2 Samuel 23:34 - Pijin Bible

³⁴ Elifelet, san blong Ahasbae, man blong Maaka, Eliam, san blong Ahitofel, man blong Gilo,

Pijin Deuterocanon

³⁴ Elifelet, san blong Ahasbae, man blong Maaka, Eliam, san blong Ahitofel, man blong Gilo,

2 Samuel 23:34 Iomraidhean Croise

2 Samuel 10:6

Taem olketa blong Amon i save dat olketa mekem King Deved barava kros fogud long olketa, olketa haerem samfala ami blong Aram. Olketa kolem kam 20,000 soldia blong Aram wea olketa stap long Bet-Rehob an long Soba, an 12,000 man blong taon long Tob, an olketa kolem king blong Maaka tu wetem 1,000 man blong hem. Olketa evriwan i kam joenem olketa fo faet.

2 Samuel 10:8

Den olketa soldia blong Amon i go stanap aotsaet long geit blong taon long Raba, an olketa redi fo faet long dea. An olketa soldia blong Aram wetem olketa soldia blong Tob, an olketa soldia blong Maaka, olketa stap redi fo faet aotsaet long taon ya, long open ples.

2 Samuel 11:3

So king hemi sendem wanfala man blong hem fo go faendemaot nem blong hem. Hemi herem dat nem blong woman ya hemi Batseba. Hemi dota blong Eliam, an hemi waef blong Yuraea hu hemi man blong Het.

2 Samuel 15:12

Long semtaem hemi mekem sakrifaes, hemi sendem toktok go long taon long Gilo fo kolem kam Ahitofel. Man ya, hemi wanfala long olketa advaesa blong king. Nao plan blong hem fo agensim king hemi kamap strong moa. An olketa man wea i gohed fo sapotem hem i gohed fo kamap plande moa.

2 Samuel 15:31

An taem king hemi herem dat Ahitofel hemi bin joenem olketa hu i gohed fo sapotem Absalom, hemi prea olsem, “!Lod Yawe, plis yu mekem olketa advaes blong Ahitofel i kamap krangge!”

2 Samuel 17:23

Taem Ahitofel hemi save dat olketa no falom plan blong hem, hemi redim dongki blong hem, an hemi raedem gobaek long hom blong hem. Den hemi stretem evri bisnis blong hem. Bihaen hemi tekem rop, an hemi go hangem hem seleva dae. An olketa famili blong hem i berem hem long beregraon blong olketa.

2 Samuel 20:14

Joab hemi gotru long olketa distrik blong olketa traeb blong Israel long not, go kasem taon long Abel-Bet-Maaka, an olketa blong eria ya i kam tugeta an joenem hem.

Diutronomi 3:14

An Jaea hu hemi wanfala man long traeb blong Manase, hemi tekem olketa lan long eria long Agob long Basan wea hemi go kasem spialaen long ples blong pipol blong Gesua an pipol blong Maaka long west. An Jaea yusim nem blong hem seleva fo kolem olketa vilij long eria long Havot-Jaea. An disfala nem hemi stap yet kam kasem tude.

1 Samuel 26:6

Den hemi tok long Ahimelek hu hemi man blong Het, an Abisae wea hemi brata blong Joab, wea mami blong hem nao Seruia. Hemi askem tufala olsem, “?Hu nao long yutufala hemi wande kam wetem mi fo go insaet long ples wea Sol hemi stap long hem?” An Abisae hemi tok olsem, “Mi nao ya.”