Aesaea 1:3 - Pijin Bible

³ Buluka hemi save long ona blong hem, an dongki hemi save dat ona blong hem nao hemi fidim hem. Bat olketa pipol blong Israel i no save long mi nao. Ya, olketa pipol blong mi i no save long enisamting.”

Pijin Deuterocanon

³ Buluka hemi save long ona blong hem, an dongki hemi save dat ona blong hem nao hemi fidim hem. Bat olketa pipol blong Israel i no save long mi nao. Ya, olketa pipol blong mi i no save long enisamting.”

Aesaea 1:3 Iomraidhean Croise

Sams 94:8

!Yufala olketa nogud pipol, yufala barava krangge fogud! ?Fo hao long nao bae yufala gohed fo krangge nomoa olsem?

Provebs 28:5

Olketa man nogud i nating save jaj long stretfala wei, bat olketa hu tinghae long Yawe i savegud long hem.

Provebs 6:6

Les man, go lukim olketa anis. Yu mas waes olsem olketa.

Aesaea 27:11

Taem olketa brans blong olketa tri ya hemi kamap drae an brek kamdaon long graon, olketa woman bae i kam fo pikimap fo faeawud. Yawe nao hemi mekem olketa pipol long ples ya, bat bikos olketa nating luksave long hem, bae hemi no sore an kaen long olketa.

Aesaea 42:20

Yufala bin lukim finis plande samting, bat yufala nating luksave nomoa long enisamting. Ia blong yufala hemi stap nomoa, bat yufala nating heresave nomoa long enisamting.”

Aesaea 44:18

Olketa pipol olsem, i nating save nomoa long wanem olketa duim. Olketa i olsem man wea hemi blaen an no save lukluk, an maen blong olketa tu hemi tudak fo minim olketa tru toktok.

Aesaea 5:12

Taem yufala holem olketa fist blong yufala, oltaem yufala pleim olketa gita an tamborin blong yufala, an yufala gohed fo bloum olketa bambu paep an dringim waen fo mekem yufala hapi an no save tingim olketa samting wea Yawe hemi duim fo yufala.

Aesaea 5:13

Dastawe nao Yawe bae hemi fosim yufala olketa pipol blong hem fo lusim hom blong yufala, mekem yufala kamap slev long narafala kantri wea yufala evriwan bae i dae long hanggre an dae fo wata.

Aesaea 56:11

Oltaem olketa i olsem nomoa olketa dog wea i hanggre tumas, an nomata olketa kaikai, bat olketa nating save fulap. Olketa lida ya i nating save long gudfala wei blong Yawe. Olketa evriwan i falom nomoa olketa tingting blong olketa seleva mekem olketa save kasem olketa gudfala samting.

Jeremaea 10:14

Evri pipol i krangge. Evri pipol no garem save. Olketa man fo wakem samting long gol, mas sem fogud, bikos olketa god wea olketa wakem, i laea god nomoa. Olketa no garem laef no.

Jeremaea 10:8

Olketa pipol i krangge. Olketa no garem save. An olketa kanduit lanem enisamting from olketa kaving wea i mekem long stik.

Jeremaea 35:16

Olketa ya long laen blong Jonadab, san blong Rekab, olketa obeim olketa toktok ya blong olo blong olketa bifoa, bat yufala ya, yufala no save obeim nao olketa toktok blong mi.

Jeremaea 4:22

Nao Yawe hemi tok olsem, “Olketa pipol blong mi i krangge an no save long mi nao. Olketa barava olsem olketa pikinini hu i no minimsave enisamting. Olketa savegud hao fo duim enikaen ravis samting, bat olketa no save hao fo duim enikaen gud samting.”

Jeremaea 50:6

“Olketa pipol blong mi bin lus finis, olsem olketa sipsip wea man fo lukaftarem olketa hemi lidim olketa go long rong wei, mekem olketa gohed fo wakabaot olobaot antap long olketa hil, an no save wea nao stret ples blong olketa.

Jeremaea 8:7

Olketa bikfala bed long skae i savegud long olketa sison long yia, an olketa kurukuru wetem olketa narafala smol bed i savegud long taem fo flae go long narafala ples taem kol hemi kamap. Bat yufala pipol blong mi, yufala no save long olketa lo wea mi Yawe bin givim long yufala.

Esikiel 16:30

“Mi Lod Yawe mi tok tru long yufala: !Ei! !Mi kros tumas long yu taem yu gohed fo duim olketa ravis samting olsem wanfala juri hu hemi nating sem nao long enisamting!

Daniel 9:11

Mifala evriwan blong Israel i no falom nao olketa Lo blong yu, an mifala no obeim yu tu. Mifala sin agensim yu, dastawe nao olketa trabol wea wakaman blong yu Mosis hemi raetemdaon insaet long olketa Lo ya, yu nao yu mekem fo hemi kam kasem mifala.

Hosia 2:8

“Hemi nating luksave nomoa wea olketa kaikai, an waen, an oliv oel wea hemi yusim, mi nomoa mi givim long hem. Hemi nating save nomoa dat olketa silva an gol wea hemi yusim fo wosipim god ya Baal, mi nao mi givim long hem.

Matiu 13:19

Eniwan hu hemi herem toktok abaotem kingdom long Heven, bat hemi nating minim nomoa an Seitan hemi kam an tekemaot toktok ya from maen blong hem, hemi olsem olketa sid wea olketa foldaon long rod.

Leta wea Pol hemi raetem go long sios long Rom 1:28

An bikos olketa les fo save long God, God hemi letem olketa fo falom nomoa ravis tingting blong olketa seleva, an olketa duim nomoa olketa samting wea no fit fo pipol i duim.

2 Pita 3:5

Bat olketa ya i les fo tingim dat God hemi tok nomoa, an skae wetem graon tufala kamaot nao. Hemi mekem graon fo kamaot from olketa wata, an hemi yusim wata fo mekem evrisamting long wol.