2 Samuel 18:3 - Pijin Bible

³ Bat olketa ansarem hem olsem, “!Nomoa, king! !Yu mas stap! Yu mas no kam wetem mifala. Hemi moabeta fo yu stap nomoa long taon ya, mekem yu save sendem olketa soldia fo kam helpem mifala. Sapos mifala evriwan i ranawe, o olketa kilim dae haf long ami blong mifala, bae hemi samting nating long olketa. Long ae blong olketa, sapos olketa kilim yu dae, hem nao hemi barava olsem wea olketa kilim dae 10,000 soldia blong yumi.”

Pijin Deuterocanon

³ Bat olketa ansarem hem olsem, “!Nomoa, king! !Yu mas stap! Yu mas no kam wetem mifala. Hemi moabeta fo yu stap nomoa long taon ya, mekem yu save sendem olketa soldia fo kam helpem mifala. Sapos mifala evriwan i ranawe, o olketa kilim dae haf long ami blong mifala, bae hemi samting nating long olketa. Long ae blong olketa, sapos olketa kilim yu dae, hem nao hemi barava olsem wea olketa kilim dae 10,000 soldia blong yumi.”

2 Samuel 18:3 Iomraidhean Croise

2 Samuel 10:11

Den Joab hemi tok olsem long brata blong hem, “Sapos yu lukim dat ami blong Aram i winim mi, bae yu kam helpem mi, an sapos mi lukim dat ami blong Amon i winim yu, bae mi kam helpem yu.

2 Samuel 17:2

Distaem hemi taet, an tingting blong hem wikdaon finis. An mifala bae go fo faetem hem, an mekem hem fo fraet. An olketa pipol blong hem bae ranawe. Bae mi kilim dae king nomoa.

2 Samuel 21:17

Bat Abisae, san blong Seruia, hemi kam helpem king, an hemi kilim dae disfala strongman fo faet. Bihaen, olketa soldia blong Deved i mekem wanfala strong promis olsem, “Yu no save go moa wetem mifala long faet. Yu nao ya olsem laet blong Israel, so mifala no laek fo eniwan i kilim yu dae.”

1 Kings 22:31

Oraet, king blong Siria hemi bin talem olketa teti-tu komanda blong olketa kaat fo faet blong hem olsem, “Bae yufala mas no faetem enikaen soldia nomoa, yufala mas go faetem nomoa king blong Israel.”

Lamentesin 4:20

Disfala king wea Yawe bin siusim, hemi olsem wea hemi holem laef blong yumi. Yumi tingse hemi save gadem yumi from olketa narafala kantri, bat enemi i kasholem hem, an tekem hem aot from yumi.

Sekaraea 13:7

Yawe hu hemi garem evri paoa, hemi gohed fo tok olsem, ?!Naef fo faet blong mi! Yu mekredi fo agensim fren blong mi hu hemi lukaftarem sipsip blong mi. Yu kilim hem, an bae olketa sipsip ya i go olobaot. Bae mi agensim tu olketa smolfala sipsip blong mi.

1 Samuel 18:7

An taem olketa gohed fo dans, olketa singsing olsem, “King Sol hemi kilim 1,000 enemi, an Deved hemi kilim 10,000 enemi.”