2 Samuel 19:9 - Pijin Bible

⁹ An olketa pipol long evri traeb blong Israel i gohed fo raoa long olketa seleva olsem, “Distaem King Deved hemi goaot finis from kantri ya bikos hemi ranawe from Absalom, bat hem nao hemi sevem yumi from olketa pipol blong Filistia an olketa narafala enemi blong yumi.

Pijin Deuterocanon

⁹ An olketa pipol long evri traeb blong Israel i gohed fo raoa long olketa seleva olsem, “Distaem King Deved hemi goaot finis from kantri ya bikos hemi ranawe from Absalom, bat hem nao hemi sevem yumi from olketa pipol blong Filistia an olketa narafala enemi blong yumi.

2 Samuel 19:9 Iomraidhean Croise

2 Samuel 15:14

Den king hemi tok long olketa bikman blong hem long Jerusalem olsem, “!Sapos yumi no laekem Absalom fo kilim yumi dae, yumi mas hariap fo goaot an ranawe nao! Sapos nomoa, bae hemi kam faetem yumi, an winim yumi, an bae yumi evriwan long taon ya, yumi dae.”

2 Samuel 18:17

Olketa tekem bodi blong Absalom an torowem godaon long wanfala hol wea hemi stap long dea, an bihaen olketa torowem olketa ston antap long hem fo kavaremap hem. Long datfala taem, olketa soldia blong Israel evriwan i ranawe go long olketa hom blong olketa.

2 Samuel 19:10

Yumi bin mektambu long Absalom fo mekem hem kamap king blong yumi, bat distaem olketa kilim hem dae long faet. ?Waswe nao yumi no mekem wanfala wei fo King Deved hemi kambaek?”

2 Samuel 19:40

Taem king hemi go long Gilgal, Kimham tu hemi go wetem hem. Taem king hemi katkros long Jodan Riva, evri soldia blong Jiuda wetem haf blong olketa soldia blong olketa narafala traeb blong Israel nao i lidim hem.

2 Samuel 22:44

Yu bin tekem mi aot from han blong olketa wantok hu i agensim mi. Yu mekem mi fo rul ovarem olketa narafala kantri. Olketa pipol wea mi no save long olketa bifoa, distaem olketa stap andanit long paoa blong mi nao.

2 Samuel 5:20

Den Deved hemi go long ples long Baal Perasim. An hemi faetem olketa soldia blong Filistia long dea, an hemi winim olketa. So hemi tok olsem, “Yawe hemi panisim olketa enemi blong mi, olsem bikfala wata long flad save spoelem wanfala ples.” Dastawe olketa kolem ples ya, Baal Perasim.

Sams 18:43

Yu bin sevem mi an tekem mi aot from han blong olketa pipol wea i agensim mi, an yu bin mekem mi fo rulim olketa pipol blong olketa narafala kantri. Olketa pipol wea mi bin no save long olketa bifoa, distaem olketa stap andanit long han blong mi nao.

Eksodas 32:24

So mi tok olsem long olketa, ‘Yufala hu i werem enisamting long gol, yufala tekemaot an givim kam long mi.’ An olketa duim nao. So mi torowem go olketa gol samting ya insaet long faea, an seknomoa, kaving blong man buluka ya hemi kamaot nao.”

1 Samuel 17:50

Hem nao, nomata Deved hemi no garem naef fo faet, hemi yusim sling an ston nomoa fo winim faet long Golaeat.

1 Samuel 18:25

Den Sol hemi tok olsem long olketa fo go talem hem moa olsem, “Braed praes blong woman ya, king hemi laekem nomoa 100 skin blong samting blong man blong Filistia. Hem nao fo sensimbaek olketa nogud samting wea olketa enemi ya i bin duim.” Long wei olsem hemi tingim dat ami blong Filistia bae kilim Deved dae.

1 Samuel 19:5

Long taem wea hemi kilim Golaeat, hemi redi fo lusim laef blong hem. An long taem ya, Yawe hemi mekem Israel fo win bikfala. Taem yu lukim samting ya, yu tu yu hapi long hem. Hemi nating mekem enisamting wea hemi rong. ?Waswe nao yu laek fo kilim hem dae? Yu nating garem eni gudfala rison fo kilim hem dae.”