2 Samuel 23:18 - Pijin Bible

¹⁸ Nao Abisae, brata blong Joab, wea mami blong tufala Seruia, hemi lida blong Olketa Tetifala Soldia ya. Hemi bin faetem 300 soldia, an kilim dae olketa evriwan wetem spia blong hem. Dastawe hemi garem biknem long ae blong Olketa Tetifala Soldia ya.

Pijin Deuterocanon

¹⁸ Nao Abisae, brata blong Joab, wea mami blong tufala Seruia, hemi lida blong Olketa Tetifala Soldia ya. Hemi bin faetem 300 soldia, an kilim dae olketa evriwan wetem spia blong hem. Dastawe hemi garem biknem long ae blong Olketa Tetifala Soldia ya.

2 Samuel 23:18 Iomraidhean Croise

2 Samuel 10:10

An olketa narafala soldia, hemi mekem brata blong hem, Abisae, fo hemi komanda long olketa. Abisae hemi putum olketa soldia long ples wea olketa fesim olketa soldia blong Amon.

2 Samuel 10:14

An taem olketa soldia blong Amon i lukim dat olketa soldia blong Aram i gohed fo ranawe, olketa tu i ranawe from Abisae, an olketa go insaet long taon blong olketa moa. Bihaen, Joab hemi no faetem moa ami blong Amon, hemi gobaek long Jerusalem.

2 Samuel 18:2

Den hemi putum olketa seksin ya long trifala grup. Hemi mekem Joab, an brata blong hem Abisae, an Itae man blong Gat, fo trifala i lida long trifala grup ya. An hemi tok olsem long olketa, “Bae mi go wetem yufala.”

2 Samuel 2:18

Nao trifala san blong Seruia i stap long ples ya, an nem blong trifala nao, Joab, an Abisae, an Asahel. Oraet, Asahel ya, hemi save ran fas tumas olsem wael dia.

2 Samuel 20:10

Bat wea, Amasa hemi no luksave long naef wea Joab hemi holem long lef han blong hem. Seknomoa, Joab hemi pusum naef go long bele blong Amasa. Olketa samting insaet long bele blong hem i kamaot, an foldaon long graon. Joab hemi yusim naef ya wanfala taem nomoa, bat Amasa hemi gohed fo dae. Den Joab an Abisae, tufala aftarem Seba moa.

2 Samuel 23:19

Long Olketa Tetifala Soldia ya hemi garem biknem. An nem blong hem hemi kamap hae moa, winim olketa narafala. Nao from samting ya, hemi kamap lida blong olketa, nomata hemi no kasem mak blong Trifala ya.

2 Samuel 3:30

Yu save, Joab an Abisae tufala kilim dae Abna fo sensimbaek blad blong Asahel, brata blong tufala, bikos bifoa, Abna hemi bin kilim hem dae long faet long Gibeon.

1 Kronikols 2:16

An Jese hemi garem tufala dota tu wea nem blong tufala nao, Seruia an Abigeil. Seruia, hemi garem trifala san olsem: Abisae, an Joab, an Asahel.

Eklesiastes 4:12

Taem wanfala enemi hemi kam, wanfala man hemi no save winim hem ya, bat tufala man save joen tugeta an winim hem nomoa. Ya, rop wea olketa wakem tugeta long trifala pis string, hemi no save brek kuiktaem.