2 Samuel 9:13 - Pijin Bible

¹³ An tufala lek blong hem i barava nogud, bat hemi stap kam long Jerusalem bikos hemi gohed fo kaikai long tebol blong king olowe.

Pijin Deuterocanon

¹³ An tufala lek blong hem i barava nogud, bat hemi stap kam long Jerusalem bikos hemi gohed fo kaikai long tebol blong king olowe.

2 Samuel 9:13 Iomraidhean Croise

2 Samuel 19:27

Hemi kam long yu an toknogud abaotem mi. Bat yu masta, yu olsem enjel blong God, an hemi gud fo yu duim long mi wanem yu tingse hemi stret fo yu duim.

2 Samuel 4:4

Nao narafala man tu hemi stap wea hemi smolfala grani blong King Sol. Nem blong hem hemi Mefiboset. Hemi san blong Jonatan. Bifoa, taem King Sol an Jonatan tufala dae long faet, hemi kasem faefala yia blong hem. Nao long taem wea olketa pipol i lusim taon ya long Jesreel an kam fo talemaot nius dat tufala ya i dae finis, woman wea hemi lukaftarem pikinini ya, hemi karim pikinini nomoa an tufala ranawe. Bat bikos woman ya hemi hariap tumas, pikinini hemi foldaon, an brekem tufala lek blong hem, so hemi no save wakabaot.

2 Samuel 9:12

Mefiboset hemi garem wanfala smol pikinini boe wea nem blong hem Mika, an evriwan long famili blong Siba i kamap wakaman blong Mefiboset.

2 Samuel 9:3

Den king hemi askem hem olsem, “?Waswe, eni pikinini long laen blong King Sol hemi stap yet? Mi laek fo kaen tumas long hem olsem God hemi laekem.” Hemi ansa olsem, “Wanfala san blong Jonatan hemi stap yet, bat lek blong hem hemi nogud, hemi no save wakabaot.”

2 Samuel 9:7

Oraet, Deved hemi tok olsem, “Yu no fraet. Bae mi laek fo kaen long yu bikos dadi blong yu, Jonatan, hemi gudfala fren blong mi. Evri lan blong grani blong yu, King Sol, bae mi givim gobaek long yu, an mi laekem yu fo kam kaikai wetem mi olowe long tebol blong mi.”

Jeremaea 52:33

So King Jehoeakin hemi aotem kaleko blong prisin, an evri de, stat long taem ya go-go kasem en long laef blong hem, hemi gohed fo kaikai wetem king ya long hae tebol blong hem.