Aesaea 11:4 - Pijin Bible

⁴ bat bae hemi jajem kot blong olketa pua pipol long stretfala wei. Ya, bae hemi meksua long kot wea olketa ya i tekembaek wanem hemi blong olketa. Long paoa long toktok blong hem bae hemi panisim olketa pipol long wol. An taem hemi tok nomoa bae olketa nogud pipol ya i dae nao.

Pijin Deuterocanon

⁴ bat bae hemi jajem kot blong olketa pua pipol long stretfala wei. Ya, bae hemi meksua long kot wea olketa ya i tekembaek wanem hemi blong olketa. Long paoa long toktok blong hem bae hemi panisim olketa pipol long wol. An taem hemi tok nomoa bae olketa nogud pipol ya i dae nao.

Aesaea 11:4 Iomraidhean Croise

2 Samuel 8:15

Deved hemi king ovarem evriwan long Israel. Oltaem hemi lukaftarem gudfala olketa pipol blong hem, long wei wea hemi gudfala an hemi stret.

Stori abaotem Job 15:30

Bae hemi no save ranawe from trabol. An bae hemi olsem wanfala tri wea faea hemi bonem niufala brans blong hem. God bae hemi blou kam long hem, an aotem laef blong hem.

Stori abaotem Job 4:9

God hemi save kros long olketa ya, an olketa lus nao. Hemi olsem God hemi blou kam long olketa ya, an bikfala trabol kasem olketa.

Sams 110:2

Yawe hemi stap long Saeon, an bae hemi mekem paoa blong yu fo kamap bikfala moa. An hemi tok olsem moa, “Yu mas rulim olketa enemi blong yu.”

Sams 18:8

Kros blong hem hemi bikfala tumas olsem faea wea hemi laet bikfala, an hemi barava hot fogud. Ya, hemi olsem wea smok hemi kamaot from nous blong hem an hot ston hemi kam aot long maos blong hem.

Sams 2:9

Bae yu kilim olketa pipol ya long wanfala longfala pis aean, an bae yu brekem olketa long olketa smolfala pisis, olsem glas wea hemi brek.’”

Sams 76:10

Yu finisim kros blong olketa enemi blong yu, hem nao bae mekem evriwan fo mekhae long yu. Ya, nomata lelebet kros nomoa hemi stap yet long olketa bae yu barava finisim.

Aesaea 1:17

Yufala mas lanem nomoa olketa wei wea hemi stret. Yufala mas kipim disfala wei fo duim olketa samting long stretfala wei, an yufala mas stretem nogud wei blong pipol hu i gohed fo spoelem olketa narafala pipol. Yufala mas helpem olketa pikinini wea mami an dadi blong olketa i dae finis, an olketa wido tu.”

Aesaea 13:11

Yawe nao hemi tok olsem, “Bae mi panisim wol ya bikos hemi barava nogud tumas nao. An bae mi panisim olketa nogud pipol bikos olketa sin. Bae mi daonem olketa praod pipol, an bae mi spoelem finis evri praod wei blong olketa wea olketa save spoelem long olketa narafala pipol.

Aesaea 14:30

Bae mi lukaftarem olketa pipol hu i barava pua mekem olketa save stap gud moa, olsem man wea hemi lukaftarem olketa sipsip blong hem. Bat bae mi sendem kam hadtaem blong hanggre fo kilim dae olketa famili blong yufala, mekem no eniwan long yufala hemi laef.

Aesaea 16:5

An long taem ya, wanfala King bae hemi kamap long laen blong King Deved. Bae hemi tinghevi long olketa pipol blong hem olowe, an olketa pipol bae i barava trastem hem fogud. Bae hemi kuiktaem fo duim olketa gudfala samting an jajem pipol long stretfala wei.

Aesaea 2:4

An long taem ya, bae hemi stretem raoa long midol long olketa narafala kantri. Bae olketa hamarem olketa naef fo faet an spia blong olketa fo kamap olsem aean fo digim graon an huknaef fo katem olketa grep. Nao olketa pipol long wol bae i no faetem moa olketa long narafala kantri, an no tisim moa olketa yanga fo faet.

Aesaea 26:6

An olketa pipol wea narafala pipol i mekem olketa safa, an olketa hu i pua, bae i step long taon ya.

Aesaea 29:19

An olketa pua pipol hu i no garem biknem, bae i hapi tumas an selebret bikos Yawe nao hemi Holi God blong Israel.

Aesaea 3:14

An distaem hemi stat nao fo jajem olketa bikman an olketa lida blong yumi pipol blong hem, wea hemi talemaot olketa samting agensim olketa olsem, “!Olketa! Oltaem nomoa yufala i spoelem olketa pipol blong mi long wei wea yufala gohed nomoa fo fulumapem haos blong yufala wetem olketa samting wea yufala stilim from olketa pua pipol. Hemi olsem wea yufala spoelem olketa plantesin long grep tri blong mi.

Aesaea 30:28

Win wea hemi bloum hemi olsem riva wea hemi ran bikfala an hemi kamap kasem nek blong man. Bae disfala win wea hemi bloum hemi spoelem evri pipol blong olketa narafala kantri, an bae hemi fosim olketa fo go long rong wei.

Aesaea 30:31

Bae olketa pipol blong Asiria i barava fraet fogud taem olketa herem voes blong Yawe, an bae hemi panisim olketa evriwan long paoa blong hem.

Aesaea 30:33

Yawe hemi redim finis Tofet, disfala ravis ples fo sakrifaes blong olketa hiden pipol. Ples ya fo bonem sakrifaes hemi dip an waed fogud, an plande faeawud nao olketa hipimap finis insaet. Bae Yawe hemi blou kam an barava hot faea nao hemi stat long ples ya. Ya, ples ya hemi redi finis fo bonem disfala king blong Asiria.

Aesaea 32:1

(Profet) Bae wanfala king hemi rul long wei wea hemi barava stret fogud, an olketa bikman blong hem bae i rul long stretfala wei tu.

Aesaea 32:7

Wei blong olketa man fo laea hemi barava ravis tu, an oltaem nomoa olketa planem fo spoelem olketa pua pipol, nomata olketa garem raet long olketa samting wea hemi barava blong olketa.

Aesaea 33:22

Yawe nao hemi king blong yumi an hemi jajem yumi long olketa stretfala wei blong hem. Hemi tisim yumi long olketa lo blong hem an hem nao hemi sevem yumi.

Aesaea 40:7

Gras hemi save kamap drae nomoa, an olketa flaoa save foldaon, bikos Yawe hemi mekem hot win fo blou kam. Yu save, pipol i olsem gras nomoa, olketa no save stap longtaem.

Aesaea 49:2

Hemi mekem toktok blong mi fo sap olsem naef fo faet. Hemi gadem mi olsem hemi haedem mi long han blong hem. Hemi mekem mi redi olsem mi wanfala sap aro wea hemi redi fo sut long hem.

Aesaea 61:1

Wakaman blong Yawe hemi tok olsem, “Spirit blong Lod Yawe hemi stap wetem mi, bikos hemi siusim mi finis fo talemaot gudnius long olketa pua pipol. Hemi sendem mi fo finisim sore wea hemi save stap insaet long haat blong pipol. Hemi sendem mi fo talemaot long olketa hu i stap long prisin an olketa hu i waka olsem slev, dat bae olketa fri nao.

Aesaea 9:7

Wei blong hem fo rul, bae hemi kamap gudfala moa. An ples wea hemi rul ovarem, bae hemi garem piis olowe. Ya, bae hemi kamap wanfala king long laen blong King Deved. Paoa blong hem an stretfala wei blong hem fo jajem pipol, bae hemi gohed olowe nao. Lod Yawe yu garem evri paoa, an strongfala tingting blong yu nao bae hemi mekem evrisamting ya fo hapen.

Jeremaea 33:15

Long datfala taem, bae mi mekem Brans fo kamap long laen blong King Deved. Bae hemi rul ovarem disfala lan long wei wea hemi stret fogud.

Jeremaea 5:28

Oltaem, olketa kaikaim gudfala kaikai, mekem olketa fat fogud. Olketa no save stop fo no duim enikaen ravis samting nao. Olketa no save saetem olketa pikinini wea mami an dadi blong olketa i dae finis. An olketa no save helpem olketa pua pipol wea olketa narafala pipol i spoelem olketa.

Hosia 6:5

Dastawe nao mi sendem go olketa profet blong mi fo talemaot toktok blong mi, an sei wea bae mi kam fo panisim yufala. An wei wea mi jajem yufala hemi saenaot kam olsem laet.

Sefenaea 2:3

Yufala olketa hambol pipol long disfala lan, yufala hu i obeim Yawe, yufala mas aftarem hem nomoa. Lukaotem stretfala wei, an trae fo kamap hambol nomoa. Long wei olsem, maet yufala stap sef long de wea Yawe hemi somaot kros blong hem.

Malakae 4:6

Disfala profet bae hemi mekem olketa dadi an olketa pikinini fo stap gudfala tugeta moa. Sapos hemi no olsem, bae mi mekem trabol fo kasem ples blong yufala mekem hemi nogud tumas.?

Matiu 11:5

Olketa hu i blaen, olketa save lukluk nao. An olketa hu lek blong olketa dae, olketa save wakabaot nao. An olketa hu i garem ravis sik blong skin, bodi blong olketa gudbaek moa nao. An olketa hu ia blong olketa i pas, olketa save herehere nao. An olketa hu i dae finis, olketa laefbaek moa. An olketa pipol hu i pua tumas, olketa save herem Gudnius nao.

Matiu 5:5

Olketa hu i mekem olketa seleva fo lou, olketa save hapi ya, bikos bae olketa garem evri gud samting wea God hemi promis fo givim.

Aposol 9:1

Nao Sol hemi gohed fo tokstrong yet fo spoelem an kilim dae olketa disaepol blong Masta. So hemi go long Haeprist,

2 Korin 10:1

Samfala man sei mi hambol tumas taem mi stap wetem yufala an mi save raf nomoa taem mi stap farawe from yufala. Nao Kraes hemi kaen an hemi no raf,

Galesia 5:23

an fo no raf, an fo stopem wanem bodi blong hem seleva nomoa hemi laekem. No eni toktok long Lo hemi agensim olketa samting olsem ya.

2 Tesalonaeka 2:8

Long taem ya nomoa, Man fo Brekem Lo bae hemi kamaot klia nao. Hem nao man wea Jisas Masta blong yumi, bae hemi kilim dae wetem win blong maos blong hem nomoa. Ya, taem Jisas hemi kambaek moa, bikfala paoa blong hem bae hemi saen kam fo barava spoelem man ya.

Taetas 3:2

An olketa mas no tok nogud agensim eniwan, an mas no raoa. Bat olketa mas kaen an frengud long evriwan.

Jemes 3:13

Sapos eniwan long yufala hemi tingse hemi garem gudfala tingting an hemi waes, hemi mas somaot diswan. Laef blong hem mas gudfala, an hemi mas duim evrisamting long hambol wei bikos hemi waes.

Revelesin 1:16

Hemi holem sevenfala sta long raet han blong hem. An wanfala naef fo faet wea hemi sap tumas long tufala saet evriwan, hemi kamaot long maos blong hem. An fes blong hem hemi saen olsem san long midol de.

Revelesin 19:11

Den mi lukim moa heven hemi open, an mi lukim wanfala waet hos. An man hu hemi sidaon antap long hos ya, nem blong hem: “Kipim Promis an Tru Toktok.” Taem hemi jajem pipol an go long faet tu, wei blong hem hemi barava stret.

Revelesin 19:15

Wanfala naef fo faet wea hemi sap tumas, hemi kamaot long maos blong hem, an bae hemi yusim diswan fo winim evri kantri. An bae hemi strik tumas taem hemi rul ovarem olketa ya. An bae hemi mekem bikfala kros blong God hu hemi garem evri paoa, fo kasem olketa. Bae hemi olsem taem wanfala man hemi step antap long olketa frut blong grep tri ya, go-go wata blong frut ya hemi kamaot.

Revelesin 2:16

So yufala mas lusim olketa ravis wei olsem. An sapos yufala no duim diswan, no longtaem nomoa, bae mi kam long yufala an bae mi faetem olketa pipol ya wetem naef fo faet wea hemi kamaot long maos blong mi.