2 Samuel 2:32 - Pijin Bible

³² Olketa tekem bodi blong Asahel fo go berem long Betlehem long ples wea olketa bin berem olketa olo blong hem. An olketa wakabaot fo fulnaet, an long eli moning olketa kasembaek Hebron moa.

Pijin Deuterocanon

³² Olketa tekem bodi blong Asahel fo go berem long Betlehem long ples wea olketa bin berem olketa olo blong hem. An olketa wakabaot fo fulnaet, an long eli moning olketa kasembaek Hebron moa.

2 Samuel 2:32 Iomraidhean Croise

Jenesis 47:29

An taem hemi save dat hemi kolsap taem blong hem fo dae, hemi kolem pikinini blong hem ya Josef fo kam an lukim hem. Nao hemi tok olsem long hem, “Yu kam. Sapos yu barava lavem mi, yu putum kam han blong yu andanit long lek blong mi, an yu mekem promis long mi, sei bae yu no berem mi long hia long Ijip.

Jenesis 47:30

Long taem mi dae, yu mas tekem mi aot from hia, an yu karim mi go an berem mi long ples ya wea olketa bin berem olketa grani blong mi long hem.” Nao Josef hemi tok olsem, “Bae mi duim nao wanem yu talem ya.”

2 Samuel 2:31

Bat olketa kilim dae 360 soldia long traeb blong Benjamin wea i bin go wetem Abna.

2 Samuel 5:1

Nao olketa lida blong evri traeb blong Israel i kam lukim King Deved long Hebron. An olketa tok olsem long hem, “Yumi evriwan, yumi wantok nomoa ya.

2 Kronikols 16:14

Olketa man fo redim bodi blong hem i tekem oel wetem olketa lif wea i garem gudfala smel, an putum long bodi blong hem, den olketa go berem hem long grev wea hemi mekem finis long Biktaon blong King Deved. An taem olketa berem hem finis, olketa mekem wanfala bikfala faea fo tinghae long hem.

2 Kronikols 21:1

King Jehosafat hemi dae, an olketa berem hem long beregraon blong olketa king long Biktaon blong King Deved. Den san blong hem, Jehoram, hemi sensim hem fo kamap king.

Provebs 22:29

Man save tumas long waka blong hem, hemi no duim waka blong olketa man nating, bat bae hemi duim waka blong bikman.

Jajis 8:32

Nao Gidion hemi kamap olo fogud an hemi dae. Olketa berem hem long ples wea olketa bin berem dadi blong hem, Joas. Ples ya hemi long Ofra long graon blong laen blong Abiesa.

1 Samuel 17:58

Den king hemi askem hem olsem, “?Yangman, hu nao dadi blong yu?” An hemi tok olsem, “Dadi blong mi Jese. Hemi man blong Betlehem, an hemi tinghae long yu.”