2 Samuel 20:21 - Pijin Bible

²¹ Hemi no plan blong mifala. Mifala kam fo wanfala man nomoa, nem blong hem Seba, san blong Bikri. Hemi wanfala man blong olketa hil long Efrem. Hemi gohed fo agensim King Deved. Sapos yufala tekem kam man ya, bae mifala lusim taon blong yufala.” Oraet, woman ya hemi tok olsem, “!Yufala weit long ples ya! Bae mifala torowem go aotsaet hed blong hem long yufala.”

Pijin Deuterocanon

²¹ Hemi no plan blong mifala. Mifala kam fo wanfala man nomoa, nem blong hem Seba, san blong Bikri. Hemi wanfala man blong olketa hil long Efrem. Hemi gohed fo agensim King Deved. Sapos yufala tekem kam man ya, bae mifala lusim taon blong yufala.” Oraet, woman ya hemi tok olsem, “!Yufala weit long ples ya! Bae mifala torowem go aotsaet hed blong hem long yufala.”

2 Samuel 20:21 Iomraidhean Croise

2 Samuel 20:1

Nao wanfala ravis man hemi stap long datfala ples long Gilgal. Man ya, nem blong hem Seba, san blong Bikri long traeb blong Benjamin. Hemi bloum trampet, an hemi singaot long olketa soldia blong Israel olsem, “!Deved hemi no blong yumi! !Disfala san blong Jese i no blong yumi! !Yumi evriwan blong Israel, yumi gobaek long hom blong yumi!”

2 Samuel 20:2

So olketa soldia blong Israel i lusim king, an go falom Seba. Bat olketa soldia blong Jiuda i stap wetem king taem hemi lusim Jodan Riva, olowe go kasem Jerusalem.

2 Samuel 20:20

Den Joab hemi ansa olsem, “!Nomoa! !Mi no laek fo spoelem taon blong yufala!

2 Samuel 23:18

Nao Abisae, brata blong Joab, wea mami blong tufala Seruia, hemi lida blong Olketa Tetifala Soldia ya. Hemi bin faetem 300 soldia, an kilim dae olketa evriwan wetem spia blong hem. Dastawe hemi garem biknem long ae blong Olketa Tetifala Soldia ya.

1 Kings 11:26

An narafala man moa wea hemi agensim King Solomon, hemi wanfala bikman blong hem nomoa. Man ya, nem blong hem Jeroboam, an hemi san blong Nebat wea hemi man blong Sereda long traeb blong Efrem, an mami blong hem Serua, wanfala wido.

2 Kings 10:7

Taem olketa lida ya i tekem mektu leta, olketa kilim dae evriwan, an olketa katemaot hed blong olketa. An olketa fulumap olketa hed long samfala basket, an sendem go long Jehu long Jesreel.

2 Kings 5:22

An Gehasi hemi tok olsem, “Ya, evrisamting hemi oraet nomoa, bat masta blong mi hemi sendem mi kam fo tok long yu olsem, ‘Distaem nomoa tufala yangfala profet i jes kam. Tufala kam from olketa hil long distrik blong Efrem, plis yu givim kam teti-foa kilo silva, an tufala nambawan kaleko fo tufala.’ ”

Jeremaea 4:15

Nius hemi kam from distrik long Dan long not, an woning hemi kam from olketa maonten blong distrik long Efrem. Bikfala trabol nao bae hemi kam kasem olketa. Toktok ya hemi olsem,

Jeremaea 50:19

Bat bae mi tekem kambaek olketa pipol blong mi long stret ples blong olketa nao. Bae olketa i olsem olketa sipsip wea i stap long ples wea hemi garem gudfala gras long hem. Olketa gohed fo kaikaim olketa gras wea hemi grou long maonten long Kaamel, an long olketa hil long Basan. An long olketa hil long tufala distrik long Efrem an Gilead, bae olketa save kaikaim go-go olketa fulap fogud.

Josua 24:33

Taem Eliesa wea hemi san blong Eron hemi dae, olketa berem hem long Gibea long olketa hil long eria blong Efrem, insaet long lan wea olketa givim long san blong hem Finehas.

Jajis 7:24

An hemi sendem samfala man fo go long olketa ples long olketa maonten long lan blong Efrem. Olketa sei olsem, “Yufala kamdaon kuiktaem mekem yumi faetem ami blong Midian. Yufala gadem olketa ples wea olketa save krosim Jodan riva. Yufala no letem eniwan long olketa fo go akros narasaet long Jodan Riva fo kasem Bet-Bara.” So olketa soldia blong Efrem i kam tugeta an satem evri ples fo krosim Jodan riva go kasem Bet-Bara.

Jajis 9:55

Taem olketa pipol blong Israel wea i falom kam Abimelek, i lukim dat hemi dae finis, evriwan ya i givap an gobaek nao long ples blong olketa.

1 Samuel 24:6

Den hemi toksmol olsem long olketa man blong hem, “Letem Yawe hemi stopem mi fo no mekem eni trabol long masta blong yumi, wea Yawe hemi siusim finis. Mi mas no duim eni nogud samting long hem, bikos Yawe nao hemi siusim hem.”

1 Samuel 26:9

Bat Deved hemi toksmol olsem, “!Nomoa, yu no kilim hem! Yawe nomoa hemi siusim king ya, an hem bae hemi panisim eniwan wea hemi kilim hem dae.