no saen nao.

Pijin Deuterocanon

¹⁰ Olketa sta wetem mun, bae i no saen long naet. An nomata san hemi kamap long moning, bat bae hemi no saen nao.

Aesaea 13:10 Iomraidhean Croise

Stori abaotem Job 9:7

Hemi save tokstrong long san fo no kamap moa long moning, an hemi save stopem olketa sta fo no saen kamdaon long naet.

Eklesiastes 12:2

Long taem ya tu, bae yu lukim dat san, an mun, an olketa sta i nating save saen gudfala nao, an olketa blak klaod blong ren i gohed fo kam nomoa.

Aesaea 24:21

Long datfala taem, bae Yawe hemi panisim olketa hu i garem paoa long antap an olketa hu i rul ovarem disfala wol.

Aesaea 24:23

Long datfala taem tu, san an mun bae i no saen moa, bikos Yawe hu hemi garem evri paoa hemi rul olsem king. Bae hemi rul ovarem Jerusalem antap long Tambu Maonten long Saeon, an olketa lida blong yumi bae i lukim saen long bikfala paoa blong hem.

Aesaea 47:5

Yawe hemi tok moa olsem, “!O Babilon! Yu nao kapitol blong bikfala kingdom blong Babilonia. Yu bin olsem kuin, bat distaem yu mas sidaon kuaet nao long tudak. No eniwan nao bae hemi mekhae moa long yu olsem wanfala strongfala kuin hu hemi rul ovarem olketa kingdom.

Aesaea 5:30

Long taem ya, bae olketa mekem noes olsem saon blong bikfala wev wea hemi brek long rif long taem blong saekloun. An sapos eniwan hemi kam long kantri ya blong yufala, bae hemi lukim bikfala trabol nomoa. !Ya, bae hemi olsem wea tudak hemi kavaremap finis taem blong delaet!

Aesaea 50:3

An mi save mekem skae fo kamap tudak tumas, olsem taem wea man hemi krae tumas fo wanfala man hu hemi dae.”

Joel 2:10

Taem olketa grashopa ya i gohed fo muv kam, graon hemi seksek fogud, an skae tu hemi seksek. Ya, san an mun i kamap tudak an olketa sta i nating saen moa nao.

Joel 2:31

Bae san hemi kamap tudak, an bae mun hemi kamap red olsem blad. Nao bihaen, bae De ya blong mi Yawe, hemi jes kam. Hem nao wanfala de wea evri pipol i fraet tumas long hem.

Joel 3:15

An long de ya tu, bae san an mun an olketa sta bae i no saen nao.

Emos 5:20

Long datfala De blong Yawe, bae hemi tudak an no eni laet nao bae hemi saen.

Neiham 1:8

Bat bae hemi spoelem Nineve wetem olketa pipol long hem, olsem wea wanfala bikfala flad hemi kavaremap evri ples. Ya, bae hemi kilim dae olketa hu i gohed fo agensim hem.

Sekaraea 14:6

Taem datfala de hemi kam, bae no eni laet, an bae hemi no tukol, an bae no eni aes.

Matiu 24:29

An Jisas hemi sei moa, “Bihaen disfala taem blong bikfala trabol ya nomoa, san bae hemi stat fo dak nao, an mun tu bae hemi no save saen kam. An olketa sta long skae bae olketa foldaon, an evri strongfala samting long skae bae olketa seksek olobaot.

Gudnius abaotem Jisas Kraes wea Mak hemi raetem 13:24

An Jisas hemi sei moa, “Bihaen disfala taem blong bikfala trabol ya nomoa, bae san hemi stat fo dak nao, an bae mun tu hemi no save saen kam moa.

Gudnius abaotem Jisas Kraes wea Luk hemi raetem 21:25

An Jisas hemi sei moa, “An bae samfala saen olketa soaot long san an long mun an long olketa sta antap long skae. An long olketa kantri long wol, bae evriwan olketa barava fraet fogud nao long bikfala noes blong solwata wetem olketa bikfala wev blong hem.

Aposol 2:20

Bae san hemi kamap tudak, an bae mun hemi kamap red olsem blad. An bihaen, bae disfala de blong Masta hemi kam. Disfala de hemi bikfala an hemi nambawan tumas.

Revelesin 8:12

Nao mekfoa enjel hemi bloum trampet blong hem. An bikfala haf blong san an bikfala haf blong mun hemi dae. An hemi olsem tu long olketa sta, wea bikfala haf blong olketa hemi dae. So bikfala haf long de hemi no garem eni laet long hem, an bikfala haf long naet hemi olsem tu.