Aesaea 10:29 - Pijin Bible

²⁹ Olketa krosim dip vali ya an slip long Geba. Rama hemi wanfala taon wea hemi barava kolsap long Geba, an olketa blong taon ya i fraet fogud. Olketa pipol blong taon long Gibea, wea hemi taon blong King Sol bifoa, evriwan ranawe nao.

Pijin Deuterocanon

²⁹ Olketa krosim dip vali ya an slip long Geba. Rama hemi wanfala taon wea hemi barava kolsap long Geba, an olketa blong taon ya i fraet fogud. Olketa pipol blong taon long Gibea, wea hemi taon blong King Sol bifoa, evriwan ranawe nao.

Aesaea 10:29 Iomraidhean Croise

1 Kings 15:23

Olketa narafala samting wea King Asa hemi duim, wetem olketa bikfala samting wea hemi wakem, an olketa taon wea hemi bildim wolston raonem olketa, evrisamting ya olketa raetemdaon long Buk Abaotem Olketa Samting Olketa King blong Jiuda i Duim. Bat taem hemi olo, wanfala sik hemi spoelem lek blong hem.

Jeremaea 31:15

Yawe nao hemi gohed fo tok olsem, “Olketa herem go noes long Rama, an disfala noes hemi bikfala krae ya. Resel hemi krae nao fo olketa pikinini blong hem. An hemi had fo eniwan fo mekem hem filgud moa, bikos olketa pikinini blong hem, olketa no stap nao.

Hosia 10:9

Yawe hemi tok olsem, “From taem wea olketa bin sin long Gibea ka-kam kasem tude, olketa pipol blong Israel i gohed nomoa fo sin agensim mi. An long datfala taem, olketa nating sensim nomoa tingting blong olketa. Dastawe nao bae faet hemi kasem olketa moa, olsem wea hemi bin kasem olketa grani blong olketa long Gibea.

Hosia 5:8

Yawe hemi tok moa olsem, “!Olketa long Benjamin! !Bloum trampet long Gibea an Rama fo wonem olketa pipol! !Yufala long Bet-Aven mas redi fo faet! !Lukaot! !Olketa enemi i aftarem yufala nao!

Hosia 9:9

Oltaem, yufala gohed nomoa fo duim olketa nogud samting. Wei blong yufala hemi sem nomoa olsem nogud wei blong olketa grani blong yumi bifoa taem olketa stap long Gibea. Bae Yawe hemi no save fogetem disfala nogud wei blong yufala, an from diswan nao, bae hemi panisim yufala.

1 Samuel 10:26

An King Sol hemi gohom tu long Gibea, an samfala strong man fo faet i go wetem hem bikos God hemi bin mekem olketa fo tinghevi long Sol.

1 Samuel 11:4

Taem olketa man i kam talem nius ya long Gibea wea Sol hemi stap, olketa pipol long dea i ka-krae bikfala fogud.

1 Samuel 13:16

King Sol wetem san blong hem Jonatan an olketa soldia blong tufala i stap long Geba. Bat olketa soldia blong Filistia i stap long Mikmas wea hemi kolsap nomoa long Geba.

1 Samuel 13:2

den hemi siusim 3,000 man fo kamap olsem ami blong hem, an hemi sendem olketa narafala man fo gohom. Hemi mekem 2,000 soldia fo stap wetem hem long Mikmas, an long olketa hil long Betel, an hemi sendem 1,000 soldia fo go wetem san blong hem Jonatan long Gibea long distrik blong Benjamin.

1 Samuel 13:23

Oraet, wanfala grup long soldia blong Filistia i muv go long ples wea rod hemi gotru long midol long olketa hil long Mikmas.

1 Samuel 14:4

Jonatan hemi go fo lukim ples wea olketa soldia blong Filistia i stap long hem. Fo go long Mikmas, hemi mas go long smol rod wea hemi gotru long olketa hil. Long ples ya, hemi garem tufala hil long ston wea hemi had tumas fo wakabaot, wanfala long wan saet, an narafala long narasaet. Tufala hil long ston ya, nem blong wanfala hemi Boses, an nem blong narafala hemi Sene.

1 Samuel 14:5

Wanfala hemi stap long not long saet blong Mikmas, an narawan hemi stap long saot long saet blong Geba.

1 Samuel 15:34

Bihaen, Samuel hemi gohom long Rama, an Sol hemi gohom long Gibea.

1 Samuel 7:17

Bat oltaem, hemi kambaek long hom blong hem long Rama, an hemi jajem olketa trabol blong olketa pipol ya tu. An long datfala ples hemi wakem wanfala olta fo wosipim Yawe.