2 Samuel 22:36 - Pijin Bible

³⁶ Lod Yawe, yu putum sil blong yu fo sevem mi. An yu kamdaon fo helpem mi, mekem mi garem biknem.

Pijin Deuterocanon

³⁶ Lod Yawe, yu putum sil blong yu fo sevem mi. An yu kamdaon fo helpem mi, mekem mi garem biknem.

2 Samuel 22:36 Iomraidhean Croise

Jenesis 12:2

Bae mi mekem fo yu garem plande pikinini, bae olketa long laen blong yu i kamap plande fogud. Bae olketa kamap wanfala strongfala laen an bae mi blesim yu. Bae mi mekem nem blong yu hemi kamap bikfala an bae yu kamap olsem wanfala gudfala blesing long evri narafala pipol.

Jenesis 15:1

Bihaen long taem ya, Yawe hemi toktok long Ebram insaet long wanfala spesol drim. Nao insaet long drim ya, hemi herem dat Yawe hemi tok olsem long hem, “Ebram, yu no fraet. Bae mi gohed fo lukaftarem yu gudfala, mekem no enisamting nogud save spoelem yu. An bae mi barava givim gudfala samting long yu.”

Jenesis 22:17

bae mi barava blesim yu, an olketa wea bae i bon kam long laen blong yu, bae olketa staka fogud. Bae olketa plande tumas olsem olketa sta long skae, an olsem olketa sanbis daon long saet si. An bae olketa gohed fo winim olketa enemi blong olketa.

Sams 115:14

Hemi gud tumas sapos Yawe hemi givim plande pikinini fo yufala, an fo olketa wea bae i bon kam long laen blong yufala.

Sams 18:35

Lod Yawe, yu gohed fo lukaftarem mi, an fo sevem mi, nao mi stap gudfala long han blong yu. An bikos yu bin helpem mi, dastawe nao mi garem biknem.

Sams 84:11

Lod Yawe, yu nao yu God, an yu nao yu gadem mifala an mekem mifala fo stap sef long yu. Ya, yu nao yu kaen long mifala, an yu givim biknem long mifala. Lod Yawe, oltaem yu givim nomoa olketa gudfala samting long olketa hu i duim wanem hemi stret.

Efesas 6:16

An oltaem nomoa yufala mas holem sil fo stopem olketa aro wea olketa laet long faea wea Seitan hemi sut kam long hem. Disfala sil ya hem nao hemi biliv blong yufala.

Efesas 6:17

An yufala mas werem wanfala hat blong faet wea hem nao hemi disfala wei wea God hemi sevem yufala. An yufala holem tu disfala naef fo faet blong Holi Spirit wea hem nao hemi toktok blong God.