2 Samuel 4:11 - Pijin Bible

¹¹ So taem tufala ravis man i go kilim wanfala stretfala man wea hemi slip nomoa long haos blong hem, panis blong tufala bae hemi barava nogud tumas moa. !Distaem bae mi mekem yutufala lus from disfala wol!”

Pijin Deuterocanon

¹¹ So taem tufala ravis man i go kilim wanfala stretfala man wea hemi slip nomoa long haos blong hem, panis blong tufala bae hemi barava nogud tumas moa. !Distaem bae mi mekem yutufala lus from disfala wol!”

2 Samuel 4:11 Iomraidhean Croise

Jenesis 4:11

!Taem yu kilim dae brata blong yu ya, blad blong hem hemi ran go daon long graon an graon ya hemi open fo tekem blad blong hem, an from samting ya, bae trabol hemi mas kasem yu. Taem yu wakem gaden blong yu bae hemi no save garem kaikai. Distaem, yu no garem eni ples moa long disfala wol ya, oltaem long laef blong yu, bae yu mas gohed fo wakabaot olobaot nomoa.”

Jenesis 6:13

Nao God hemi tok olsem long Noa, “Bikos wol ya hemi kamap ful nao long evri ravis samting wea olketa pipol ya i mekem, bae mi barava finisim wol ya nao wetem pipol ya.

2 Samuel 16:8

!Distaem Yawe hemi panisim yu, bikos yu nao yu bin kilim dae plande pipol long famili blong King Sol taem yu tekova long ples blong hem fo king! !Distaem Yawe hemi daonem yu finis, an hemi mekem san blong yu Absalom fo kamap king an sensim yu! !Yu man fo kil ya, dastawe trabol kasem yu nao!”

2 Samuel 3:27

Taem Abna hemi kam kasem ples ya, Joab hemi tekem hem go long geit blong bikfala wolston blong taon. Hemi mekem hemi luk olsem hemi laekem tok kuaet wetem hem seleva. An long ples ya nao, hemi holem naef, an busarem Abna long bele blong hem an kilim hem dae. Hemi duim samting ya bikos Abna hemi bin kilim dae brata blong hem Asahel.

2 Samuel 3:39

Hemi tru, God hemi siusim mi fo kamap king, bat tude mi filim olsem mi nating garem paoa. Olketa san blong Seruia, wei blong olketa hemi strong tumas, an mi nating hapi wetem. !So letem Yawe hemi panisim ravis man ya long wei wea hemi fitim ravis samting hemi duim!”

1 Kings 2:32

Yawe bae hemi sensimbaek long Joab blad blong tufala ya, bikos dadi blong mi hemi no save dat Joab hemi kilim dae Abna, san blong Na, hu hemi komanda blong ami blong Israel, an Amasa, san blong Jeta, hu hemi komanda blong ami blong Jiuda. Tufala ya i barava gudfala an stret winim Joab ya.

Sams 109:15

!Letem Yawe hemi no fogivim olketa sin blong olketa olo blong hem, an no eniwan hemi tingim moa olketa long laen blong hem!

Sams 9:12

Hemi gohed fo tingim olketa wea i safa, an gohed fo tingim tu krae blong olketa. An hemi panisim olketa pipol wea i gohed fo mekem olketa ya i safa.

Eksodas 21:12

Yawe hemi gohed fo tok olsem, “Eniwan hu hemi hitim nogud narafala man an kilim hemi dae, bae yufala mas kilim hem dae tu.

Eksodas 9:15

Sapos mi bin wande duim, mi save yusim bikfala paoa blong mi fo panisim yu wetem olketa pipol blong yu long wanfala bikfala sik an finisim yufala nao from disfala wol.

Provebs 2:22

Bat bae God hemi aotem an torowem olketa ravis pipol an evri nogud man from ples blong olketa.

Provebs 25:26

Taem olketa ravis man i daonem olketa stretfala man, hemi olsem olketa doti long springwata.

Jeremaea 10:11

Yufala mas talemaot long olketa pipol, “Olketa kaving ya wea i no mekem wol an skae, bae Yawe hemi spoelem olketa evriwan, mekem olketa no save stap moa long disfala wol.”

Habakuk 1:12

(Profet) Lod Yawe. Longtaem bifoa evrisamting hemi stat ka-kam kasem tude, yu nao yu God. Yu nomoa yu Holi God blong mi, an bae yu stap fo evritaem olowe. Yawe God blong mi, yu nao yu olsem strongfala Rok wea hemi sefples blong mi. Yu nao yu siusim olketa blong Babilonia an givim paoa long olketa fo panisim mifala.

Habakuk 1:4

Pipol no falom olketa tising blong yu, an olketa nating falom stretfala wei blong yu fo jaj. Olketa nogud pipol i gohed fo sensim stretfala wei ya fo ravis wei. Hem nao olketa gohed fo tekova from olketa stretfala pipol.

1 Jon 3:12

So yumi mas no olsem Kein hu hemi blong Seitan an hemi kilim dae brata blong hem Ebol. ?An waswe nao Kein hemi kilim dae brata blong hem? Hemi kilim hem dae bikos wei blong hem seleva hemi nogud, bat wei blong brata blong hem hemi stret fogud.