2 Samuel 6:10 - Pijin Bible

¹⁰ An hemi no wiling fo tekem kam Tambu Boks long Biktaon blong Deved. So hemi tanem kaat ya fo go long narafala rod, an hemi tekem Tambu Boks go long haos blong Obed-Idom wea hemi blong taon long Gat.

Pijin Deuterocanon

¹⁰ An hemi no wiling fo tekem kam Tambu Boks long Biktaon blong Deved. So hemi tanem kaat ya fo go long narafala rod, an hemi tekem Tambu Boks go long haos blong Obed-Idom wea hemi blong taon long Gat.

2 Samuel 6:10 Iomraidhean Croise

2 Samuel 15:19

Nao king hemi tok olsem long Itae blong Gat, “Fren, ating hemi moabeta fo yufala gobaek an stap wetem niufala king ya. !Yufala no wari fo kam wetem mi! Yufala pipol blong narafala kantri, an yufala strensa nomoa wea yufala ranawe from ples blong yufala an kam stap long hia.

2 Samuel 18:2

Den hemi putum olketa seksin ya long trifala grup. Hemi mekem Joab, an brata blong hem Abisae, an Itae man blong Gat, fo trifala i lida long trifala grup ya. An hemi tok olsem long olketa, “Bae mi go wetem yufala.”

2 Samuel 4:3

Olketa pipol blong Beerot ya fastaem i bin ranawe an go stap olsem strensa nomoa long Gitaem go kasem tude.

2 Samuel 5:7

Bat wea, Deved hemi winim disfala strongfala taon ya long Saeon. Bihaen, olketa kolem hem “Biktaon blong Deved”.

2 Samuel 5:9

Taon ya hemi wanfala strong sefples, an taem Deved hemi winim taon ya, hemi kolem hem, “Biktaon blong Deved”. Nao hemi mekem taon ya bikfala moa. Hemi stat long ples wea olketa fulumap graon long saet long ist wea hemi save wakem olketa haos antap long hem.

1 Kronikols 16:5

Hemi siusim Asaf mekem hemi lida blong olketa. Sekaraea hemi mektu lida. Nem blong olketa hu i gohed fo ringim olketa kaen gita i olsem: Jeel, an Semiramot, an Jehiel, an Matitaea, an Eliab, an Benaea, an Obed-Idom, an wanfala narafala Jeel. Asaf nao hemi ringim simbol.

Josua 19:45

an Jehud, an Bene-Berak, an Gat-Rimon,