2 Samuel 2:19 - Pijin Bible

¹⁹ Hemi stat fo ronem Abna, an hemi ran go stret bihaen long hem.

Pijin Deuterocanon

¹⁹ Hemi stat fo ronem Abna, an hemi ran go stret bihaen long hem.

2 Samuel 2:19 Iomraidhean Croise

2 Samuel 2:18

Nao trifala san blong Seruia i stap long ples ya, an nem blong trifala nao, Joab, an Abisae, an Asahel. Oraet, Asahel ya, hemi save ran fas tumas olsem wael dia.

2 Samuel 2:20

Den Abna hemi luk go bihaen, an hemi askem olsem, “?Waswe, hemi yu nao Asahel?” An hemi tok olsem, “!Mi nao ya!”

2 Samuel 2:21

An Abna hemi tok olsem, “!Hemi naf nao! !Yu no ronem mi! Hemi moabeta yu ronem wanfala long olketa soldia blong mi. Bae yu save tekemaot olketa wepon wea hemi holem.” Bat Asahel hemi gohed nomoa fo ronem hem.

2 Samuel 3:27

Taem Abna hemi kam kasem ples ya, Joab hemi tekem hem go long geit blong bikfala wolston blong taon. Hemi mekem hemi luk olsem hemi laekem tok kuaet wetem hem seleva. An long ples ya nao, hemi holem naef, an busarem Abna long bele blong hem an kilim hem dae. Hemi duim samting ya bikos Abna hemi bin kilim dae brata blong hem Asahel.

2 Samuel 3:30

Yu save, Joab an Abisae tufala kilim dae Abna fo sensimbaek blad blong Asahel, brata blong tufala, bikos bifoa, Abna hemi bin kilim hem dae long faet long Gibeon.

2 Kings 22:2

King ya hemi duim olketa samting wea i stret long ae blong Yawe, an hemi gohed fo falom olketa gudfala wei blong King Deved, olfala grani blong hem bifoa. Hemi gohed nomoa fo duim wanem hemi stret olowe.

Provebs 4:27

Yu no tane go long lefsaet o long raetsaet from stretfala wei, bat tane goawe from wei nogud.

Josua 1:7

Yu mas stanap strong olowe, an yu mas no fraet. Yu mas obeim evri Lo wea wakaman blong mi ya Mosis hemi givim long yu. An yu mas no lusim eni pat long lo ya, mekem eniples yu go long hem, olketa samting wea bae yu duim hemi save gohed gudfala.

Josua 23:6

Bat yufala mas obeim olketa toktok wea Mosis hemi bin raetem insaet long buk blong Lo. Yufala mas falom evrisamting wea Lo ya hemi talem.