2 Samuel 24:22 - Pijin Bible

²² Den Arauna hemi tok olsem, “King, masta blong mi, yu tekem fri nomoa. An sapos yu laekem, yu save bonem olketa samting blong ples ya fo givim go long Yawe. Tufala buluka blong mi, yu save bonem tufala antap long olta fo mekem sakrifaes. An timba wea i holem tufala, an spesol timba fo klinim wit, yu save yusim fo faeawud.

Pijin Deuterocanon

²² Den Arauna hemi tok olsem, “King, masta blong mi, yu tekem fri nomoa. An sapos yu laekem, yu save bonem olketa samting blong ples ya fo givim go long Yawe. Tufala buluka blong mi, yu save bonem tufala antap long olta fo mekem sakrifaes. An timba wea i holem tufala, an spesol timba fo klinim wit, yu save yusim fo faeawud.

2 Samuel 24:22 Iomraidhean Croise

Jenesis 23:11

“Bos, toktok blong mi hemi olsem. Mi hapi tumas fo givim olketa graon long ples ya go long yu, wetem kev wea hemi stap insaet long ston ya. Long ae blong olketa pipol ya long ples blong mi, mi hapi tumas fo givim go nomoa long yu distaem, mekem yu save berem waef blong yu long hem.”

1 Kings 19:21

Nao Elaesa hemi gobaek long gaden. Hemi kilim tufala buluka blong hem, an hemi bonem olketa timba blong plao blong hem, an hemi kukim mit blong tufala buluka long faea ya. Den hemi givim mit long olketa pipol long dea, an olketa kaikaim. Bihaen hemi go falom Profet Elaeja fo helpem hem.

1 Kronikols 21:22

King Deved hemi tok olsem long Arauna, “Mi kam fo peimaot ples blong yu fo klinim wit. Mi wande wakem wanfala olta long Yawe long hia, fo stopem ravis sik ya. Yu save salem long mi long ful praes blong hem.”

Jajis 6:26

Bihaen, yu mas wakem gud wanfala barava olta fo wosipim mi. Wakem olta ya antap long disfala hil wea sefples blong yufala hemi stap. Nao yu kilim disfala buluka an katem tambu pos ya olsem faeawud fo bonem buluka long olta fo sakrifaes long mi.”

1 Samuel 6:14

Nao kaat ya hemi kam kasem gaden blong Josua, wanfala man long Bet-Semes. An hemi stop kolsap long wanfala bikfala ston long ples ya. Den samfala Livaet blong Bet-Semes i kam tekemaot Tambu Boks blong Yawe an putum long bikfala ston ya. An olketa putum long ston tu disfala boks wea olketa kaving long gol i stap long hem. An olketa man blong Bet-Semes i katem kaat ya fo faeawud, an olketa kilim tufala buluka nao. An olketa ofarem long Yawe olsem sakrifaes wea hemi barava bone. An long sem de olketa mekem samfala nara sakrifaes moa go long Yawe.