2 Samuel 6:17 - Pijin Bible

¹⁷ Olketa karim Tambu Boks go fo putum long ples blong hem insaet long haostent wea King Deved hemi mekem redi finis. Den hemi kilim dae olketa animol fo mekem sakrifaes go long Yawe. Samfala olketa barava bonem, an samfala i sakrifaes fo somaot dat olketa stapgud wetem Yawe.

Pijin Deuterocanon

¹⁷ Olketa karim Tambu Boks go fo putum long ples blong hem insaet long haostent wea King Deved hemi mekem redi finis. Den hemi kilim dae olketa animol fo mekem sakrifaes go long Yawe. Samfala olketa barava bonem, an samfala i sakrifaes fo somaot dat olketa stapgud wetem Yawe.

2 Samuel 6:17 Iomraidhean Croise

1 Kings 8:5

Nao King Solomon wetem olketa bikman blong Israel i kam tugeta long frant long Tambu Boks ya, an olketa mekem plande sakrifaes long sipsip an buluka. An no eniwan hemi save kaontem olketa animol ya.

1 Kronikols 15:1

King Deved hemi bildim olketa haos blong hem seleva long Jerusalem. An hemi redim tu wanfala ples wea hemi putumap wanfala haostent fo kipim Tambu Boks blong God long hem.

1 Kronikols 15:3

Deved hemi kolem kam moa olketa blong Israel fo hipap long Jerusalem, mekem olketa tekem kambaek Tambu Boks blong Yawe, an putum long ples wea hemi redim finis fo hem.

1 Kronikols 16:1

Olketa karim Tambu Boks go fo putum long ples blong hem insaet long haostent wea Deved hemi mekem redi finis. Den olketa kilim dae olketa animol fo mekem sakrifaes go long Yawe. Samfala olketa barava bonem, an samfala i sakrifaes fo somaot dat olketa stapgud wetem God.

1 Kronikols 6:31

Long taem wea King Deved hemi tekem kam Tambu Boks long Jerusalem, hemi siusim trifala man fo lidim miusik long tambuples ya.

2 Kronikols 1:4

Bat Tambu Boks blong God, hemi stap finis long wanfala haostent long Jerusalem. Hem nao haostent wea King Deved hemi bin putumap long taem wea olketa bin go long Kiriat-Jearim fo karim kam Tambu Boks ya.

2 Kronikols 5:6

Nao King Solomon wetem olketa bikman blong Israel i kam tugeta long frant long Tambu Boks ya, an olketa mekem plande sakrifaes long sipsip an buluka. An no eniwan hemi save kaontem olketa ya.

Sams 132:8

Lod Yawe, plis yu kam an stap olowe long ples blong yu wetem Tambu Boks ya wea hemi saen blong bikfala paoa blong yu.

Levitikas 3:9

Oraet, from disfala sakrifaes fo somaot dat hemi stapgud wetem mi, disfala man hemi mas tekem kam olketa gris blong sipsip olsem, gris long tel blong hem wea hemi katemaot stret long baeksaet blong sipsip, an olketa gris long insaet long bele blong hem, an tufala kidni blong hem wetem olketa gris blong tufala, an gudfala haf long liva blong hem. Den prist ya hemi mas bonem olketa samting ya long olta mekem olketa kaikai ya i wanfala tambu samting.