2 Samuel 6:7 - Pijin Bible

⁷ Bat wea, Yawe hemi kros tumas long hem bikos hemi no garem raet fo tasim Tambu Boks. So hemi kilim Usa dae long saet blong Tambu Boks nomoa.

Pijin Deuterocanon

⁷ Bat wea, Yawe hemi kros tumas long hem bikos hemi no garem raet fo tasim Tambu Boks. So hemi kilim Usa dae long saet blong Tambu Boks nomoa.

2 Samuel 6:7 Iomraidhean Croise

2 Samuel 6:8

An king hemi filnogud tumas, bikos Yawe hemi kros an hemi panisim man ya olsem. An stat long datfala taem kam kasem tude, olketa gohed fo kolem ples ya, “Peres Usa”.

1 Kronikols 13:10

Bat wea, Yawe hemi kros tumas long hem bikos hemi no garem raet fo tasim Tambu Boks, so hemi kilim Usa dae. Hemi dae long saet blong Tambu Boks nomoa.

1 Kronikols 15:13

Lastaem, yufala Livaet no karim kam Tambu Boks ya, dastawe Yawe hemi panisim mifala. Yumi no askem hem abaotem barava wei fo karim Tambu Boks ya.”

1 Kronikols 15:2

Nao hemi tok olsem, “Olketa Livaet nomoa i garem raet fo karim Tambu Boks blong God, bikos Yawe hemi bin siusim olketa ya fo karim hem, an duim olketa waka blong hem olowe.”

Nambas 4:15

Taem yufala redi fo muv go long narafala ples, olketa long laen blong Kohat mas kam karim evrisamting ya. Bat fastaem, Eron wetem tufala san blong hem i mas kavaremap evrisamting fo mekem redi, bikos olketa long laen blong Kohat i no save tasim olketa tambu samting ya. Sapos olketa tasim, bae olketa dae.

1 Samuel 25:38

Hemi stap olsem fo tenfala de, nao Yawe hemi mekem hem dae.

1 Samuel 6:19

Long datfala taem, Yawe hemi kilim dae seventifala man blong Bet-Semes bikos olketa luk insaet long Tambu Boks blong hem. An olketa pipol i filnogud tumas an gohed fo krae long disfala had samting wea Yawe hemi duim.