2 Samuel 8:1 - Pijin Bible

¹ Bihaen, King Deved hemi go faetem olketa blong Filistia, an hemi barava winim olketa, an hem tekembaek ples long Metegama from olketa ya.

Pijin Deuterocanon

¹ Bihaen, King Deved hemi go faetem olketa blong Filistia, an hemi barava winim olketa, an hem tekembaek ples long Metegama from olketa ya.

2 Samuel 8:1 Iomraidhean Croise

2 Samuel 19:9

An olketa pipol long evri traeb blong Israel i gohed fo raoa long olketa seleva olsem, “Distaem King Deved hemi goaot finis from kantri ya bikos hemi ranawe from Absalom, bat hem nao hemi sevem yumi from olketa pipol blong Filistia an olketa narafala enemi blong yumi.

2 Samuel 2:24

Bat Joab an Abisae, tufala gohed fo ronem Abna moa. Taem san hemi godaon, olketa go kasem hil long Ama, kolsap long Gia, long rod wea hemi go long drae eria long Gibeon.

2 Samuel 22:44

Yu bin tekem mi aot from han blong olketa wantok hu i agensim mi. Yu mekem mi fo rul ovarem olketa narafala kantri. Olketa pipol wea mi no save long olketa bifoa, distaem olketa stap andanit long paoa blong mi nao.

2 Samuel 5:17

Taem pipol blong Filistia i herem dat pipol blong Israel i mekem Deved hemi king, olketa soldia blong olketa kam fo lukaotem hem fo holem hem. Bat taem hemi herem samting ya, hemi godaon fo stap long strongfala sefples blong hem.

2 Samuel 5:25

So Deved hemi duim olsem wea Yawe hemi talem long hem. An hem wetem ami blong hem i ronem olketa soldia blong Filistia, an kilim olketa dae, stat long Geba go-go kasem Gesa.

2 Samuel 7:9

Stat kam bifoa, eni ples wea yu go mi stap wetem yu olowe. Nomata taem yu go long faet, oltaem mi gohed fo winim olketa enemi blong yu. So bae mi mekem yu fo garem biknem, mekem olketa pipol tingim hem olsem nem blong olketa nambawan bikman long wol.

Sams 18:43

Yu bin sevem mi an tekem mi aot from han blong olketa pipol wea i agensim mi, an yu bin mekem mi fo rulim olketa pipol blong olketa narafala kantri. Olketa pipol wea mi bin no save long olketa bifoa, distaem olketa stap andanit long han blong mi nao.

Sams 60:2

Bifoa, hemi olsem wea yu mekem graon fo seksek, an yu bin brekem fo open bikfala. Distaem, plis yu mekem hemi gudbaek moa, bikos hemi stat fo foldaon long pisis nao.

Sams 60:8

An bae mi yusim kantri long Moab olsem besin fo wasim lek blong mi, an bae mi rul ovarem kantri long Idom. Mi singaot bikos mi winim kantri long Filistia long faet.”

Hibrus 11:33

Olketa biliv long God, an dastawe olketa duim enikaen bikfala samting. Olketa faetem olketa deferen kantri an olketa winim olketa. Olketa duim wanem hemi stret an olketa tekem olketa gudfala samting wea God hemi promis fo givim long olketa. Olketa satem maos blong olketa laeon,

Hibrus 11:34

an olketa kilim faea wea i bone bik tumas, an olketa naef fo faet blong enemi hemi no save kasem olketa. Nomata olketa wik tumas fastaem, olketa i strong go moa bihaen, an olketa strong tumas long olketa faet, an olketa winim olketa ami blong olketa narafala kantri.

1 Samuel 7:13

So ami blong Filistia i lus, an olketa no kambaek moa long lan blong Israel fo faetem olketa. An long taem blong Profet Samuel, Yawe hemi agensim olketa blong Filistia ya.