Aesaea 1:18 - Pijin Bible

¹⁸ Hem ya toktok blong Yawe. Hemi tok moa olsem, “!Olketa! Yufala mas kam distaem mekem yumi stretem disfala samting. Nomata sin blong yufala hemi barava had tumas fo aotem olsem blad long waet kaleko, bat mi save mekem yufala fo kamap barava klin nomoa olsem snou o hea blong sipsip wea hemi waet fogud.

Pijin Deuterocanon

¹⁸ Hem ya toktok blong Yawe. Hemi tok moa olsem, “!Olketa! Yufala mas kam distaem mekem yumi stretem disfala samting. Nomata sin blong yufala hemi barava had tumas fo aotem olsem blad long waet kaleko, bat mi save mekem yufala fo kamap barava klin nomoa olsem snou o hea blong sipsip wea hemi waet fogud.

Aesaea 1:18 Iomraidhean Croise

Stori abaotem Job 9:33

Bat no eniwan hemi save stap long midol long mitufala, mekem hemi jajem mitufala.

Sams 51:7

Plis yu tekemaot olketa sin blong mi, mekem mi klin finis. Plis wasim mi, mekem mi barava waet fogud.

Sams 51:9

Plis rabemaot olketa sin blong mi, an no lukluk moa long olketa ya.

Aesaea 1:23

Olketa lida blong yufala i les fo obeim toktok blong mi an olketa fren wetem olketa man fo stil. Oltaem olketa barava hapi fo tekem seleni wea olketa nogud man i nilam olketa long hem. An olketa nating helpem olketa pikinini wea mami an dadi blong olketa i lus, wetem olketa wido tu.

Aesaea 3:13

(Profet) Distaem, Yawe hemi redi fo jajem olketa pipol hu i duim olketa samting wea hemi agensim hem.

Aesaea 41:1

Yawe nao hemi tokstrong olsem, “!Yufala olketa pipol hu i stap long wol, go-go kasem olketa aelan wea i stap farawe! !Yufala stap kuaet fastaem, an lisin kam long mi! Yufala mas redi fo stanap long kot, mekem yufala talemaot olketa toktok blong yufala. Hemi gud yumi sidaon tugeta, mekem yumi faendemaot hu nao hemi stret.

Aesaea 41:21

Hem ya toktok blong Yawe hu hemi King blong yufala long laen blong Jekob. Hemi tok olsem, “!Yufala olketa narafala god! Yufala kam long kot blong mi an talemaot kam toktok blong yufala. Talem kam wea yufala tingse yufala save toktru.

Aesaea 44:22

Mi tekemaot finis olketa sin blong yufala, olsem win hemi bloumaot klaod long skae. !Yufala mas kambaek long mi! !Mi nao mi mekem yufala fo kamap fri!”

Aesaea 50:8

bikos God hemi stap kolsap long mi, an bae hemi somaot dat mi stret nomoa. ?Waswe, eniwan hemi laek fo tekem mi long kot? Letem hemi talemaot toktok ya wea hemi agensim mi long hem.

Aesaea 55:7

Yufala hu i falom olketa nogud wei, yufala mas lusim olketa wei ya. Yufala mas lusim olketa ravis tingting blong yufala. Yufala mas kambaek long Yawe hu hemi God blong yumi, mekem hemi sore long yufala an fogivim olketa sin blong yufala.

Jeremaea 2:5

Yawe nao hemi tok olsem, “!Olketa! ?Watkaen samting mi bin duim long olketa grani blong yufala long bifoa mekem olketa les long mi? Olketa bin wosipim olketa laea god wea i yusles, an olketa bin kamap yusles barava olsem olketa god ya tu.

Esikiel 18:27

Bat sapos wanfala nogud man hemi tanebaek from olketa ravis wei blong hem fo sin, an hemi duim olketa stret samting, bae hemi save sevem laef blong hem seleva.

Esikiel 33:16

Bae mi fogivim hem, an tekemaot olketa sin blong hem. An bae hemi laef, bikos hemi gohed fo duim olketa samting wea hemi stret an hemi gud.

Maeka 6:2

!Lisin kam gudfala, yufala olketa bikfala maonten! !Lisin kam gudfala, yufala olketa faondesin blong disfala wol, wea yufala bin stap kam longtaem bifoa nao! Yufala lisin kam long olketa toktok wea Yawe hemi talemaot agensim olketa pipol blong hem long Israel.

Aposol 17:2

an Pol hemi go fo prea wetem olketa olsem hemi save duim oltaem. Long trifala Sabat de nao hemi go an stori wetem olketa an hemi ridim olketa toktok long Buktambu,

Aposol 18:4

An long evri Sabat de, hemi go long preahaos an hemi toktok wetem olketa Jiu an olketa Grik, an hemi traehad fo mekem olketa evriwan fo biliv long wanem hemi talem.

Aposol 24:25

Bat taem Pol hemi gohed fo tokabaotem stretfala laef an hao man hemi save bosim hem seleva an hao God bae hemi jajem evriwan, Filiks ya hemi fraet nao, so hemi sei, “Ating hemi naf nao. Sapos mi garem taem moa bihaen, bae mi kolem yu kam.”

Leta wea Pol hemi raetem go long sios long Rom 5:20

God hemi givim kam Lo mekem olketa pipol save dat olketa duim plande rong samting. Bat taem sin i kamap plande moa, kaenfala lav blong God hemi gohed bikfala moa winim sin ya.

Revelesin 7:14

An mi ansarem hem olsem, “Masta, yu nomoa yu save.” So hemi sei long mi olsem, “Hem nao olketa pipol hu i bin gotru long bikfala trabol ya. An long distaem olketa wasim finis kaleko blong olketa long blad blong Smolfala Sipsip ya, an kaleko blong olketa hemi kamap waet moa.

1 Samuel 12:7

Distaem, yumi stanap long ae blong hem, an mi laekem yufala fo tingting gudfala long olketa bikfala waka wea hemi bin mekem fo sevem yumi, stat long taem blong olketa olo blong yumi bifoa kam, kam kasem yumi tude.