2 Timoti 1:4 - Pijin Bible

⁴ Mi tingimbaek tu taem yu krae long bifoa, an diswan hemi mekem mi wande lukim yu tumas, mekem mi filhapi moa.

Pijin Deuterocanon

⁴ Mi tingimbaek tu taem yu krae long bifoa, an diswan hemi mekem mi wande lukim yu tumas, mekem mi filhapi moa.

2 Timoti 1:4 Iomraidhean Croise

Sams 126:5

Olketa hu i sore an krae taem olketa plantem kaikai long gaden blong olketa, mi laekem olketa fo hapi tumas taem olketa tekem kaikai long gaden.

Aesaea 61:3

an fo lukaftarem olketa ya long Saeon. Fastaem olketa putum asis blong faea long hed fo somaot olketa sore, bat bae olketa hapi tumas, olsem wea olketa werem nambawan kraon. Fastaem olketa sore an krae, bat bae olketa singsing fo preisim Yawe. Bae olketa i olsem olketa strongfala ok tri wea Yawe seleva nao hemi plantem. An bae olketa evriwan i duim nomoa olketa samting wea hemi stret, an bae evriwan i preisim Yawe, fo olketa gudfala samting wea hemi duim.

Jeremaea 31:13

Olketa gele bae i dans fo hapi, an olketa yanga an olketa olo tu bae i joenem olketa. Bae mi liftimap tingting blong olketa an finisim evri sore blong olketa, mekem olketa hapi fogud.

Gudnius abaotem Jisas Kraes wea Jon hemi raetem 16:22

An long distaem yufala sore tumas ya, bat bae mi lukim yufala moa an bae tingting blong yufala barava hapi fogud ya, an bae no eniwan i save tekemaot disfala hapi from yufala moa.

Gudnius abaotem Jisas Kraes wea Jon hemi raetem 16:24

Kam kasem distaem, yufala no askem yet enisamting long nem blong mi. So yufala mas askem samting long hem an bae yufala tekem, mekem yufala barava hapi fogud.”

Aposol 20:19

Mi duim waka blong Masta long wei wea mi hambol an plande taem mi krae tu, an taem olketa Jiu olketa traehad fo faendem wei fo kilim mi dae, mi safa fogud.

Aposol 20:31

So yufala mas lukaot gudfala. An yufala no fogetem tu, wea olowe nomoa, nomata naet, mi bin tisim yufala an mi bin krae wetem yufala evriwan. An diswan hemi bin gohed fo trifala yia nao.

Leta wea Pol hemi raetem go long sios long Rom 1:11

Bikos longtaem nao mi laekem tumas fo lukim yufala, mekem mi save searem go spesol paoa blong Holi Spirit long yufala, mekem biliv blong yufala hemi strong.

Filipae 1:8

God hemi luksave dat mi lavem yufala tumas long sem wei wea Jisas Kraes hemi lavem yufala.

Filipae 2:26

Bat hemi laekem tumas fo lukim yufala moa, an hemi filnogud from yufala herem dat hemi bin sik tumas.

1 Tesalonaeka 2:17

Olketa Kristin fren, taem olketa pipol i fosim mifala fo goaot from yufala, no longtaem mifala barava laekem tumas fo lukim yufala moa. Hemi tru ya, bodi blong mifala nomoa hemi lusim yufala, bat tingting blong mifala hemi stap wetem yufala yet. Mifala tingim yufala tumas an mifala laek fo lukim yufala moa.

2 Timoti 4:21

Yu mas traehad fo kasem hia bifoa taem blong raf si. Yubiulas hemi talem kam halo long yu, an Piudens an Laenas an Klodia tu talem kam halo long yu, an olketa evri Kristin fren tu.

2 Timoti 4:9

Yu mas traehad fo kam kuiktaem long mi.

1 Jon 1:4

So mifala raetem disfala leta long yufala, fo mekem yumi barava hapi.

Revelesin 21:4

An bae hemi draem evri tias from ae blong olketa. An no eni pipol save dae moa, an no enitaem nao olketa save sore o krae o filpein moa. Bikos evrisamting blong bifoa, hemi nomoa nao.”

Revelesin 7:17

Bikos Smolfala Sipsip wea hemi stap long tron, bae hemi lukaftarem olketa olsem man hu hemi lukaftarem sipsip blong hem. An bae hemi lidim olketa go fo dring long olketa springwata wea hemi save givim laef. An God bae hemi draem evri tias long ae blong olketa, mekem olketa no save sore moa.”