2 Samuel 7:21 - Pijin Bible

²¹ Olketa bikfala samting ya wea yu duim i kamaot long plan blong yu nomoa, an olketa kamaot barava olsem wea yu promis. An yu letem mi save long olketa samting ya.

Pijin Deuterocanon

²¹ Olketa bikfala samting ya wea yu duim i kamaot long plan blong yu nomoa, an olketa kamaot barava olsem wea yu promis. An yu letem mi save long olketa samting ya.

2 Samuel 7:21 Iomraidhean Croise

1 Kronikols 17:19

Olketa bikfala samting ya wea yu duim i kamaot long plan blong yu nomoa, an olketa kamaot barava olsem wea yu promis. An yu letem mi save long olketa samting ya.

Sams 115:1

Lod Yawe, yu nomoa, mifala mas mekhae long yu. bikos oltaem yu lavem mifala tumas, an oltaem yu kipim olketa promis blong yu long mifala.

Sams 138:2

Mi baodaon go long Tambuhaos blong yu an mi preisim nem blong yu, bikos yu lavem mi tumas an oltaem yu kipim olketa promis blong yu. Yu nao yu mekem mifala fo save dat nem blong yu an olketa toktok blong yu i hae moa winim evrisamting.

Nambas 23:19

God hemi nating olsem man wea hemi save laea, hemi nating olsem yumi, wea yumi save sensim toktok blong yumi. Sapos hemi promis fo duim samting, bae hemi mas duim nao. Sapos hemi talem toktok, toktok blong hem hemi mas kam tru nao.

Matiu 11:26

Tru ya Dadi, hem nao wanem yu laekem tumas fo hapen.”

Matiu 24:35

Skae wetem disfala wol bae tufala finis nomoa, bat toktok blong mi bae hemi nating save finis.”

Gudnius abaotem Jisas Kraes wea Luk hemi raetem 1:72

Hemi promis fo sore an kaen long olketa olo blong yumi bifoa, an hemi tingim yet disfala spesol agrimen blong hem ya.

Gudnius abaotem Jisas Kraes wea Luk hemi raetem 10:21

Nao long taem ya, Holi Spirit hemi mekem Jisas barava hapi fogud nao, an hemi tok olsem, “Dadi, yu nao yu Masta blong evrisamting long heven an long disfala wol. Mi tengkiu tumas long yu, bikos yu haedem olketa samting long olketa pipol hu i waes an save tumas, bat yu somaot olketa samting ya long olketa hu i olsem smolfala pikinini. Tru ya Dadi, hem nao wanem yu laekem tumas fo hapen.”

Gudnius abaotem Jisas Kraes wea Luk hemi raetem 12:32

An Jisas hemi sei moa, “Yufala no fraet, nomata yufala smolfala seksin nomoa, bikos Dadi blong yufala hemi hapi tumas fo letem yufala stap insaet long kingdom blong hem.

1 Korin 1:1

Mi Pol ya, wea God hemi mekem mi kamap aposol blong Jisas Kraes. Mi wetem Kristin fren blong yumi Sostinis,

Efesas 1:9

hemi somaot finis long yumi disfala plan wea hemi bin staphaed, wea hemi tingim bifoa kam fo Kraes nao hemi finisim.

Efesas 3:11

God hemi duim wanem hemi bin stap long plan blong hem long taem bifoa kam. An hemi duim diswan long waka blong Jisas Kraes Masta blong yumi.

Efesas 4:32

Bat yufala mas sore an kaen tumas long evriwan, an yufala mas fogivim evriwan olsem God hemi fogivim yufala long Kraes.

Diutronomi 9:5

Ya, hemi tru wea bae hemi letem yufala tekova long lan ya, bat hemi no bikos yufala i gud an falom olketa stretfala wei. !Nomoa nao! Bae hemi ronemaot olketa ya bikos olketa falom olketa wei nogud, an bikos hemi duim wanem hemi bin promisim long olketa olo blong yufala, Ebraham an Aesak an Jekob.