2 Samuel 24:15 - Pijin Bible

¹⁵ So Yawe hemi sendem kam wanfala ravis sik long pipol blong Israel, stat long datfala moning go kasem taem wea hemi bin talem. Sik wea hemi kasem olketa, hemi stat long taon long Dan long not, an hemi go kasem taon long Beereseba long saot. An 70,000 pipol nao i dae long sik ya.

Pijin Deuterocanon

¹⁵ So Yawe hemi sendem kam wanfala ravis sik long pipol blong Israel, stat long datfala moning go kasem taem wea hemi bin talem. Sik wea hemi kasem olketa, hemi stat long taon long Dan long not, an hemi go kasem taon long Beereseba long saot. An 70,000 pipol nao i dae long sik ya.

2 Samuel 24:15 Iomraidhean Croise

2 Samuel 24:2

So king hemi tok olsem long Joab, “Joab, yu wetem olketa komanda blong ami, yufala go long olketa traeb blong Israel, an kaontem olketa man hu i fit fo faet. Yufala mas stat long taon long Dan long not, go kasem taon long Beereseba long saot. Mi laek fo save haomeni man i stap.”

1 Kronikols 21:14

So Yawe hemi sendem kam wanfala ravis sik long pipol blong Israel. An 70,000 pipol nao i dae long sik ya.

1 Kronikols 27:24

Long datfala taem, Joab, san blong Seruia, hemi stat fo kaontem olketa man, bat hemi no finis, bikos Yawe hemi bin panisim olketa from sensas ya. So olketa no raetemdaon ful namba blong olketa long ripot long buk blong King Deved.

1 Kronikols 27:4

Long mektu mans, Dodae long laen blong Ahohi, hemi lida long mektu seksin. An Miklot hemi sekon lida blong hem. Olketa garem 24,000 soldia long seksin ya.

Aesaea 37:36

Enjel blong Yawe hemi kam long ples wea olketa soldia blong Asiria i stap, an hemi kilim dae 185,000 long olketa. Taem olketa pipol i wekap long moning, seknomoa olketa lukim nao bodi blong olketa soldia wea i dae finis.

Habakuk 3:2

Lod Yawe. Mi herem finis nius abaotem olketa samting wea yu bin duim. So, mi barava tinghae long yu. Plis yu duim moa distaem olketa semkaen samting wea yu bin duim bifoa. Nomata yu kros long mifala, plis yu sore kam nomoa long mifala.

Nambas 25:9

Bat datfala sik hemi kilim dae finis 24,000 pipol.

Matiu 24:7

Bae pipol long wanfala ples olketa faetem olketa pipol long nara ples, an wanfala kantri bae hemi faetem nara kantri. An bae taem blong hanggre hemi kasem plande pipol long wol an bae olketa bikfala etkuek olketa sekem plande ples long wol tu.

Revelesin 6:8

Mi luk go moa, an mi lukim wanfala hos hemi kamaot wea kala blong hem hemi luknogud, olsem hemi dae finis. An man hu hemi sidaon antap long hem, nem blong hem “Dae”, an narawan wea hemi kam wetem hem, nem blong hem “Ples blong man dae.” An God hemi givim paoa long tufala fo kilim dae smolfala haf long olketa pipol long wol. Tufala save kilim olketa dae, long olketa samting olsem bikfala faet an taem blong hanggre an olketa nogud siknis an olketa wael animol.

1 Samuel 6:19

Long datfala taem, Yawe hemi kilim dae seventifala man blong Bet-Semes bikos olketa luk insaet long Tambu Boks blong hem. An olketa pipol i filnogud tumas an gohed fo krae long disfala had samting wea Yawe hemi duim.