2 Samuel 3:25 - Pijin Bible

²⁵ Hemi kam long hia fo laea long yu ya. Hemi laek fo faendemaot evrisamting wea yu gohed fo duim, an evri ples wea yu go long hem.”

Pijin Deuterocanon

²⁵ Hemi kam long hia fo laea long yu ya. Hemi laek fo faendemaot evrisamting wea yu gohed fo duim, an evri ples wea yu go long hem.”

2 Samuel 3:25 Iomraidhean Croise

Jenesis 42:12

Nao hemi tok olsem moa long olketa, “!Nomoa! !Yufala kam fo faendaot nomoa abaotem mifala ya!”

Jenesis 42:16

!Wanfala long yufala mas go an tekem hem kam! Yufala olketa narawan, bae yufala stap long prisin go-go mifala faendemaot wea toktok blong yufala hemi tru o nomoa. Sapos nomoa, mi talem tru samting long yufala nao, bae mifala savegud nao dat yufala kam nomoa fo luksave long ples nomoa ya.”

Jenesis 42:9

Nao hemi tingim tufala drim blong hem ya wea hemi bin lukim bifoa, wea olketa bin baodaon long hem. Nao hemi toktok strong long olketa olsem, “Ating yufala kam nomoa fo luksave long ples blong mifala ya. Yufala laek fo faendaot nomoa abaotem mifala, sei mifala strong o nomoa, mekem yufala save kam an mekem faet wetem mifala ya.”

2 Samuel 10:3

olketa bikman blong Amon i tok olsem long Hanun, lida blong olketa, “?Waswe, yu tingse King Deved hemi mekhae long dadi blong yu taem hemi sendem olketa man fo toksore? Nomoa. Hemi sendem kam olketa nomoa fo luksave long olketa samting long disfala taon, mekem hemi kam spoelem hem.”

2 Samuel 3:24

So hemi go lukim king, an hemi tok olsem, “?Watkaen samting nao yu duim? Abna hemi kam long ples blong yu finis. ?Waswe nao yu letem hem go olsem?

2 Samuel 3:26

Den hemi lusim king, an hemi sendem samfala man blong hem fo go tekem kambaek Abna. Nao olketa kasem hem long wel long Sira, an olketa tekem hem kambaek moa long Hebron. Bat Deved hemi nating save long samting ya.

2 Samuel 3:27

Taem Abna hemi kam kasem ples ya, Joab hemi tekem hem go long geit blong bikfala wolston blong taon. Hemi mekem hemi luk olsem hemi laekem tok kuaet wetem hem seleva. An long ples ya nao, hemi holem naef, an busarem Abna long bele blong hem an kilim hem dae. Hemi duim samting ya bikos Abna hemi bin kilim dae brata blong hem Asahel.

2 Kings 18:32

Ya, yufala save stap gudfala olsem go-go kasem taem wea bae mi tekem yufala go long narafala lan wea hemi sem olsem disfala lan blong yufala. Bae mi putum yufala long wanfala lan wea hemi garem olketa plantesin long grep fo mekem gudfala waen, an hemi garem tu gudfala graon fo groum wit fo mekem bred. An hemi garem tu olketa tri, an plande hani. !Yufala mas duim wanem mi talem, sapos olsem bae yufala laef an yufala no save dae! “Yufala mas no letem Hesekaea fo trikim yufala taem hemi talem dat Yawe nao bae hemi sevem yufala. !Hemi no tru ya!

Sams 121:8

Stat distaem an gohed olowe nao, Yawe bae hemi gadem yumi evriwea yumi go long hem, an evriwea yumi stap long hem. (Singsing blong Deved. Olketa singim disfala singsing taem olketa goap fo fist long Jerusalem.)

Aesaea 37:28

“Bat mi save finis evrisamting long laef blong yu. Ya, mi save finis evrisamting wea yu bin duim, an olketa ples wea yu go long hem, an wei wea yu tok kros tumas long mi.

Nambas 27:17

Mekem hemi go fastaem long olketa nomata olketa goaot o olketa kambaek, an bae hemi olsem sif blong olketa long taem blong faet. Nogud pipol blong yu bae i stap olsem olketa sipsip wea i no garem eni man fo lukaftarem olketa.”

Gudnius abaotem Jisas Kraes wea Jon hemi raetem 7:12

Plande pipol tumas olketa toktokhaed abaotem hem. Samfala pipol olketa sei, “Hemi gudfala man ya,” bat samfala pipol moa olketa sei, “Nomoa, hemi mekem pipol fo falom laea blong hem nomoa ya.”

Gudnius abaotem Jisas Kraes wea Jon hemi raetem 7:47

Nao olketa Farasi i tok olsem, “Nogud yufala bilivim laea blong hem tu.

Leta wea Pol hemi raetem go long sios long Rom 2:1

Yufala hu i jajem olketa nara pipol, yufala no save talem enisamting nao. Taem yufala jajem olketa nara man, yufala jajem yufala seleva nomoa, bikos yufala tu duim olketa semsamting.

Diutronomi 28:6

“Bae hemi lukaftarem yufala evriwea yufala go long hem.