2 Samuel 5:5 - Pijin Bible

⁵ Fastaem hemi stap long Hebron, an hemi king long Jiuda fo seven an haf yia, an bihaen, hemi stap long Jerusalem, an hemi king long olketa pipol long Israel an long Jiuda fo teti-tri yia.

Pijin Deuterocanon

⁵ Fastaem hemi stap long Hebron, an hemi king long Jiuda fo seven an haf yia, an bihaen, hemi stap long Jerusalem, an hemi king long olketa pipol long Israel an long Jiuda fo teti-tri yia.

2 Samuel 5:5 Iomraidhean Croise

2 Samuel 12:8

Olketa samting wea hemi king ovarem, an olketa waef blong hem tu, mi bin givim finis go long yu. Mi bin mekem yu fo kamap king blong olketa pipol blong Israel an blong Jiuda. An sapos olketa samting ya i no inaf, bae mi save givim plande samting moa long yu.

2 Samuel 2:11

Hemi king long Hebron, an hemi rulim pipol blong Jiuda fo seven an haf yia.

2 Samuel 2:4

Bihaen, olketa man blong Jiuda i kam long Hebron, an olketa kapsaetem lelebet oel long hed blong Deved fo mektambu long hem, mekem hemi kamap king long pipol blong Jiuda. Nao Deved hemi herem dat olketa pipol blong taon long Jabes long Gilead i berem finis King Sol.

1 Kings 2:11

King Deved hemi rul long Israel fo foti yia. Fastaem long Hebron, hemi rul fo seven yia, an bihaen long Jerusalem, hemi rul teti-tri yia moa.

1 Kronikols 11:3

Taem evri lida blong Israel i kam long Hebron, Deved hemi mekem wanfala agrimen wetem olketa long ae blong Yawe. Olketa agri fo Deved hemi king blong olketa an olketa i pipol blong hem. So olketa kapsaetem lelebet oel go long hed blong hem fo mektambu long hem fo hemi kamap king blong olketa. Hemi kamap olsem Profet Samuel hemi bin talem.

1 Kronikols 3:4

Olketa siksfala boe ya i bon long Hebron long seven an haf yia wea Deved hemi king long Jiuda. Bihaen, hemi king blong Israel fo teti-tri yia long Jerusalem.